أضف سؤال أو موضوع جديد          

محل تأجير سيارات مسوي زحمه مواقف في الحارة

up 5 down 0
monjed salih 210
قبل 3 سنه و 11 شهر



السلام عليكم
في تحت العمارة محل تأجير سيارات
شايل كل المواقف وحاط تقريبا ١٠ سيارات ومضايق كل السكان
وانا حسب م سمعت ان لكل محل ايجار يقدر يوقف سيارتين او ٣ ماذكر

طيب الحين اقدم شكوى لمين ؟
ناس يقولو المرور وناس يقولو وزارة النقل وناس يقولو وزارة التجارة مع اني احس مالهم دخل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
ارحب
مشكلتك ماهي مع المكتب
مشكلتك مع صاحب العمارة الي اجر المكتب
يشوف حل الله لايهينة ولا يضيق على المسلمين


up 6 down 1
الرفاعي33 13914
قبل 3 سنه و 11 شهر



ممنوع المكتب يوقف اكثر من سيارتين او ٣ انا متأكد من هذه المعلومة
حتى المسؤول من العمارة قالي هذا الكلام
لان امس جا الموظف حق المكتب قالي شيل سيارتك من هنا وجلس يهايط ويقل ادبه
وهو موقف ١٠ سيارات واحنا ساكنين في العمارة من قبل لايفكر انه يستأجر المحل


up 1 down 0
monjed salih 210
قبل 3 سنه و 11 شهر



المفروض يكون عنده حوش
زي مكتب عندنا موقف 5 قدام المكتب
ومستاجر حوش قريب من المكتب فية عدد كثير ويسحب منه
ودام مسئول العمارة معترف انه مضايقكم صاحب المكتب
يتصرف معه ويتفاهم معه



up 1 down 2
الرفاعي33 13914
قبل 3 سنه و 11 شهر



ياشين الموظف اللي بمكتب تاجير تلقاه نفسية زفت ودك تلعن خيره من الهياط اللي فيه خصوصا اذا ابو مصير


up 6 down 8
benz lover -78
قبل 3 سنه و 11 شهر



اي مكتب له ٢ موقف
وبالقوانين الجديدة ممنوع ترخيص مكتب بدون حوش خاص به



up 2 down 1
a m i r 553
قبل 3 سنه و 11 شهر



الشكوى تكون عن طريق وزارة النقل


up 2 down 1
alhkami 439
قبل 3 سنه و 11 شهر



والله ياخوي بنز لوفر ياليت لو كان ابو مصير زي زمان
صح كان يرفع الضغط بس مو مسوي مشاكل

اما الحين اللي جا واحد بدوي وباين عليه مو طبيعي كانه متعاطي شي مدري كيف وظفوه
٢٤ ساعة يصارخ ويسب العامل اللي عنده مع ان العامل رجال كبير مرة اكبر من ابوه

ومسوي مشاكل مع السكان
امس كان بيتضارب معايا
يقولي شيل سيارتك من هنا وانا رفضت لانه كلمني باسلوب استحقار وقلة ادب
ويهدد


up 4 down 5
monjed salih 210
قبل 3 سنه و 11 شهر



تطبيق كلنا امن
بيحل مشكلتك واذا ما نفع معناتها من اختصاص وزاره النقل والمرور
تدري عاد هالديره ضايعه ما تدري كيف تاخذ حقك فوضى غير طبيعيه
الله يفكنا منهم


up 3 down 1
فواز ١٤٣٦ 41
قبل 3 سنه و 11 شهر



اختصاص وزاره النقل


up 1 down 1
camaro28 812
قبل 3 سنه و 11 شهر



دق على الشرطه . او استخدم تطبيق كلنا أمن .

لا تنزل نفسك له وتتهاوش معه .

هذا الشكل ما يقدر الرجال ولا يبين فيه الاحترام .




up 0 down 0
مستريح البال 1 1780
قبل 3 سنه و 11 شهر



الله يعينك

انا وقفت عن محل تاجير سيارات

كنت ابي بقاله قريبه من هلمحل

المهم

شوي طلعلي عامل مصري يقلي ممنوع توقف هنا

سئلته ليه قال هذا موقف خاص للمحل

قلتله ياعمي توكل على الله خاص بالمحل وانت ماسك كل الرصيف حق سياراتكم

قمت نزلت من سيارتي وخلصت شغلي

المشكله حاط ع الرصيف قدام كل موقف لوحه ( موقف خاص )

المفروض يطبقون عليهم المواقف الى بفلوس

وقتها ما تشوف غير العمال جالسين ع الرصيف


up 1 down 0
3abdulrahman 45
قبل 3 سنه و 11 شهر



كلم صاحب العماره وقل له بطلع من الشقه وانا وبعض المستأجرين يا المكتب او احنا بالعماره وكلم جيرانك واتفقوا ان كلمتكم وحده ... بالنهايه بيطرده يخسر زبون محل ولا 3 او 4 شقق بعمارته


up 0 down 0
meem34 183
قبل 3 سنه و 11 شهر