هل أحد فيكم قد فحص هذي النقطه فالسياره قبل مايشتري ....
26
8
إضغط هنا للإخفاء
السلام عليكم ورحمة الله وبركاته
موضوع اليوم هو عن الدفرنس فالسيارات الدفع الخلفي سواء نظام التعليق محور او مستقل يسمونه فريول
هل قد فحصت الدفرنس قبل ماتشتري او مراكز الفحص شيكو على الدفرنس ؟؟
من المعروف انه بداية خراب الدفرنس ظهور صوت ونه على سرعة 80 ويبداء يزداد بعد فتره وفتره
لكن للاسف خصوصا الشريطيه يستخدمون طرق لاخفاء هذ العيب ويوم تروح تفحص ماتسمع صوت الدفرنس !!!!
طيب طريقة فحص الدفرنس في هذي الحاله !!!
هناك عدة طرق لاخفاء صوت الدفرنس وراح اقولكم اللي اعرفه منها وهذا ان ماكان جابو طرق ثانيه
بعضهم يستخدم شحم ثقيل ويحطه فالدفرنس
وبعضهم يستخدم نشارة او نجارة خشب مع شحم ثقيل ويحطونها فالدفرنس وبعدها الصوت يختفي لكن تبقى المشكله موجوده لكن بدون صوت
بعد فتره يضرب عليك الدفرنس وممكن تخرب صوف العكوس لان نشارة الخشب توصل لصوف العكوس وتخربها وتضطر انك تغير دفرنس كامل !!!
هذي الطريقتين اللي اعرفها وكيف تفحص الدفرنس !!!
شوفلك اقرب بنشري وانزل افتح صرة الدفرنس من فوق ودخل اصبعك وحاول انك تسحب كميه من الزيت او شوف جهاز لسحب الزيت
بعدها حرك الزيت باصبعك وشوف هل تلاحظ فيه نشارة خشب او هل الزيت ثقييييل مره
اذا وجدت هذي الشغلتين اعرف انه الدفرنس خربان وتم وضع كاتم للصوت
انا مانزلت هالموضوع الا لاني اشوف العالم تشتري وتفحص ومحد يكشف على زيت الدفرنس ويكتفون فقط بفحص الدفرنس على السرعات فقط اذا طلع صوت يعني خربان ماطلع صوت يعني سليم !!!
وسلامتكم
إبلاغ
الردود
0
1
قبل 11 سنه و 6 شهر