الجوال و السيارة
30
2
إضغط هنا للإخفاء
السلام عليكم و رحمة الله و بركاته
موضوعي اليوم خارج عن الميكانيكا واعطال السيارات
الحمد لله على تمام النعمة واكتمال المنة
رزقت بمولودة بعد انتظار 12 سنة
ولله الحمد من قبل ومن بعد
أسأل الله أن يبارك لي فيها ، وأن يبلغني فيها عروسا ، وأن يرزقني برها .
اللهم أعني على شكرك وذكرك وحسن عبادتك
اخواني اليوم بعد طلعت من المستشفى مع المولود الجديده
وقفت عند اشارة و باخد يسار و جنبي على اليمين واحد ماسك الجوال و اكبر مني
المهم فتحت الاشارة و لفيت يمين و هو لف معي و ضيق عليي قلت ماعليه الله يهديه مع العلم سيارته اكسنت
و انا معي مثل ماتعرفوا جمس سوبربان
مشينا على الشارع بخطين و انا ماسك اليسار و هو بالنص قلت اطق له هرن كان ينتبه او اتفاده و افك الشر
و اشوفه بعد ماطقيت له هرن ترك الجوال و يطالع بالمرايه الجانبيه و جاء عند سيارتي الظاهر
يبغي يخوفني صدمني بالصدام الامامي و تعرفونه حديده و هو بأكسنت
المهم وقفت على جنب و هو معاي و نزلت و رحت له و انا معصب عند الاهل و بنتي مع العلم اكبر مني
و اسمعوه العذر تبعه يقول انا كنت بروح يمين و انت جيتني و انا رحت للشارع اقول له هدا خطين يبن اناس
عيب عليك تمسك مسارين و تسولف بالجوال و تصدم بخلق الله
اخر الكلام اخد سيارته و كانت الصدمة جهة باب الراكب الخلفي مع الرفرف و مشى عني و انا موتري ماجاته شي
قسم بالله ورطة مع اللي يسوق و هو ماسك جواله و ياليت يعرف هو سايق الجوال و الا الموتر
المفروض المرور يتعامل بحزم مع هالاشكال بس للاسف ياكثرهم و لاحد معتبر من الحوداث و سببها الجوال
لا تنسوا ان عندكم اهل و عيال ينتظروا رجعتكم للبيت بالسلامة
تحياتي لكم حبايبي
إبلاغ
سيارات للبيع
الردود
سالفه الجوال والله صار المشكله منتشره كثيرر جدا جدا كل مامشي احصل واحد ماسك الجوال وماشي 120 وأمس خالي صدم بسنتافيَ الله يعوضه ويهديه ماسك الجوال وحذفت السياره وصدم بعمود والحمدلله سلم
4
0
مبروك ماجاك وتتربى بعز ولديها
والله يحفظها لك ويقر عينك فيها
انت فرحتك غير
كان وقفت وخليته يبعد عنك من البدايه وكملت طريقك
كبر دماغك وانبسط بحياتك
اموووواه للبنت مو لك
12
0
والله فرحت لك يا ابن الاجواد على ان الله عوض صبرك بعد طوووول الانتظار .. أسال الله ان يرزقك بره وتكون شفيعة لك يوم الدين
اما سالفة المكالمة واستخدام الجوال اثناء القيادة فما ابغى اتكلم لان فرحتك اكبر من اننا نفسدها بهالامور .. لكن لعل وعسى
الدولة الله يعزها تلتفت على قضية هالجوال ومخالفة استخدامه اثناء القيادة وتصدر قرار يكون صارم وحازم يقطع دابر من يخالف القانون
5
0
و الله يعطي الاهل الصحه و العافيه و حمد لله على سلامتهم
سالفة الجوال مصيبه مانبغي نتعمق فيها زياده بس الله يكفينا شرهم و بلاويهم
4
0
جد مشكلة اللي يسوقون و يطقطقون على هالجوالات ما ادري كيف يركزوا على الطريق. ربي يعين و يجيرنا من ساعة الغفلة.
4
0
والله شي يقهر بعض الناس مفهية خلقة عاد مع جوال بعد كارثة !!
5
0
وَقَدْ بَلَغْتُ مِنَ الْكِبَرِ عِتِيًّا * قَالَ كَذَلِكَ قَالَ رَبُّكَ هُوَ
عَلَيَّ هَيِّنٌ وَقَدْ خَلَقْتُكَ مِنْ قَبْلُ وَلَمْ تَكُ شَيْئًا)
سبحان الي رزقك والله انه خبر يبهج الصدر
تتربى بعزك والله يجعلها من حفظة كتابه الكريم
5
0
المرور لو يياخذ سيارات عاديه ويمشي بالخطوط الرئيسيه وكل ماشاف احد ماسك جواله او سواقته غير صحيحه زي الي صادفك
يسجل عليه مخالفه من دون مايدري كان خاف يطلع جواله هو يسوق يقول بنفسه لاحد يصيدني
بس المرور فالح بالتفاتيش يسلخ الناس ويترك الجوالات والي يخيطون
الله يعين
4
0
تتربى بعزك
واهنيك على الموضوع الي كله لايكات ماشاء الله الموضوع والتعليقات
هاذي المواضيع المميزة
3
0
الله يحفظها لك ويقر بها عينك
وتتربى بعزك ان شاء الله
4
0
عموما الف مليون تريليون مبروك
3
0
بالنسبه لأستخدام الجوال اثناء القياده عادة سيئه وللاسف منتشره
بكثره
4
0
و صحيح اشغلتنا سالفة الجوال لو يعرف يسوق بدونه بعد مشيناها هههه
المفروض المرور بدل توزيع القسايم و نقاط التفتيش على الفحص و التأمين
يشوف حل للجوالات كم واحد راح فيها و السبب تافه تصوير سناب او واتسب
الله يعينا عليهم
قبل 6 سنه و 5 شهر