وش الشركة اللي ممكن تأجرني او تقسطني

شف شركة عبداللطيف جميل او تمويل الجبر
مع ان نسبتهم فوق 10% لكن الله يعينك مالك الا هم
واذا تقدر تاخذ سيارة اصغر مثل الاكسنت او صني يكون قسط اقل وتوديك وتجيبك

والله وانا اخوك من الصبح وانا ادق على كيا وماحد يرفعه بس راح اشوفهم ان شاء الله المقصد من سونانا والاوبتيما انه راح يكون موتر يوديني ويجيبني وبنفس الوقت راح اكد عليه شوي

خلي راتبك ينزل في البنك الاهلي لمدة ثلاثة أشهر بعدها البنك بقسط لك
لانه البنك الاهلي يقبل يأجرك اذا كان راتبك اكثر 2500 ريال لكن لازم
تفتح حساب عندهم وراتبك ينزل لمدة لا تقل عن 3 اشهر هذا الرابط حق البنك الاهلي التأجير التمويلي ولا تاخذ سيارة بالتقسيط الا اذا انحدت
https://www.alahli.com/ar-sa/personal-banking/islamic-Finance/Pages/Eligibility-Criteria.aspx

خذ سيارة على قدك راتبك أنت أولى فيه خذ سيارة صغيرة ومشي فيها
امورك إلى أن ربك يفرجها عليك

عندك شركه رايه للمتويل تقبل ب 3000
وعندك عبداللطيف جميل

تسلف من احد من معارفك الي يثق منك وخله يعطيك مبلغ واشتر كاش وقسط له المبلغ افضل لك من التقسيط

ترى مو لازم تشتري سوناتا أو أوبتيما
أول ما توظفت أخذت آكسنت 2012 من الوعلان ب 43000 ريال ، وأخذتها كاش جمعت رواتبي وأشتريت السيارة كاش ، واليوم راتبي حول ال 10 آلاف وسيارتي النترا وبرضه أخذتها كاش وممكن أشتري سيارة لكزس قسطها 4000 ريال ، لكن عندي قناعة بشراء سيارتي على قد ما أملك والحمد لله الالنترا من أفضل ما يكون أروح فيها العمل يوميا حوالي 160 كيلومتر ، فهون على نفسك يا أخي لا ترهن راتبك للشركات خمس سنوات

ممكن تشتري آكسنت بقسط حوالي 700
أو كيا ريو
ولا تحمل نفسك مالا طاقة لها ، لو تركب جيب ب 250 ألف بيقولون الناس والله جيب اللكزس أفضل

المهم سيارة تخدمك