أضف سؤال أو موضوع جديد          

مخالفة باشر استفسار يا اخوان

up 13 down 0
فهد1426 363
قبل 4 سنه و شهر



هل يحق لي الاعتراض والا رجل المرور مصدق 
حيث انني كنت ابحث عن موقف للسيارة وامامي سيارة تخرج من الموقف ترجع للخلف فتوقفت له حتى يخرج وادخل مكانه ولم يستغرق الامر الا ١٥ ثانيه ودخلت الموقف ولكن بعد نصف ساعة جاءتني رسالة مخالفة باشر وقوف في اماكن غير مخصص هل استطيع اثبات ماحصل ام ان رجل المرور مصدق والتصوير للوحة السيارة فقط  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله مالك الا تسدد افضل من الاعتراض وروح وتعال وهجولة ف الشمس ،،، والشكوى لله وقول حسبي الله ونعم الوكيل ولو مظلوم الله بياخذ حقك 


up 13 down 1
zax_makkah 248
قبل 4 سنه و شهر



انا مرة وانا نايم رن الجوال رسالة مخالفة وقوف خاطى التاريخ قبل سنة وعليها رقم لوحة السيارة لايوجد وسددت 100 ريال!!!!!!!!!!!!!!!!!!11


up 5 down 1
المعتصم بالله 6519 443
قبل 4 سنه و شهر



^^ وقوف خاطئ زمان كان ب ١٠٠ صحيح تلقاها اكثر من سنة بعد الحين ١٥٠ انا جاني عدم ربط حزام امان وانا اربطه دايم وسددتها الشكوى لله اهجول نفسي بالناصرية وساكن بشمال الرياض ماتسوى التعب


up 4 down 1
benz lover -75
قبل 4 سنه و شهر



حبيبي تقدر تعترص ولو كل واحد قال مافيني اروح واجي على كذا ما احد اخذ حقه وبتطلع صورت سيارتك وانت تنتظر يعني حقك مايروح باذن الله انصحك تقدم اعتراض 


up 7 down 1
nnomoshkl 90
قبل 4 سنه و شهر



سددها لا تتدبل عليك 

اما الاعتراض كله متاهات وتاخير ومماطله وبالنهايه 
بيقولون لك سددها وتعال اعترض. لاكن سدد وخلها 
على رب العرش العظيم 


up 3 down 1



نصيحه للمرات الجايه اذا بتنتظر احد داق الريوس بيطلع من الموقف
دق اشارت السياره عشان اي واحد يمر يعرف
انك بتوقف بموقف السياره الي بتطلع قدامك وخصوصا المرور
عشان مايتحمس ويصورك بمخالفه


up 6 down 2
d7ooom777 391
قبل 4 سنه و شهر



ثلاثة دائما مصدقين حتى لو ظلموك 
١- الحاكم 
٢- المرأة 
٣- العسكري 


up 23 down 5
nasser1430 873
قبل 4 سنه و شهر



فشوري عليك سدد ولا تطقها كعابي في اروقه مرور الناصرية ومواقفهم الخايسه وتحصل لك مخالفة ثانية 


up 9 down 0
nasser1430 873
قبل 4 سنه و شهر



الحقيقة اني احس بالضيم والقهر والله  انا ما وقفت الا انتظر اللي قدامي يرجع عشان ادخل مكانه وما استغرق الوضع الا ثواني معدودة واصلا الطريق سالكه سيدين ماشيه ولا يوجد عرقلة للحركة نهائيا ولو هالعسكري اللي مستقعد للناس لو كلف نفسه ونزل من سيارته قبل يصور كان عرف اني انتظر اللي قدامي وهو في حالة رجوع وانا معطيه فرصة لكن انا ان شاء الله ناوي اعترض يوم الاحد او الاثنين مهو عشان ١٠٠ ريال لكن والله عشان القهر والظلم وسواء صدقوني او ما صدقو ما يهمني عند الله يجتمعون الخصوم لكن السكوت على ظلم يعتبر ظلم ايضا  


up 10 down 0
فهد1426 363
قبل 4 سنه و شهر



فهد يعلم الله قبل يومين مثلك انا كان واحد طالع من الموقف وجيت بوقف مكانه شوي الا تجيني رساله وقوف خاطئ سددتها والشكوى لله


up 1 down 2
صاحب الاوريون 2017 115
قبل 4 سنه و شهر



فهد قدم اعتراض وحقك راح تاخذه لاتخاف
انا مقدم قبل كذا ورجع مبلغ المخالفه في حسابي ..


up 2 down 1
nnomoshkl 90
قبل 4 سنه و شهر



بعض رجال المرور في الميدان فيهم قذارة عجيبة ما تشوفها إلا فيهم ، الواحد سبحان الله تقول ان المخالفة إلي يعطيك تدخل جيبه
لو كان فيه عرقلة للسير أو تقفيل على أحد قلنا طيب من حقه يعطيك مخالفة ، لكن بما أن الطريق سالك والأمر لم يستغرق ثواني
فنعوذ بالله من هذه النوعيات ، يا اخي اعترض من أبسط حقوقك ويظهر التصوير الأمر بوضوح ، أيضاً لا تنسى تطلبهم يحضرون
العسكري الي اعطاك المخالفة تتفاهم معه وتفهمه ما هي مصلحته من أذية المسلمين ، ونبغى منك ترجع تكتب لنا بما سوف يحصل
معك إن شاء الله علشان الناس يستفيدون في مثل هذه الحالات .


up 4 down 1
النهراني 271
قبل 4 سنه و شهر



أضيف كذلك لو ثبت أن العسكري معطيك المخالفة ظلم فإبمكانك رفع شكوى ضده في مرجعه فإذا لم تجد منهم تجاوب تسطيع
أن ترفع دعوى في ديوان المظالم وهم ياخذون حقك منه .


up 1 down 2
النهراني 271
قبل 4 سنه و شهر



بأذن الله راح اراجعهم الاحد او الاثنين وعسى الله يكتب ما فيه الخير ويكفينا شر من فيه شر واذى


up 1 down 0
فهد1426 363
قبل 4 سنه و شهر



الله يعينك اخوي المرور الأيام هذي يدور الشارة عليك لو تعطس عطاك مخالفة :)
المفارقة العجيبة انه في ناس منتحرة مدري بالعة حبوب ترمي سياراتها على خلق الله بسرعة 180-160 بطريق سرعته 100

ونادراً نشوف واحد منهم ينمسك ويتم توقيفه


up 3 down 1
nader2002 1662
قبل 4 سنه و شهر