ممكن تفيدوني عن لينكولن تاون كار

اعتقد ثاني موضوع تنزله . ونسأال الله ان يكتب لك الشفا .
التاون من الناحيه الميكانيكه اخو الماركيز والكروان فيكتوريا . الفرق بالبودي والداخليه . واسعارها نار
لو انت عندك فورد فيه بوالين . تراه نفس التاون كار

وهل اقدر اركب بالونين بالفورد

اخي الكريم رديت عليك رد مفصل في استفسارك السابق خصوصا عن البوالين حقت الفورد

الحمدلله على سلامتك وقدامك العافيه يارب
البالون المقصود به بعض الفوردات وخصوصا التاون كار الخلف بدون يايات
تكون بوالين على كمبروسر في الكبوت ولها حساس يحافظ على توازن السياره
اغلب العالم اذا خربت بسبب شوارعنا الجميله البالون الواحد ماركة فايرستون ب650 ريال فيربكون يايات
واغلب الناس يسمسها هيدروليك لكن الحقيقه ماهي هيدروليك مجرد هواء حتى البعض يولف لها منفاخ ابو جمل ويثبته في الشنطه
بالنسبة للبنزين الفورد ما يصرف الا من خلل فيه
اما في وضعه الطبيعي
موتري 2011 بوليسي
اعبيه 95 ب 64 ريال اذا صفر
داخل الرياض من ال 450 كيلو الى 500 كيلو وتنقص شوي اذا اظطريت احيانا للتدعيس لكن لايقل عن 400 كيلو
عالخط في الصيف المكيف شغال والموتر محمل عفش والسرعه متفاوته من 140 الى 170 يمشي 650 كيلو لين تولع اللمبه وبعد اللمبه يعطيك من 30 الى 50 كيلو
الفورد مريح جدا شرط تكون مساعداته ويايات سليمه والاذرعه موزونه اذا مهي موزونه تفقد راحته
اهم شي لا تاخذ الا موتر مخبور ولال تاخذ واحد راعي خبره يفحصه الممشى على استخدام نظيف ما يضر
موديل 2000 وماشي 350 الف يعتبر معقول جدا بمعدل 20 الف في السنه هذي حقت دوام بيت اذا كان في مدينه كبيره مثل الرياض جده الشرقيه
بالتوفيق

جزاكم الله خير على ردودكم

والله منت فاضي لعطالاته وخاصه مع وضعك الصحي
السيارات الامريكيه متفوقه في الراحه ولكن على حساب جيبك
عندك الفوردات لكن نقص في هواء الاطارات وايضا اللكزس اريح سيارات اليابان

انا معاي تاون كار ٢٠٠٥
والموتر مريح جدا و عملي لأبعد الحدود
وقطع غياره الميكانيكيه هي نفس الكراون فكتوريا.

طبعا عليك بالنظيف.

وعشان رقبتك ترتاح فاخذلك نوع الهيدرولينك وانسى المطبات.

اشتري تاون كار  كارتير  مريح جدا 2003