أضف سؤال أو موضوع جديد          

افالون او امبالا ؟؟

up 4 down 1
كحلي 306
قبل سنه و 7 شهر



السلام عليكم ومساكم الله بالخير يااخوان
كنت ناوي آخذ سيارة 4 سلندر (على قد فلوسي) مثل الاكورد او سوناتا او كامري
والحين جاتني زيادة بالمبلغ اللي معي ولله الحمد
مااطول عليكم
دوامي يبعد عن البيت 90 كلم رايح ومثلها راجع
معي بلاتينيوم 14 ولله الحمد
وابغى سيارة ثانية لمشاوير الدوام وداخل البلد واستقريت على ( امبالا او افالون فل كامل ) 2017 فقط
مستعملة استعمال بسيط ، وبستخدمها 5 سنوات ان شاءالله ، سواقتي هادية جداً جداً ..
سؤالي / ايهم افضل من ناحية الاعتمادية والتحمل وصرف البنزين ؟؟
سؤالي محدد على هذي السيارتين فقط فقط
شاكر لكم تجاوبكم معي مقدماً :)







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


القلب يقول امبالا.  والعقل يقول افالون


up 13 down 0
sell 224
قبل سنه و 7 شهر



اقسم بالله كأنك داخل قلبي وعقلي هههههههه


up 9 down 1
كحلي 306
قبل سنه و 7 شهر



الافضل لك مستقبلا" موتر ٤ سلندر
احسب قيمة تأمين و بنزين و كفرات و زيوت سيارتين
واحد منهم جيب يشفط بنزين ما يقصر
شوف لك كامري او التيما جديدة للخط
١٨٠ ايام الدوام مهي بشي تتحملها اي سيارة


up 4 down 0
1405-1985 973
قبل سنه و 7 شهر



استخدم سيارتك أفظل لك ليه تشري سيارة بمائة الف  عشان توفر بترول البلاتنيوم  


up 6 down 0
sam7srt 189
قبل سنه و 7 شهر



امبالا وافالون اذا نفسها ٢٠١٥ ( مدري عن الجديد ) 
فأنا شفتهم بالوكاله على ايامها 
شدتني اكثر الامبالا والستاندر ارخص من الافالون ستاندر وعني اشوفها افخم صراحه 
كلهم ٦ سلندر ٦ نمر دفع امامي 
مكينة الامبالا ٣.٦ لتر بقوة ٣٠٥ حصان 
مكينة الافالون ٣.٥ لتر بقوة ٢٩٥ حصان 


up 2 down 0
ahmed195 1821
قبل سنه و 7 شهر



اخوي بخصوص ال4 سلندر كانت معي كامري 13 كرفتها 3سنوات
ممله وعزلها الارضي لك عليه ، وابي اغيّر الى 6 سلندر وافضل عزل
بعدين كبرنا ونبي سيارة مناسبة لعمر 40 هههههه
اما الباترول واقف بالبايكه مايتحرك الا بالويكند او بالسفر مع العائلة
واحياناً ثلاثة اسابيع مايتحرّك


up 1 down 1
كحلي 306
قبل سنه و 7 شهر



اخوي sam7srt مايصلح الباترول للمشاوير الكثيرة
لازم سيارة ثانية


up 0 down 0
كحلي 306
قبل سنه و 7 شهر



كلامك صحيح اخوي احمد .. ولازالوا نفس الشكل ماتغير 2017


up 1 down 0
كحلي 306
قبل سنه و 7 شهر



الامبالا ماجربتها لاكن كل من استخدمها
يمدح فيها ماسمعت احد اشتكى منها
ويقولون اريح من الافالون
وياليت من استخدمها من الاعضاء يفيدك عنها
ولو تستاجرها يومين تشوف وضعها مريحه او لا
تجربها تحكم بنفسك عليها يكون افضل
وتمر الوكالة تسعر قطعها الاستهلاكية تطمئن اكثر


up 2 down 1
الرفاعي33 13854
قبل سنه و 7 شهر



اخوي الرفاعي شكراً لك
استأجرت وحده قبل اسبوع 2015 استاندر
ممتازة ع الخط وراسية والعزل فيها ضعف عزل الكامري
للمعلومية / الزجاج الجانبي ( دبل ) عشان عزل الهواء يكون 100%


up 1 down 0
كحلي 306
قبل سنه و 7 شهر



استأجر افالون وقارن بينهم واستخير وخذ إلي ترتاح له بالمناسبه السيارتين ممتاااازه جدا جدا من كل النواحي بس الافالون قطعها متوفره بكل مكان


up 2 down 1
صاحب الاوريون 2017 113
قبل سنه و 7 شهر



ولو تشوف اكورد 4 سلندر ووفر الباقي عاد هالشي راجع لك


up 1 down 4
صاحب الاوريون 2017 113
قبل سنه و 7 شهر



انا كنت مثلك محتار و كنت ادور عن امبالا 2014 فل اصفار في المعارض عشان تكون كل المواصفات فيها و يكون الجنط اصغر لكن ما كان عندي وقت اني ادورفي المعارض
اخر شي صفيت على يا اني آخذ افالون 2015 فل نافيقيشن او امبالا 2015 نص فل
اخترت الافالون ..الحمدلله سيارة مريحة و مكيفها بارد و صرفيتها حلوة تقريبا تمشيني 100 كيلو مقابل 12 لتر بنزين
تبريد كراسي ونافيقيشن و سماعات ممتازه JBL و عزلها كويس(ليست الافضل في فئتها) لكن يعيبها انها للامانه مو ثابته و تلعب اذا كان فيه هوا ... جربت الاكورد من قبل و الاكورد اثبت من الافالون بمراحل و غير كذا الافالون رافعين سمعته و سعره على قلة سنع صراحة يعني لو كان عندي وقت بشوف لي الامبالا اجمل و اثبت و شاشتها افضل بمراحل
جربت الامبالا في الوكالة .. و كانت سواقتها قريبة من الافالون و مكيفها بارد و انوارها اقوى من الافالون بمراحل و اللي لاحظته ان السيارة ارسى و اثقل .. بس كانت مساحة الرجل عند السائق اضيق من الافالون

بمبلغ الافالون فل اللي دفعته يا اني اشتري لي لكزس ES 2014 مستعمل ولا سيارة ثانية تكون اكثر مواصفات و عزل و ثبات الخ الخ
شوفهم و جربهم اثنينهم و بعدها قرر لأن التجربة الشخصية هي اللي تشوف فيها السيارة اللي تناسبك


up 2 down 1
mstx05 163
قبل سنه و 7 شهر



صح و نسيت اقول لك اذا انت مثل وضعي كل يوم مشاوير فوق ال150 كيلو بتخترب عندك الحاساسات الامامية
غيرتهم 3 مرات للحين و السيارة كملت عندي سنه و شهرين ههههههههههههههههههههههههه شغل ابو جميل جودة سيئة


up 1 down 0
mstx05 163
قبل سنه و 7 شهر



يعطيكم العافية جميعاً + لايك للجميع :)


up 2 down 0
كحلي 306
قبل سنه و 7 شهر