الغش والدنيا والله ماتسوا

بعض الناس نسي ان وراه قبر وحساب غشش ونصب في كل مكان ورشاوي صارو يسمونها اتعاب وين بيرحون من الله

تدري وش الغريب
ان مركز الفحص غير مسول يعني ياخذ امول الناسس بدون ضمان
تدري وش العجيب
ان تركينهم يفصحو للناس بدون ضماان عكسس بقاع العالم

تدري وش اعجب منه
رجل يدخل على بيته وعياله وصحته حرام

المصيبه ان الغشش والتدليس يصاحبهاا وقاحه يزعلوا اذا كشفت غشهم
يعبرونه حق وانت خربت عليهم
ما نقول الا حسبي الله ونعم الوكيل

لا نقول غير لعنة الله على كل غشاش

عن النبي –صلى الله عليه وسلم- أنه قال: ( لا يؤمن أحدكم حتى يحب لأخيه ما يحب لنفسه)

النبي –صلى الله عليه وسلم ذلك بقوله: ( بيعان بالخيار ما لم يتفرقا، فإن صدقا وبيّنا بورك لهما في بيعهما، وإن كذبا وكتما مُحقت بركة بيعهما ) متفق عليه.

قوله تعالى: {وزنوا بالقسطاس المستقيم} ( الإسراء: 35)

عن أبى هريرة رضي الله عنه أن رسول الله -صلى الله عليه وسلم- مرّ على صُبْرَة طعام، فأدخل يده فيها فنالت أصابعه بللاً، فقال: ( ما هذا يا صاحب الطعام؟ ) ، قال: أصابته السماء يا رسول الله، قال: ( أفلا جعلته فوق الطعام كي يراه الناس؟ من غشّ فليس مني) رواه مسلم .

وفي رواية أخرى للحديث عند مسلم : (من غشنا فليس منا) .

حسبي الله عليهم
والله مره كنت اعرض يوكن ٢٠١٢ فل الفل لؤلوي.     وكان في رفرفه رش وشوي معجون ومصلح
في الوكاله. تأكدت من التوكيلات.  وكنت في معارض الرياض
وكان معي شريطي يقول انتماتعرف تبيع قلت ليه.  قال قول على الفحص.  فيه ناس ماراح يفحصون
قلت لا والله بعلمهم باللي اعرفه.    وهو نظيف مافيه الاشي بسيط
الاردى.  جاني مطوع.  يسومه ب ٩٠ ذيك الايام قيمته ١٣٠.   يعني خفس ٤٠
غير ذلك تشوف نظرات الشك
لكن جاني مهندس وفحصه لقاه نفس ماقلت له.  قال له السوداني معجون بسيط.     مايذكر
والله يوفقه. قعدت فتره يكلمني يشكر ويسأل عن الزيت وخلافه
اصدق. مع الله. واعرف انك ماراح تخسر
اعوذ بالله وقت كثر فيه الغش والنصب.  والتزوير.     ياويلكم من ربي
تذكر عقاب الله. واصدق

ما بحط بذمتي شي لكن بعد شهور من البحث عن سيارة في حراج جدة
فيه كثير سيارات ممشاها ما عدا ال50 الف الى 30 الف 
وانواع تقشر مسكات الابواب من الداخل والازارير وانتفاخ وتقطع لصق نيكل الديكورات
بالله تدخل العقل ذي؟ سيارات موديلها 15 و16 وبعضها 17 وكذا الديكورات؟
وتسحب منه الكلام منه تسحب كانك بتاخذ من قلبه كل يوم تطلع بمعلومه جديده عن السياره وحكه جديده ورشه جديده وكل يوم عالفحص 
والله ابيع بخساره ولا احط بجيبي حرام اذا مافيها بركه ما منها فايده

الحل من التلاعب في العداد تقني وبسيط..
المفروض كمبيوتر السيارة يكون مثل الصندوق الاسود بالطيارة يخزن كل شي.. يخزن كل معلومات السيارة من لحظة تصديرها
بحيث يطورون تقنيته
يعني مثلاً يصير فيه ميزة انه يقيس كمية الوقود المستهلكة.. او كمية الكهرباء المستهلكة.. او حساس يقيس عدد مرات تغيير الزيت
معتمد طبعاً على قياس اللزوجة
وبهاذي المعطيات يقدر العميل او الي بيشتري السيارة
يعرف كم مشت السيارة بالظبط
حتى لو المالك صفر العداد او قلل من المسافة المقطوعة
يعني يصير العداد شي ثانوي مايعتمد عليه
وانه موجود بس مؤشر ليس الا

واشياء كثير يمديهم يسوونها تحد من التلاعب بشكل كبير

الله يستر علينا من غش ضعاف النفوس 

كان عندي كامري 2008 شريته مستخدم في عام 2010 وقال لي صاحبه أن الباب الي خلف السواق في معجون وسمكرة

بعد سنة بعته لواحد وقلت له عن الباب أنه مسمكر والرجال طلب يفحص السيارة

العجيب أنه مركز الفحص قال له البدي وكالة

عرفت بعدها أن الفحص مسألة شكلية فقط

اقرب طريقة راجع اوراق الفحص الدوري لانهم يسجلون الممشى