موقف الأحتياجات الخاصه

الايام هاذي شغال المرور حملة
على الي يوقف في مواقف ذوي الاحتياجات الخاصة
والله يقويهم ياخي متعافي وبصحتك وتوقف في موقف
مخصص للمعاقين الله يشفيهم هم اولى بهاذي المواقف
ومخصصة لهم اتركها ودامك تقدر تمشي شوفلك موقف عام
حتى لو الموقف بعيد الكلام موجة للمتعافين

ياغامدي المشكله مهوب شخص واحد الان طلعت من المستشفى وعديتهم ١٢ سياره بدون بطاقه هل يعقل هذا الشيء حنا شعب مسلم ما يجوز هذا الشيء يارجل!!

معك حق تزعل
والي تقصدهم اشوفهم كل يوم في المستشفى بحكم عملي في المستشفى
بعضهم يتجاوب ويطلع وبعضهم يقول عطني عشر دقايق واطلع
ويدق بساعه هاذا ودك تشق الكفر لانه متعافي
ويوقف في موقف المعاق او المريض
يعني بعضهم ماعنده في المستشفى الا زيارة
خلاص ياخي متعافي شوفلك موقف عام
حتى لو توقف برا المستشفى.
الله المستعان

باوروبا فيك خير وقف مكانهم تلونها بونش دون تفاهم الحين تحركو عشان ذي النقطة ومشكورين عليها

مثل ماقال الرفاعي الحمله حاليا شادين حيلهم
لكن الي يقهر فتره ويرجع كل شيء مثل ماكان
لو تستمر الحملات طول السنه كان الدنيا بخير

بالنسبه لصاحب الموضوع الله يطول بعمر امك ويرزقك برها
ويشافيها ويعافيها
ليتك محمل برنامج كلنا امن وعطيتهم صوره مع لوحاتهم
عشان يتعلومون المره الثانيه

اولا اساءل الله السلامه والعافيه للوالده والله يشفيها وياجرها
اللي اعرفه الامن في مستشفى دله شادين حيلهم جدا جدا اقوى من المرور لكن غريب ماحصل معاك
وحتى اللي عنده حاله يقله نزلها على الكرسي المتحرك ورح وقف في المبنى المواقف مقابل المستشفى

اتصل بالمرور يعطونهم مخالفات

يارجال مايحترموك وانت عند باب بيتك  تلاقي الواحد موقف وقفه  ناقصه
فرشة وشبة نار  ثقافة الوقوف صفر  عندنا لااحترام ولاشي وكل واحد فينا
مرت عليه مواقف اللي مقفل عليه واللي مضايقك بالموقف واللي عند باب بيته يعاني 
 الشكوى لله  
ياليت فيه نظام  صارم   

يفترض تبلغ فيهم ياغالي 

لكن الله يطول بعمر والدتك ويحفظها لك

في ذمتي اني اهنيك بار بوالدتك وباقي على قيد الحياة


والدتي توفت قبل كم شهر ورب البيت ماعاد للدنيا حياة ولاطعم 

https://sabq.org/DvxwMY


ادخل الرابط هذا وشف المرور شادين حليهم يسحبون السيارات 

الحل في المخالفات العالية يعني مثل هذا المفروض المخالفة ب 3000 وكذا محد بيوقف في هالموقف
شف كيف الالتزام عند اشارات ساهر مافيه احد يقطعها لانها ب 3000 ريال

اذكر مره واقف عند سوق وماخذيت عشر دقايق وجيت اطلع الا وواحد موقف خلفي ومقفل علي
طقني حول ساعه حتى رقم جوال ماتركه

اتصلت على الدوريات وبلغتهم على امل يتصلوا فيه والعسكري يقول اتصلنا عليه ماجاء

وانا ارد اني ماشفت وجهه

وبالاخير قفلت معي واتصل عليهم اكثر من اربع مرات

وبالاخير قلت هذه بيانات السياره ورقم اللوحه اشفوا غليلي بمخالفه وقوف خاطئ

وقال العسكري ابشر بسعدك

ويوم جاء حضرته قلت له جتك الرساله قال ايه وسامحني قلت انقلع اقتلعوا راسك

اهم شئ كلم الدوريات او المرور وهم يعالجون الامر