أضف سؤال أو موضوع جديد          

كان ناوي يبيع ب300 ويوم دخل حراج صارت ب350 ؟؟؟

up 12 down 5
ابو عزوز8 430
قبل 3 سنه و 8 شهر



الا تتفقون معي ان اكثر الي يبيعون سياراتهم بحراج مايدرون كم فعلياً القيمة الحقيقية لسياراتهم

مثال راعي جيب لكزس 2016 شاريه بعزه ب380 وكده سنتين وثم يعرض بحراج يقولك سوم ب350!!

ال2018 ب380 وش بقى بينك وبينه!!

مشكلة الكثير انه يدخل حراج وهو ناوي يبيع بسعر معقول ثم يشوف الي شاطحين بأسعار مواترهم ويصدق ان مواترهم وموتره بتجيب مثل هالسعر

ثم طبعا يتعلق كم شهر لين يندم

وتحصل جاه 300 زي ماكان يبي بس طمع وصدق ان موتره بيجب 350 والمعروف ان كل شهر يمر ينزل من قيمة الشي مايرفعها الا شريطيتنا يرتفع قيمة الموتر مثل الذهب

عموما

نصيحتي للبائعين وانا اولكم وتضررت مثلكم

لاتسوي مثل بعض الاعلانات تراهم نصابين ويدرون انهم نصابين وسوماتهم الي تشوف بمعرفات ثانية واخوياهم يسومون

واذا تبي تتاكد شفه بعد كم شهر وتلقاه يحدث اعلانه ويدور الزبون الصامل بالخاص لانه عارف ان المسلسل الي سواه بالعام والسومات النصب ماجابت زبون صامل

تذكر ان مالك الا ماكتب لك الله

كلنا ماودنا نخسر بالبيع ولا الشراء بس الواقع يحكمك

السوق يمر بفترة ركووووود والي ينزلون للمعارض عارفين كلامي والشريطية متوهقين والمعارض مليانة








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قله تحج كثرهم ان شاء الله واصبر عليها واكثر من الصلاة والدعاء  يمكن تجيب قيمتها وكاله بعد سنتين 

نصابين 


up 3 down 3
benz lover -78
قبل 3 سنه و 8 شهر



صاااادق عداك العيب يابعدي
واحد من اخويانا عارض لكزس 2006
LS430
شراة قبل 4 سنوات بسعر 80
الموتر اعرفه ومسكت علية خط نضيف بالحيل
وبودي بلد
اعرضه في الموقع قبل سنتين وانسام ب65
ويبغى صاحبة 75 الف
قلتلة وقتها اذا الرجال صامل بيعه ب65
رفض وموتري غالي علي وبيجيب اكثر وشوف اسعار الموقع
يعني شارية ب80 واستخدم سنتين
ويبي 75 ورب البيت اعرضه في الموقع قبل شهر
واعرضه في صالة في جدة ماوصلوة 55
هيا خل اسعار الموقع تنفعك



up 7 down 0
الرفاعي33 13914
قبل 3 سنه و 8 شهر



هذا نظام الموقع يعني مراح تشتري سياره منه الى بعد شهر او شهرين من عرض الشخص سيارته بعد تطيح الاوهام الي في راسه ويعرف السوم الجاد من اللعاب


up 3 down 0
Pro rare 448
قبل 3 سنه و 8 شهر



هههههه ذكرتني براعي لومينا
كلمته بالخاص قبل شهرين
قالي بعتك ب٩الاف
المهم فوق ميزانيتي لان وراي نقل وتامين
دخلت على علانه قبل فتره سامها واحد منه
١٠الاف كان يرد عليه راعيها نطلب من الله الزود هههههه
المهم جابت لك حدك واخرتها تطمع!!
وسوق اللومينات والكوابرس ميت كلها لهم اشهر يحدثون فيها
واحد له سنه بالموقع وهو يحدث باعلانه


up 4 down 3
d7ooom777 390
قبل 3 سنه و 8 شهر



بالنسبة لبعض الحد اللي نشوفه بالموقع معروف سببه
لأن بعض الناس ماهو صامل على البيع ووده يغير بنفس الوقت وبالواقع تصحل السيارة نظيفة ومريحته ويحدها بسعر عالي إذا جابت له السعر اللي براسه باع واذا ماجابت يستخدم ويسمى بقانون البيع والشراء ( بيع رغبة) اذا رغب السومة باع والا يستخدم

واعتقد هذا اللي صار مع خويك يالرفاعي ممكن مايبي يبيع الا اذا جابت سعر يرضيه

لكن بعض الناس ينزل سيارته بالموقع وهو نية البيع وراضي بسعر السوق 

والسومات حكاية ثانية فيه ناس من يوم تدخل على عضويته تحصله يسوم كل مايعرض بالموقع اللي قيمته ريال واللي قيمته مليون

اذكر كان فيه اعلان مضحك جيب لكزس سبورت بلوحة شبه مميزه حاده راعيه بقريب مليون ريال!!!

وشوف السومات فيه عضو سام ب 800 الف ودخلت على عضويته حصلت له اعلان طالب سيارة اقتصادية اكسنت او يارس

واللي سام ب 850 عارض كفرات للبيع قيمتها ماتوصل 1000 ريال !!!

والمشكلة ان صاحب الاعلان جالس يحدث اعلانه بإستمرار ويقول السوم واصل 850 

واللوحة رقمها 1 والحروف م اتذكرها لكن عموما اللوحات اللي برقم واحد اسعارها جدا رخيصة ممكن ماتوصل 5 الا ريال واخونا حاسب سعر اللوحة حوالي 500 الف!!!

واكتشفت سر الموقع

السوامة ثلاث درجات

اللي يرسل ع الخاص هذا مو صامل ابدا

واللي يراسلك واتس هذا صامل

واللي يتصل عليك ويفاصل ويسأل هذا لاتفرط فيه اذا ناوي تبيع

وافضل طريقه للبيع نزل اعلانك بالموقع وحد موترك بسعر السوق او اقل بشي بسيط ينباع وتفتك من غثاء الشريطية والبزران


up 5 down 6
دكتوراه في الحب 164
قبل 3 سنه و 8 شهر



غير صحيح
ابو جميل جيب لكزس 2017 جديد وكالة 367 الف ريال فلللللللللللل الفل ( يزود بشكل بسيط جدا )
و 2018 سعره 398 الف
انصب ناس الفطيمي والساير


up 1 down 2
الاحترافي 1437
قبل 3 سنه و 8 شهر



^^
سعر اللكزس 2018 الان ب 393

ومطلعين واحد 2017 قبل شهرين كان فيه عرض على اغلب الالوان باستثناء الابيض
ب360 تيتانيوم فل


up 2 down 0
atn17 2
قبل 3 سنه و 8 شهر



قبل فتره شفت واحد منزل اعلان حق موتره يبيه بــ 12 الف

دخلت ع عضويته

لقيته قبل 11 شهر منزل نفس الأعلان وبنفس السعر الى يبيه 12 الف

يعني مر سنه وهو يدور مشتري وما لقى

ما نختلف البائع يبي يبيع باعلى مبلغ والمشتري يبي باقل السعر

كلاً يعرف السعر التقريبي لسيارته بس السومات المبالغ فيها تخلي البائع يطمع


up 2 down 0
3abdulrahman 45
قبل 3 سنه و 8 شهر