المنتدى للقراءة فقط. تم نقل المنتدى إلى حراج السيارات.

زجاج السيارة مكسور

تقييم إيجابي 4 تقييم سلبي 4
mustafa77 6103 414
قبل 9 سنه



كيف الحال ياشباب

طلعت للدوام الصباح الا زجاج سيارة الوالد مكسور الخلفي يسار المثلث
و الظاهر لغرض سرقة السيارة بالكامل

المستفرب من الموضوع ان الوالد كبير بالسن و خدوم
و عنده ديوانيه لجمعة الحارة و الجيران و القرايب
ويوصل رحم و الحمد لله

النيه اني كنت ابغي اكلم الشرطه بس اعرف بيجي للبصمات و بيمشي و حتى لو واضحه
ماتوقع بيجيبونهم لان اكثر من مرة صارت و لا شفنا شيء بس بصمات خلاص كف بلاغ

والله اني اكتب هالكلام و مغبون على الحركه يعني لو الوالد ظالم اسكت و الله
و العصر ان شاء الله رايح اركب
كاميرات عند زوايا البيت كامل اسلم لانفسنا و للبيت و السيارات

هدي فوائد الكاميرات للبيت افضل شيء











الردود


تأكد ممكن السرقه كانت من اجل شي في السياره مثلا  نظاره   عطر  جهاز لان الحرامي اعوذ بالله منه ما يعرف طيب او بطال اهم شي يسرق  . حصلت معي نفس الحركه بس كانت قزازة السائق تسحبها تنزل المعك المهم وقفت السياره في الليل و طلعت نمت صحيت الصباح لقيت السياره مفتوحه و ملعوب في الادراج بس ما كان عندي شي فيها فاضيه  شكل الحرامي حزن علي وحط المفك حق السرق في السياره  و الحمدلله استعملته لتأمين القزاز يوميا   

تقييم إيجابي 3 تقييم سلبي 0



حرام عليهم و الله لا يوفقهم دنيا و اخره
الواحد بقروض و ديون تكسر ظهره و اخرتها يجيك واحد حيوان و انتم بكرامه
يسرقها و يمشي
صارت لخويي سرقوا سيارته و ليومك من 6 سنوات مالها لا حس و لا خبر
راح حلاله ماخدها يروح عليها الدوام و يمشي عياله فيها اقساط

الله يعينكم لابد من الكام

تقييم إيجابي 2 تقييم سلبي 1



شيك على الاستبنه صارت معي قبل كذا كسروا القزاز وما حصلتهم سارقين شي فما بلغت الشرطة بعد يومين جيت احمل اغراض في الشنطة وانتبهت انه الاستبنة انسرقت
والله يحميم حلالكم وحلال جميع المسلمين

تقييم إيجابي 2 تقييم سلبي 0
bafaba 359
قبل 9 سنه



لا تكلم شرطة ولا شي مر محل قزاز ب ٤٠ ريال غيره وخلاص رب العالمين يعوضك

حاول لا تحط اشياء ثمينه ابد وبالنسبة للكاميرات اغلب السرقات بسيارات بدون لوح وملثمين العثور عليهم صعب جدا 

تقييم إيجابي 2 تقييم سلبي 4
benz lover -78
قبل 9 سنه



الله يكون بالعون و يفكنا شر الحرامية اللي مايخافون الله

تقييم إيجابي 2 تقييم سلبي 0
bindakheel 1204
قبل 9 سنه



دايم احرص ما تحط شيء ثمين بالسيارة 



تقييم إيجابي 3 تقييم سلبي 0
abomesal 1037
قبل 9 سنه



فعلاً لا تحط اشياء ثمينة او غالية في السيارة حتى لا تغري اصحاب النفوس الضعيفة للسرقة 
واللي عنده بايكه ( كراج ) يوقف موتره فيه ويريح نفسه 

تقييم إيجابي 1 تقييم سلبي 0
nasser1430 872
قبل 9 سنه



ياليت عندي كراج كبير كان ارتحنا على العموم شاكر لكم مروركم

تقييم إيجابي 2 تقييم سلبي 1
mustafa77 6103 414
قبل 9 سنه



انا كسرو سيارتي عشان فلاش ميموري في المسجل
لوه علمني كان عطيته الفلاش وفوقها 50 ريال افضل من انه يكسر القزازة اليمين ويتعبني في تركيبها وتكلفتها

تقييم إيجابي 1 تقييم سلبي 0
سند10 1161
قبل 9 سنه