نصيحة لشراء سيارة مستعمله

ركز على نظافة المكينة والقير والدفرنس ان كانت دفع خلفي , ركز على الكهرباء والانوار ركز على حالة الفرش والديكورات واخيرا البودي وجتى اذا كانت مصدومة ومرشوشة شرط ما يكون ارباج طلع او تاثر شاصيه غير كذة توكل على الله وبالتوفيق عزيزي

افحص الاستهلاكيات من بطاريات ومياه وزيوت وقطع وكفرات وغير ما يلزم تغييره بالاتفاق بينك وبين البائع سواء كان على حسابك او خصما من قيمة السيارة وبالتوفيق يا عزيزي

اهم شي مكينة وقير وشاصي ذا هي سليمة اشترها بتخدمك
واكيد بتحصلها مرشوشة

يالغالي اهم جزء في السيارة البدي
اذا صلح كل شئ بعده يهون لان كل 
شئ تقدر تغيره الا البدي .
يأتي بعد البدي المكينه 
ثم القير والدفرنس ان وجد ....
باقي الاشياء الاستهلاكيه بسيطه وتقدر 
تخصم تصليحها بعد الفحص بعد الاتفاق مع
صاحب السلعه والله يسهل امرك ....

اختلف معاك يابو ليلى افرض انا عندي سيارة بدي وكالة من الصدام للصدام لكن المكينة فيها جلد بلوف وشنابر القير يفوت ما اغير زيت المكينة والقير على الوقت بينما عندي سيارة اخرى فيها صدام ورفرف مرشوشين او خلنا نقول حتى مرشوش كامل والمكينة وكالة والقير تمام والشاص سليم فايهما تختار

اخي المعتصم انا ذكرت اربع عناصر مهمه والبدي 
في القائمه الاولى ثم المكينه والقير والدفرنس ان وجد
الشئ الثاني للمعلوميه في البيع تحت الميكرفون سكر
في مويه دائما تركيز الشريطيه واصحاب المعارض 
على البدي وترى السيارة اللي بديها نظيف تباع سكر في 
مويه تحت المكرفون باسعار ممتازة عكس البدي المرشوش
من تجربه ماعمري شريت موتر مرشوش حتى لو رفرف 
الا عانيت من مشاكل العزل ومسح الكفرات وعدم اتزان
السيارة وثباتها في اللفات وكل شخص له وجهة نظر
لكن اللي يبي يفهم كلامي ينزل السوق ويشوف اسعار 
السيارات اللي بديها نظيف تحت الميكرفون سكر في مويه كم تصل 
عموما اختلاف الاراء لاتفسد الموضوع بالعكس كل شخص له تجربته
وانا اتكلم من تجارب وشكرا ....

افضل سيارة فئة الاكسنت

النصيحة الوحدة اللي اقدمها لك احرص على الجديد والنظيف اكثر من الفئة


كثير من الناس يروح ياخذ موتر قديم لكن مكينة كبيرة وفئة متوسطة يعني اني بيكسب من الجهتين واخرتها يحط فيه لين يذن ويبيعه ماجاب ربع خسايره


لذلك اشتر فئة صغيرة بعيداً وش كانت السيارة تكون من الموديلات الحديثة مالها اكثر من خمس الى سبع سنين ان كثرت وممشاها جيد

والله يبارك لك

اذا تقدر تبدر 32 الف تاخذ جديد وتريح نفسك شانجان ولا بي واي دي شركات صينية احسلك من المستعمل لان المستعمل حظك يانصيب

يا اخوان البدي ليس كل شيء في السيارة ، ممكن تلقى سيارة بدي وكالة وملعوب في حسبتها ، وممكن سيارة مرشوشة ونظيفة
وتخدم معك سنين قدام ، أنا أقول الصدمات الخارجية في البدي أرى أنها غير مؤثرة يعني تغيير رفرف أو باب أو رش وسمكرة الدقشات
والحكات ، أهم شيء في البدي لا تكون فيه ضربات قوية واصلة الشاصية ومعدلة من أثرها أو متأثرة الأذرعة والمقصات
والمجموعة وأن لا تكون ضربة واصلة إلى حدود المكينة ، وكذلك لا تكون السيارة مقلوبة لأن تصليح السيارة المقلوبة يسبب لك
أصوات وتنسيم هواء ، وكذلك الصدمات في الكتف الفاصل بين الغمارة الامامية والخلفية هذه المنطقة الضربة فيها عادة تكون
سيئة وشغلها صعب وما تضبط صح فتسبب عدم اتزان بين الابواب وتنسيم للهواء ، أيضاً السيارات المقصوصة هذه من أخطر
ما يمكن شراءها ، والله أعلم .

بالمبلغ ﺎﻟﻟي ذكرته ، ركز على المكينة والقير والدفرنس
لأن بهذا المبلغ (صعب) تلاقي بودي سليم

اخي النهراني بارك الله فيك هذا الكلام الصحيح

بارك الله لكم جميعا ... أنا فعليا تقريبا أمي بالمعلومات التي تم ذكرها
و جزاكم الله خيرا جميعا ..