أضف سؤال أو موضوع جديد          

اسئلة عن السيارة الجديدة

up 4 down 1
ipiwrtusol 114
قبل 4 سنه و 2 شهر



السلام عليكم


 يا اخوان طلعت من معرض كيا ريو ٢٠١٧ فئة نص فل اصفار

اذا طلعتها علطول اروح اغير الزيت ؟ او الزيت فيها يكون جديد؟

اركب لها حماية للواجهيه او مايحتاج؟ كم سعر الحماية تقريبي؟










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بالنسبة للحماية يفيدونك الشباب اما الزيت امش على الموتر 1600 كيلو بشويش وبدون وبعدها امش طبيعي ثم عاير الزيت وغالبا الوكالات ماتغيره الا على 5000


up 4 down 0
ahamd9477 119
قبل 4 سنه و 2 شهر



الزيت ماتغير الا على 5 الف و 1000 صيانه تشييك على الموتر

وترا مافيه تمرين لأنها تيجي ممرنه بس مع ذلك الموتر جديد لاتشد عليه اول 800 كيلو ومبروك ويعطيك خيرها ويكفيك شرها


up 3 down 1
صاحب الاوريون 2017 115
قبل 4 سنه و 2 شهر



الحمايه إذا تمسك خطوط ركب بس ماعتقد تسافر على ريو

تصدق انا كنت مركب واجهة بلاند كروزر 2015 حق خطوط بس مامشي فيه داخل البلد الا نادرا جدا ومن السافي فكيت الواجهة صارت جديده بس أطراف السقف واضح عليه السافي ندمت اني ماركبت للسياره كامله

انت لو داخل البلد دايما نصيحتي لاتركب لأنك مابتستفيد وعادي لمعها كل سنه ونص أو سنه ب 200 ريال خارجي وانتهينا وهالشي راجع لك


up 2 down 1
صاحب الاوريون 2017 115
قبل 4 سنه و 2 شهر



بعد ال 5000 غيره ، وأشياء ممكن تكون في سيارتك الريو الجديدة فلا تهتم ٱطلاقا وليست بمشكلة ، ممكن تكون نتعة خفيفة في القير أثناء الانتقال من 1 ل 2 ، وحصلت معي في آكسنت 2012 واليوم ماشية حوالي 300 ألف ونفس المشكلة فلا تقلق يا عزيزي ، كذلك صوت المكينة أثناء تشغيلها وقت البرد تطلع أصوات فرقعة وأيضا هذا طبيعي جدا

نصيحة : لا تصرف فلوسك عالصيانات والسيارة جديدة تقدر تعمل لها صيانة بنفسك ، كل 5000 غير زيت مع فلتر مع تنظيف فلتر المكيف وفلتر المكينة بهواء مضغوط، وكل 20000 أو 25000 غير فلتر المكيف و فلتر المكينة بفلاتر جديدة ، كذلك زيت القير يتم تغييره عند 100 ألف مع تغيير الفلتر زيت هيونداي ATF SP III أو ميتسوبيشي ATF SP III ، وإذا قيادتك حارة عند 60 ألف غير زيت القير ، إذا سمعت صوت في الفرامل غير الفحمات مباشرة ، وبعد ال 100 ألف تغير بواجي وفلتر بنزين ، وكل شهر شيك على مستوى ماء الرديتر وإذا نقص املأه ماء رديتر هيونداي حتى علامة F


ختاما ألف ألف مبروك واختيار موفق جدا ، استخدمت آكسنت 2012 الشكل الجديد نفس القير والمكينة وعملية جدا جدا ما شاء الله تبارك الله ، وأفضل من الآكسنتات الأخيرة الي صار قيرها CVT



up 2 down 0
anosi 1427
قبل 4 سنه و 2 شهر



الزيت اول٥٠٠٠تغيير مجاني لدى فروع الجبر 

وانا مسويها اول٥٠٠٠مجاني يغيرون زيت وسيفون


up 3 down 0
كارنز2015 55
قبل 4 سنه و 2 شهر



بالنسبة للزيت ماعليه جديد ان شاء الله والموتر جديد لوك ماخذ 2015 ولا عليها واقف له سنة وشوي نقول ما يخالف بس هذي جديدة


حامي الوجهيه انا اذا تسمع نصيحتي والراي لك وليس استنقاص او شي لا والله بس الحين انت شاري ريو يعني على قد حالك تروح تطرح لك عازل وجهيه بحول 2000 ولا 1800 ليه وين بتروح فيها اساساً ان مسكت خط هي مرة ولا مرتين الشرقية وماعليها ان شاء الله


وبعدين كم نسبة الفايدة اللي بتستفيدها منه يعني حتى وان كان منه فايدة بتكون بنسبة ضعيفة لذلك حرام اشوف تنطل فيه فلوس بمبلغ كبير يعني لوه رخيص 100 ولا 200 ولا حتى 400 نقول مايخالف بس الصاحي منهم ما ينزل عن الالف


وانتبه احد يلعب عليك ويقول ركب ذا ابو 400 ولا عليها حق الغرابي ترى ياما ناس راحت بوياتهم وبهتت وجهياتهم من العازل الردي ان كانك معزم مررررة يا تركب عند احد ذا الشركات الكبار وشي عليه الكلام وعليه ضمان وكل فترة تسوي لها تلميع ولا خلها على فالها ماعليها


up 1 down 0
a.ibrahem 3169
قبل 4 سنه و 2 شهر



الف مبروك و تشوف خيرها ان شاء الله.

الزيت اللي بالسيارة هذا تمشي فيه عادي لين 5,000 كيلو بعدين تغيره مع الفلتر. أما ال 1000 هذه بس تشييك على الماكينة و السيور

بس.  و مثل ما تفضلوا الشباب فوق لا تشد عليها كثير خصوصا ب اول 1600 كيلو خلي سرعاتك بين 60 و 100


up 1 down 0
بدر الباثفايندري 1125
قبل 4 سنه و 2 شهر



طيب ياشباب  

وش استخدم زيت؟ لزوجة 20w50 او 5w30 او 5w20؟ 




up 0 down 0
ipiwrtusol 114
قبل 4 سنه و 2 شهر



ركب حماية للشمعات افضل


up 1 down 0
.. شخص ما 43
قبل 4 سنه و 2 شهر