افالون او امبالا ؟؟

القلب يقول امبالا.  والعقل يقول افالون

اقسم بالله كأنك داخل قلبي وعقلي هههههههه

الافضل لك مستقبلا" موتر ٤ سلندر
احسب قيمة تأمين و بنزين و كفرات و زيوت سيارتين
واحد منهم جيب يشفط بنزين ما يقصر
شوف لك كامري او التيما جديدة للخط
١٨٠ ايام الدوام مهي بشي تتحملها اي سيارة

استخدم سيارتك أفظل لك ليه تشري سيارة بمائة الف  عشان توفر بترول البلاتنيوم  

امبالا وافالون اذا نفسها ٢٠١٥ ( مدري عن الجديد ) 
فأنا شفتهم بالوكاله على ايامها 
شدتني اكثر الامبالا والستاندر ارخص من الافالون ستاندر وعني اشوفها افخم صراحه 
كلهم ٦ سلندر ٦ نمر دفع امامي 
مكينة الامبالا ٣.٦ لتر بقوة ٣٠٥ حصان 
مكينة الافالون ٣.٥ لتر بقوة ٢٩٥ حصان 

اخوي بخصوص ال4 سلندر كانت معي كامري 13 كرفتها 3سنوات
ممله وعزلها الارضي لك عليه ، وابي اغيّر الى 6 سلندر وافضل عزل
بعدين كبرنا ونبي سيارة مناسبة لعمر 40 هههههه
اما الباترول واقف بالبايكه مايتحرك الا بالويكند او بالسفر مع العائلة
واحياناً ثلاثة اسابيع مايتحرّك

اخوي sam7srt مايصلح الباترول للمشاوير الكثيرة
لازم سيارة ثانية

كلامك صحيح اخوي احمد .. ولازالوا نفس الشكل ماتغير 2017

الامبالا ماجربتها لاكن كل من استخدمها
يمدح فيها ماسمعت احد اشتكى منها
ويقولون اريح من الافالون
وياليت من استخدمها من الاعضاء يفيدك عنها
ولو تستاجرها يومين تشوف وضعها مريحه او لا
تجربها تحكم بنفسك عليها يكون افضل
وتمر الوكالة تسعر قطعها الاستهلاكية تطمئن اكثر

اخوي الرفاعي شكراً لك
استأجرت وحده قبل اسبوع 2015 استاندر
ممتازة ع الخط وراسية والعزل فيها ضعف عزل الكامري
للمعلومية / الزجاج الجانبي ( دبل ) عشان عزل الهواء يكون 100%

استأجر افالون وقارن بينهم واستخير وخذ إلي ترتاح له بالمناسبه السيارتين ممتاااازه جدا جدا من كل النواحي بس الافالون قطعها متوفره بكل مكان

ولو تشوف اكورد 4 سلندر ووفر الباقي عاد هالشي راجع لك

انا كنت مثلك محتار و كنت ادور عن امبالا 2014 فل اصفار في المعارض عشان تكون كل المواصفات فيها و يكون الجنط اصغر لكن ما كان عندي وقت اني ادورفي المعارض
اخر شي صفيت على يا اني آخذ افالون 2015 فل نافيقيشن او امبالا 2015 نص فل
اخترت الافالون ..الحمدلله سيارة مريحة و مكيفها بارد و صرفيتها حلوة تقريبا تمشيني 100 كيلو مقابل 12 لتر بنزين
تبريد كراسي ونافيقيشن و سماعات ممتازه JBL و عزلها كويس(ليست الافضل في فئتها) لكن يعيبها انها للامانه مو ثابته و تلعب اذا كان فيه هوا ... جربت الاكورد من قبل و الاكورد اثبت من الافالون بمراحل و غير كذا الافالون رافعين سمعته و سعره على قلة سنع صراحة يعني لو كان عندي وقت بشوف لي الامبالا اجمل و اثبت و شاشتها افضل بمراحل
جربت الامبالا في الوكالة .. و كانت سواقتها قريبة من الافالون و مكيفها بارد و انوارها اقوى من الافالون بمراحل و اللي لاحظته ان السيارة ارسى و اثقل .. بس كانت مساحة الرجل عند السائق اضيق من الافالون

بمبلغ الافالون فل اللي دفعته يا اني اشتري لي لكزس ES 2014 مستعمل ولا سيارة ثانية تكون اكثر مواصفات و عزل و ثبات الخ الخ
شوفهم و جربهم اثنينهم و بعدها قرر لأن التجربة الشخصية هي اللي تشوف فيها السيارة اللي تناسبك

صح و نسيت اقول لك اذا انت مثل وضعي كل يوم مشاوير فوق ال150 كيلو بتخترب عندك الحاساسات الامامية
غيرتهم 3 مرات للحين و السيارة كملت عندي سنه و شهرين ههههههههههههههههههههههههه شغل ابو جميل جودة سيئة

يعطيكم العافية جميعاً + لايك للجميع :)