عندي رخصه و ابحث عن عمل

انت  لست مٌهمل يابني انت رجٌل مكافح، الوظيفه الي انت تبحث عنها سيطروا عليها العماله الأجنبيه، في السابق كان ابانا واجدادنا يعملون في هذي المهن كدادين وخبازين يبيعون تمور ويبيعون المواد الغذائيه ويتاجرون بالأسواق واسواق الجمله، ولكن في بداية السبعينات دخلوا علينا عماله رخيصه سيطرت على الوظائف  وضيعت هويتنا الوطنيه.

الذنب ليس ذنبك يابني، تملك شهاده جامعيه ودرست وكافحت، الأجانب الي يعملون في هذي المهن حتى ابتدائي مايملك،
الذنب ليس ذنبك ذنب التجار والمتسترين الي دخلوا حثالة العماله بلدنا حتى سيطروا على جميع الوظائف والمهن

فيه ناس متخرجين بتقديرات امتياز و شوفهم قاعدين بين اربع جدران. 

شباب كثير ما لاقيين وظايف.   ما اقول غير ربي يرزقنا.  

لي سنتين والله أدور وظيفة كنت شغال في شركة و الآن في أزمة لا هي قادرة تاخذ مشاريع ولا قادرة تصرف رواتب و كل الزملاء بها مشو 

وانا قاعد سنتين أدور وظيفة لين خلاص تعبت وقاعد هاليومين أفكر بالشغل الحر لعل وعسى تكون الرزقة فيها. 

خذو نصيحتي 


فكرو بالاعمال الحره

انت لو تشتغل بيكون عليك تدفع راس المال فقط والايجار والكهربه اشياء رمزيه

وتتحكم بالسعر لو تكسب ريال بيمشي شغلك مضبوووووط

لكن الاجنبي لازم يرفع السعر لانه عليه
رسوم وايجار وكهربا وفلوس الكفيل ورواتب العمال اللي معاه ويحول لاهله في بلده

يعني مصاريف كثيره 

Coo14

كيف يشتغل السعودي والأجنبي لعين مٌسير على كٌل صغيره وكبيره !؟

احد السعوديين فتح بقاله  يقوا الموردين كلهم اجانب البضايع تتأخر ماتنزل لي،له ولايبيعون لي بالأجل،
 اسوة بباقي الجنسيات خصوصاً بني جلدتهم.

الحل يبدأ من الأساس سعودة قطاع الجمله بالكامل، ومنع الأجانب من العمل في هذي المهن، حيث ان هذي المهن توفر مايعادل اكثر من 8 مليون وظيفه، ابناء البلد اولى بها، بالإضافه الى الدخل الممتاز والدليل تحويلات الأجانب السنويه تتعدى المليارات  كٌلها من هذي المهن التي نعتقد بأنها بسيطه !!!

ونقطه مهمه هٌناك اذناب سعوديين يعملون بالتستر على الأجانب وهؤلاء هم سبب من اسباب البطاله والفساد، يجب معاقبتهم ونبذبهم من قبل المٌجتمع، لأنهم شرمذه قذره ساعدت على الفساد والبطاله،

اغلب الدسلايك والردود السلبيه الي تٌكتب لي حينما اقوم بتنبيه عن خطورة عمل الأجانب في السوق السعودي، هي من السعوديين المٌتسترين والتجار لأنهم مستفيدين من الأجانب وهؤلاء اكبر عدو لشاب السعودي الباحث عن عمل وهم سبب بالفساد والبطاله ودخول السلع الرديئة والجرايم، لذالك وجب التصدي لهم وتوضيح خطورتهم.


التستر=  سبب البطاله سبب الجريمه سبب العطاله سبب في عدم تطور البلد.

 

كيف التستر سبب البطاله !!!

اذا العاطل الباطل يبي وظيفه ليه مايقدم على رياده ويفتح له محل !!؟؟


التستر ماله دخل 

المتستر مايبي يوظف سعودي لان راتبه عالي ودوام محدود

الله يوفقك.   وحاول تشوف واحد وتدخل معاه شراكه بمحل صغير جوالاتت وكذا 

افضل وان شا الله بتستفيد وتتطور مع الايام 

بالنسبه للسعودة هي مطلوبه للوظايف العاليا
اما المحلات صعب تاجر يوظف سعودين. لان الموظف مايقبل راتب قليل طبعا 
ولا الدوام الطويل 
وفي النهاية التاجر بيرفع اسعاره ليعوض التكاليف وهذه في النهاية
في غير صالح المستهلكين

المحلات الصغيرة لاتصلح للوظيفه بل انه يفتح لنفسه ويشتغل فيها بنفسه 
ذاك الوقت بيجتهد اكثر والارباح له 

انا شفت مقطع ل يزيد الراجحي عنده افكار جميلة
في مطاعمه
وهي الفريق كامل سعودي 
ولكن مسوي نظام مشاركة.  او نسبه من الارباح
او بدون راتب فقط نسبه من الارباح 
وهذا طيعا يزيد من الاجتهاد في العمل 
ولمصلحه الجميع 

اللي يتكلمون عن مشاريع و عمل حر
ترى العمل المشروع يبغاله رأس مال و يبغاله واحد
فاهم أساسيات التجارة .. هذا غير ان السوق أصلا
راكد في أغلب القطاعات
بعض الناس تحسب شغل التجاره سهل و بسيط الله
يجزاهم خير ..
و لكن ما نقول الا الله ييسرها من عنده

كلامك سليم يبغاله راس مال و ماهو سهل بس في ظل عدم توفر وظائف  يكون العمل الحر هو الخيار الأنسب و ممكن تعمل شي بسيط مثل انك تصمم 

موقع تجارة الكترونية مثل حراج على سبيل المثال  مؤسسه عاطل عن العمل  وما شاء الله عليه كاسب من وراه ذهب. 

الله يرزقنا جميعنا 

يعني بتحط كل المشكلة بالمتستر كل واحد يدورمصلحته وهنا يجي دور الحكومة في تنظيم الشغل

وزارة العمل سامحه للتاجر يجب عامل ب1500 وش يحده يجيب سعودي ويكلفه اكثر

وماهو بالضرورة تكون القضيه الرواتب والتكلفه فقط فيه اجانب رواتبهم بمئات الاف