افضل معارض الامارات والشارقة وهوية مقيم
2
2
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
الله يسعدلي صباحكم ومساءكم
اخواني انا قدر الله علي وخربت سيارتي ولزم الامر اني اشتري سيارة غيرها المهم كنت في حيرة وش اشتري مرة سيدان مرة جيب مرة جمس لحد ما اقتنعت بالفورد وخصوصا التورس ورحت للمعارض بالرياض بالنسيم والشفاء والصالات وشفت اسعار جنونية وبالهبل خصوصا ان ميزانيتي موب ذاك الزود المهم وانا اخوكم اقترح علي واحد من الزملاء بمعارض الشارقة بالامارات يقول رح هناك وطب وتخير من السيارات الزينة والسيارات الاقل سعر من هنا بكثثثثير وخصوصا التورس قلت له شورك وهداية الله لكن قالي فيه شي اللي هو بطاقة هوية اماراتية تخليك تجيب سيارتين باسمك فقط للسعودية وتصير بلوح اماراتية
قلت عاد لازم اشاور اهل الحكمة والخبرة والرأي اللي هو انتم الله يحفظكم وياليت اللي يجاوبني يكون عارف زيين زين وش هي الطريقة ووش هي الاجرءات لاني والله عليمي بذي الامور ولاهو عيب اني اخذ استشارة منكم
اسئلتي هي :/
1- ووش رايكم بطريقتي ووش رايكم برأي زميلي ؟؟
2-افضل المعارض تنصحوني فيها وياليت بالاسماء وان توفر ارقام افضل وهل تنصحوني اروح الامارات او الكويت ؟
3- طريقة فحص السيارة هناك هل هم مثلنا او غير ؟
4- بخصوص بطاقة الهوية الوطنية الاماراتية ورسومها وكيف اخذها ابغى تفسير عنها كاملة من الطقطق للسلام عليكم ووش سالفة الي تشتري سيارتين بس ؟
5- هل لازم سجل استيراد وتصدير ولا اي شخص يقدر يشتري ؟
6- تنصحوني اشتري منهم ولا اقعد بديرتي وادور هنا افضل ؟
واذا فيه اي معلومات اضافية او اسئلة نسيتها ياليت تعلموني عنها وتشرحون الامر لي بالكامل
تبي تجاوب بالعام او بالخاص او تتصل علي ياحياك الله
مشكورين والله يجزاكم خير حبايبي
إبلاغ
الردود
ووقت البيع راح يكسرون سعرها حتى اللوح تنزل عليها قسايم وتسددها ريال ينطح ريال تتجمع عليك وتنزل مره وحده
4
0
4
0
1
0
و السوق نازل عندنا العرض اكثر من الطلب
او شف سيارة بديلة مهو بلازم توروس و الله ييسر لك و لنا من كل خير
3
0
0
0
كثير خوياني لقو صيدات ناقص 5 الف وتحت وهما مهم شريطيه يعني لو باعوها يتكسبو بس يبون راحتهم
انصحك لفلف دايم بمواقع البيع والشراء وفاوض بالي تقدر عليه وخلك من الامارات والكويت
الزم ما عليك راحه نفسك هناك بهدله وترا فيه مافيا شريطيه هناك لا من ايرانيه ولامن عراقيه وحتى الهنود هناك شريطيه
خلك بديرتك بس اقتنص الفرص ودور واتعب ومن رائي شوف سياره ثانيه اريح لا تركز بسياره معينه لانك راح تتعب
وانت تدور وتجلس بالشهور الافضل حط لك كذا خيارات مقلا فور ماركيز وفكتوريا وتورس وما يمنع الجيوب
دور وان شاء الله تلاقي خصوصا بعد الاجانب الان يبيعون سياراتهم لجل الخروج النهائي
0
0
بالمختصر اذا فرق السعر بين الامارات والسعوديه اكثر من ١٥٠٠٠ اشتر من الامارات واذا الفرق اقل لاتتعب نفسك بتخسر مثلها فندق ورسوووم
0
0
كم ميزانيتك
وهل بحثت في جدة
فية صالة اسمها شركة اتحاد المستوردين
بالهبل يجيب تورسات
ولهم فرع في جدة والرياض وهاذا اعلان لهم تفرج يمكن يعجبك شي
26891105
قبل 6 سنه و 11 شهر