الاصطبات ما تشتغل اثناء ما امسك فرامل ؟

انا معاي جمس الوالد وواجهت نفس مشكلتك الا هو الاصطبات تكون شغالة بس لمبات الفرامل ما تشتغل يعني تدعس فرامل كانك مو داعس المهم غيرت سوتش الفرامل اللي هو الحساس حق الدعسة وضبطت واشتغلت الفرامل بس انت غريبه غيرت الحساس وما اشتغلت 

اي والله غريبه واحد كهربائي يقول احتمال من الظفيرة ولكن بشوف اراء الاخوان

سيارتك عالضمان؟ اذا ايه ودها الوكالة

حياك
القاعده تقول للسيارات الحديثة 
تسوي لها اعادة برمجة
واسهل شي افصل اصابع
البطاريه عشر دقايق ورجعها
هذا اسهل طريقة قبل تغير اي شي
وباالتوفيق

الحساس تأكد انه اصلي
ونفس مشكلتك حصلت لي بس بماركيز وتكيسلت اشتري حساس اصلي واشتريت تجاري ب 80 ريال
ركبه الكهربائي ولا اشتغل وجلس يخبط بالحساس القديم لأنه وكالة واشتغل وركبه وراح علي التجاري بلااااش
لان مافيه استرجاع للقطع الكهربائية

وزميل لي حصلت له نفس المشكلة بفورد بعد وطلع الخراب من اسلاك فوق دعسة الفرامل ملتمسة
ظبطها الكهربائي وظبطت اموره

ي رجال ماعليك من ظفيره مين نصاب ذا

مشكلتك من حساس الفرامل ولا اللمبات محترقه ولا فيوز

م راح تطلع من الدائره ذي

المشكلة 99% من سويتش الفرامل ، يكون فوق دعسة الفرامل

تأكد أنه ما فيه ماس في السيارة ، لأن الماس يسبب مثل هذه المشكلة ، شيك على الظفيرة .

اولا اشكر كل من شارك في موضوعي ويا اخوان وديت السيارة لكهربائي سمعته ممتازه وباين انه معلم فحص على الحساس وقال سليم وفحص على جميع الفيوزات قال كلها سليمه وتأكد من المبات قال سليمه مهي محروقه وقالي لازم تخلي السيارة بأفحص الاسلاك الي رايحه لااصطبات احتمال مجروحه او فيه ماس وخليتها عنده لبطره وبشوف وبعطيكم الي يحصل معي للخبره وشكرا

الحمد الله تم حل المشكله واتضح ان الاسلاك جهت الاصطبات الخلفيه متقطعه شوي وما توصل كهرباء وما تشتغل حبيت اعلمكم للخبرة وشكرا