اريد تاجير تمليك راتبي كاش

راتبك جيد ماشاء الله وعلى عمرك اتوقع انك عزابي
ونصيحة أخ مجرب القروض خذلك سيارة صغيرة مستخدمة ورخيصة

10 الاف تجيب لك سيارة جيدة وخدومة مثل اكسنت، صني ، كيا ريو وموديل 2008 وفوق وفك عمرك من القروض والدين
وهذا وجهة نظري وممكن ماتناسبك حسب ضروفك والقرش بهالزمن غالي وانا اخوك ومن تحمل ديون وقروض بداية حياته صعب يفك عمره

وعليكم السلام
ادعي الله ان يوفقك وييسر امورك
ولو تحاول تجمع راتبك 6 شهور تاخذلك موتر ملك
تتصرف فية مثل ماتبي وخلال هال6 شهور
اذا معك اخوياء كفوو تمشي امورك معهم دوام
واذا انك مضطر على موتر ومحتاجة
شوف هالاعلان يمكن تضبط معك

26891233

شكرا اخوي ما قصرت يعطيك العافيه
المشكله انه، الفلوس ما تتجمع في مصاريف كثير واكثرها
ع التكسي ع العمل يعني ما معي الا تاجير

الله يعافيك
ومرينا بظروفك وفاهم مقصدك
وانحدينا على البنوك ودمرت الراتب دمار شامل
وبالتاكيد بتلقى شركات لليل يعطونك
لاكن حاول ماتخربها يعني ريو اكسنت صني
اهم شي وسيلة نقل توديك وتجيبك

وشوف هالاعلان تواصل معهم
يعطون الي راتبة كاش
وانت ابحث في الموقع فية كثير
اتمنالك التوفيق من الله سبحانة
25265433

اوك مالحقت تشتغل ياخوي اصبر ماعليك من خوياك مشي سنة ع الاقل

افضل حل تدخل جمعيه وتاخذ سياره كاش

جمعيه لمده سنه من ١٠٠٠ ريال تجيك ١٢ الف تقدر تشتري فيها سياره تعزك ولا تطالع لمن اعلى منك لكن طالع لمن ادنى منك

ما شاء الله عمرك لا زال صغير وراتبك ممتاز ما شاء الله تبارك الله
يوم كنت في عمرك كان مصروفي ما يتجاوز 1000 شهريا
نقول إنك ممكن تصرف 3000 هذا لو أنت بذرت جدا
تبقى 2700 أدخل فيها جمعية سنة ب 32400 ريال ، تجيب لك آكسنت جديدة أو النترا 2016 نظيفة أو ريو جديدة
وبكذا ربي يغنيك عن مذلة الدين وعقود البنوك الطويلة الإجرامية

اشتر دباب ب 500 ريال الان
وبعدها جمع فلوس للسياره وانشالله 6 شهور وتجمعها من راتبك

الله يوفقك لا تتورط في الديون والاقساط

وحنا الان في موسم الشتا والجو بارد والدباب مناسب لين يجي الصيف بتكون جمعت فلوسك

^^ وش اللي اشتري دباب يداوم على دباب تراه بوظيفة حكومية ويمكن عسكرية بعد

بما ان وظيفتك غير معتمده للبنوك ما انصحك
في القروض او تاخذ شئ فيه قرض لان القطاع الخاص عندنا
مشكلته مافيه امان وظيفي.
الافضل تاخذ من شخص تعرفه شخصيا و متفهم
مبلغ 20 الف كا سلفه و تقسط له مبلغ شهريا 1500 و تسد الدين
في سنه افضل من اقساط 5 سنوات
و تشتري سياره نظيفه اما اكسنت او ريو او يارس
او صني موديل 2015 تكون نظيفه عشان ما تتعبك في الورش
و الله يسهل امورك

الأخ الحكمي
مافي شي حالياً اسمه امان وظيفي لا حكومي ولا خاص حتى الحكومي لو تقصر في عملك تنفصل وهذا قرار لسه جديد ماصار له شهرين.

ثانياً يا صاحب الموضوع حسب عمرك ماظن فيه وكالة ولا شركة تقبل تعطيك لأنه موضوع التأمين يهمهم والتأمين مشترط اقل عمر 21
الله يعينك تمشي حالك سنتين

خذ لك سيارة قسطها اقل من ٨٠٠ يعني صني ولا هونداي i10

عن طريق واحد تعرفه ياخذها بسمه ويسوي لك تفويض 

وانت قسط عليه . 

خذ بشور الشباب ياهيمو وانننحشششششششش عن القروض والديون
انا ماني قايل لك - خذها نصيحة - انا بطلبك اياها طلبه، هجججج من القرض والديون
شفني قلبي يتحسر لين نزل راتبي كأني اشتغل ببلاش .. من ينزل وانا اوزع فيه :(
لكن الله يزينها .

عندك حبيب الشعب عبداللطيف جميل يارجال لو راتبك 3000 عطاك بس بعمرك اتوقع بيرفع عليك السعر
وانصحك تاخذ واحد فاهم لانه رحت عند اكثر من مندوب وكل واحد له تسعيره من مخه 
المصري عطاني ب ٤٥ وكسور يارس و السعودي عطاني ب ٤٧ وكسور ورحت عند مصري ثاني ب ٤٦ 
يعني مدري ايش سالفتهم ابو جميل كل مندوب بسعر 
مع اني رحتهم خلال اسبوع 

اما بالنسبه عندك شركه رايه  للتمويل مطلع من عندهم قبل اسبوع اكسنت 
العمر من ١٨ 
واقل راتب ٣٠٠٠ 

والله كلنا متورطين ديون وقروض وياليت استفدنا منها الله يزينها يارب يارب يارب يارب

في حل بسيط

كل ماعطوك راتبك كاش روح اودعه بنفس اليوم لمدة ثلاث اشهر

وخلهم يعطونك تعريف بانك موظف لديهم مصدق من الغرفة التجارية

وعلى اقرب وكاله وتلقى بالوكاله موظف خاص للبنك اللي ينزل عليه راتبك

وراح تقدر تشتري السياره

ومن خلال خبرتي

بنك الراجحي الافضل