مخالفة باشر استفسار يا اخوان

والله مالك الا تسدد افضل من الاعتراض وروح وتعال وهجولة ف الشمس ،،، والشكوى لله وقول حسبي الله ونعم الوكيل ولو مظلوم الله بياخذ حقك 

انا مرة وانا نايم رن الجوال رسالة مخالفة وقوف خاطى التاريخ قبل سنة وعليها رقم لوحة السيارة لايوجد وسددت 100 ريال!!!!!!!!!!!!!!!!!!11

^^ وقوف خاطئ زمان كان ب ١٠٠ صحيح تلقاها اكثر من سنة بعد الحين ١٥٠ انا جاني عدم ربط حزام امان وانا اربطه دايم وسددتها الشكوى لله اهجول نفسي بالناصرية وساكن بشمال الرياض ماتسوى التعب

حبيبي تقدر تعترص ولو كل واحد قال مافيني اروح واجي على كذا ما احد اخذ حقه وبتطلع صورت سيارتك وانت تنتظر يعني حقك مايروح باذن الله انصحك تقدم اعتراض 

سددها لا تتدبل عليك 

اما الاعتراض كله متاهات وتاخير ومماطله وبالنهايه 
بيقولون لك سددها وتعال اعترض. لاكن سدد وخلها 
على رب العرش العظيم 

نصيحه للمرات الجايه اذا بتنتظر احد داق الريوس بيطلع من الموقف
دق اشارت السياره عشان اي واحد يمر يعرف
انك بتوقف بموقف السياره الي بتطلع قدامك وخصوصا المرور
عشان مايتحمس ويصورك بمخالفه

ثلاثة دائما مصدقين حتى لو ظلموك 
١- الحاكم 
٢- المرأة 
٣- العسكري 

فشوري عليك سدد ولا تطقها كعابي في اروقه مرور الناصرية ومواقفهم الخايسه وتحصل لك مخالفة ثانية 

الحقيقة اني احس بالضيم والقهر والله  انا ما وقفت الا انتظر اللي قدامي يرجع عشان ادخل مكانه وما استغرق الوضع الا ثواني معدودة واصلا الطريق سالكه سيدين ماشيه ولا يوجد عرقلة للحركة نهائيا ولو هالعسكري اللي مستقعد للناس لو كلف نفسه ونزل من سيارته قبل يصور كان عرف اني انتظر اللي قدامي وهو في حالة رجوع وانا معطيه فرصة لكن انا ان شاء الله ناوي اعترض يوم الاحد او الاثنين مهو عشان ١٠٠ ريال لكن والله عشان القهر والظلم وسواء صدقوني او ما صدقو ما يهمني عند الله يجتمعون الخصوم لكن السكوت على ظلم يعتبر ظلم ايضا  

فهد يعلم الله قبل يومين مثلك انا كان واحد طالع من الموقف وجيت بوقف مكانه شوي الا تجيني رساله وقوف خاطئ سددتها والشكوى لله

فهد قدم اعتراض وحقك راح تاخذه لاتخاف
انا مقدم قبل كذا ورجع مبلغ المخالفه في حسابي ..

بعض رجال المرور في الميدان فيهم قذارة عجيبة ما تشوفها إلا فيهم ، الواحد سبحان الله تقول ان المخالفة إلي يعطيك تدخل جيبه
لو كان فيه عرقلة للسير أو تقفيل على أحد قلنا طيب من حقه يعطيك مخالفة ، لكن بما أن الطريق سالك والأمر لم يستغرق ثواني
فنعوذ بالله من هذه النوعيات ، يا اخي اعترض من أبسط حقوقك ويظهر التصوير الأمر بوضوح ، أيضاً لا تنسى تطلبهم يحضرون
العسكري الي اعطاك المخالفة تتفاهم معه وتفهمه ما هي مصلحته من أذية المسلمين ، ونبغى منك ترجع تكتب لنا بما سوف يحصل
معك إن شاء الله علشان الناس يستفيدون في مثل هذه الحالات .

أضيف كذلك لو ثبت أن العسكري معطيك المخالفة ظلم فإبمكانك رفع شكوى ضده في مرجعه فإذا لم تجد منهم تجاوب تسطيع
أن ترفع دعوى في ديوان المظالم وهم ياخذون حقك منه .

بأذن الله راح اراجعهم الاحد او الاثنين وعسى الله يكتب ما فيه الخير ويكفينا شر من فيه شر واذى

الله يعينك اخوي المرور الأيام هذي يدور الشارة عليك لو تعطس عطاك مخالفة :)
المفارقة العجيبة انه في ناس منتحرة مدري بالعة حبوب ترمي سياراتها على خلق الله بسرعة 180-160 بطريق سرعته 100

ونادراً نشوف واحد منهم ينمسك ويتم توقيفه