تجاربكم مع أجهزة كشف ساهر

والله افضل شي انك تمشي نظامي وتعود نفسك على النظام وخاصة السرعة ولله الحمد من وقت ما تأسس ساهر ما جتني سوا مخالفتين مع ان عندنا عقبات فيها حوالي 8 مواقع ساهر وفي السفر اثبت على 130 السرعة واتوكل على الله من ابها للرياض والعكس مع ان الخط ممل جدااااااااااااااا

والله المفترض الخطوط السريعة تكون السرعة 140 
اذا مشيت 160 ثم هديت ل120 كني واقف يالله تمشي 140 مناسبة جدا 

هذا الحل المناسب لساهر مشاء الله https://www.youtube.com/watch?v=KEAHdf0m4xM

ليش دول الخليج كلهم يتقيدون بسرعة الشارع المقررة نظاميا الا ربعنا ما يقدر يسوق الا رجله صاقعة الصاجة , حقيقة قيادة السيارات اصبحت همجية في هذه البلاد , الواحد يسوق سيارته ويكشح لهذا ويعمي هذاك وينطل على ذاك ويشطف ف ذاك ويشمع في ذا وش هالهمجية ما يعرفون يسوقون براوقة وهدوء

ما في أي حل يصلح حالياً بسبب وجود الدوريات السرية

ممكن بكل سهولة يكون ماشي 130 وأنت تتجاوزه ويوقفك ويعطيك مخالفة

نصيحتي لك تلتزم بالسرعة المحددة وصدقني رح تلحق على كل شيء ربنا كتبه لك

يا أخوان تقدرون تتناقشون بخصوص هل هذا صح أو خطأ بموضوع ثاني
وفائدة هالجهاز راح تعرفها إذا صادك ساهر بطريق فاضي أربع مسارات والسرعة 60
وبالنسبة لأخوي مفقود
أنا أحتاج هالجهاز بالمدن ما هو بالطرق السريعة، يعني الدوريات السرية ما تشكل مشكلة كبيرة

لازم تقول تجاربي مع التوقيف وحجز لبن 

الاجهزه هذي سمعت عنها لاكن قريت ببعض المنتديات عنها
ان بعضها كلام فاضي ماتكشف لك مكان ساهر بدقه 

والاسعار ماعندي علم فيها. لاكن دام انك تقول تحتاج الجهاز
داخل المدن  فااشوف ماله داعي الخساير ويمكن تشتري
واحد ويطلع كلام فاضي ومايكشف لك ساهر لين يصورك 
هذا الكلام قاريه بمنتدى سيارات قبل اقل من اسبوع 
ان بعض الاجهزه ماهي دقيقه في تحدد اماكن ساهر 

لاكن دام انك تبيه داخل المدينه فااشوف ان ماله داعي 
لان داخل المدينه الشوارع سرعتها من 70 الى 100
والطرق السريعه مثل الدائري 120 يعني مافي مجال 
تسرع لان الطرق زحمه واشارات وتقاطعات  
والاجهزه هذي حسب الكلام الي قريته ان بعضها 
ماتكشف لك ساهر بدقه يعني يصورك ساهر وانت 
ماشي على الجهاز انه راح ينبهك اذا كان امامك ساهر 
      

عندك حل واحد جهاز الي يصفط اللوحة بزر من عندك وانتهينا

سبحان الرازق سبحانه
لكن بنفس الوقت أكيد فيه أجهزة فاعليتها كبيرة، وهذا ما أبحث عنه، وأنا لو أدفع فيها إلى 2000 ريال ما عندي مشكلة، لكن أهم شي يكون مضمون.
وأنا أحتاجه في المدينة لأني مستحيل أمشي ألتزم بسرعة 60 ولا 70 بطريق هذا طوله، قسم بالله شوي والعب كيرم مع الي جنبي، أقل ما أمشيه هو 80 وطالع.
t2zt2z
أنت جرب ركبه، يومين وهم قافطينك.

إذا أنت مصرّ على جهاز فما في أحسن من الفالنتين ون ولكن سعره 2700 ريال

الاجهزة كذب فلوس بالفاضي يكشف ساهر لما تكون قريب جدا

حل مشكلة ساهر بالفيديو تحت
https://youtu.be/-w827-_ubNg