ايهم افضل ارجو الدخوول للأهمية

كل اللي ذكرته ياخوي معدوم ومنتهي عمره وبتدفع قيمتهم صيانه المواتر الجديدة يلا تصبر بالبر مابالك بالقديم خل قروشك معك وزد عليهم شوي شوي

طيب يا benz lover 

اجمع وبعدين وش اشتري ؟

انصحك باثفندر 

بحكم توفر ورخص قطع الغيار 
ووسع المساحة الداخلية 

وقوة المكينة ايضا

لكن خذ المكينة الصغيرة من 2000 الى 2002 اعتقد فقط

لان المكينة الكبيرة 3.5 تسخن بالطعوس والطلوع بالجبال والبر

الصغيرة ماتسخن


كل كلامي عن تجربة 

باثفندر موديل 2000 و 2002 المكينه 3000 صغيره و قويه وخدومه
احسن من 3.5 بس عيوبها و كل الجيوب معروف الصرفيه
عن تجربه خد باثفندر تلقاه رخيص هالموديل

الباثفندر سعره مناسب و قوي

مبلغك ضعيف مرة خذها مني يعني أي موتر من المواتر اللي ذكرت بتشتريه بهالمبلغ يبيله صيانة وكفرات وغيره ولا منتاب قادر تأمن نفسك تطلع عليه و حتى لو طلعت عليه وش يضمنك ما يقطعك ويعكر طلعتك



شف بقولها لك نصيحة اخويه بالذات مواتر البران والنفود احرص انه يكون انظف من اللي تستعمله في الزفلت ، اللي في الزفلت لو يكون معدوم لين ثمه خرب تقدر تشيله بسطحة لكن لاصرت قاص لك نفود وتعطل بك الموتر تقدر تقولي من بيطلعه من بين ذا النفود سحب ؟



ممكن تمر مناطق مراقى ومنتاب قادر تطلعه منها لو بتسحبه وهو طافي من عطل قوي


بمعنى لاقدر الله كهرب ، مكينة ، كلتش ، طرمبة الخ ......




يمكن تقول اني ابالغ في كلامي لكن انا مكلمك من واقع المحيط اللي انا عايش فيه بحكم ان حنا كل شتاء نطلع حنا ومجموعة من الشباب ، الموتر لاتعطل خصوصاً وسط نفود والله تضيع



عموماً عشان اريحك الباترول موديل التسعينات ماراح تحصل بهالسعر شي طيب حتى لو صالون بحكم انه ارخص من الربع عشان الترهيم


باثفيندر ماهو جيد للامانة الموديلات اللي ذكرت واعطاله واجد ما يتحمل الجلد


خلك على جيوب السوزوكي بس ترى مافيه عزم لا تدور عزم وساعة صدر ولا طرب بس انها هي الامن لك بعد الله توديك وتجيبك اذا كان نظيِف



واختصار المسألة ترى مبلغك قليل مررررة ومايجيب شي نظيف يوسع صدرك ويفكك من باب الورش خذها من اخو

الله يعطيكم العافية ياشباب وبيض الله وجيهكم 

ابراهيم بالنسبة للباثفندر المكينة الكبيرة ماتتحمل الجلد

الصغيرة تتحمل

السوزوكي الجمني ما انصح فيه لان قطعه غاليه واغلبها مايحصلها الا بطلعة الروح

كنت في اكثر من قروب للجمني والساموراي يشتكون ندر القطع

وقلبته بالنفود خطيرة لانه مايوقف

يستمر يتقلب وممكن تحصل اصابات خطيرة لاسمح الله

وش رايك بالشروكي من 2001 ونازل مجرد رأي واشوف انه افضل من اللي ذكرتهم

الشروكي كان من ضمن الخيارات بس استبعدته لان خراباته كثييير 

coco13 انا لما ذكرت السوزوكي هو افضل السيئين اللي ذكرهم هو


ليس ان الباترول سيء لا بس ب 13 بتلقى نظيف خلنا منطقيين شوي انا وضحت له بالمبلغ ذا ما راح يلقى شي نظيف وعليه الكلام ويعتمد عليه


انا يا محاكيك شريت شروكي بحكم انه اقلهم سعر ماشديته الا ب 15000 وهو فيه تهاريب خفيفة وكذا ويبيله كفرات وغيره بس مكانيكا وقير ودفرنس سليم ماشاء الله ما قد اخلفني لكني زبطت وعدلت يعني مراوح سوبارو وبلف رياضي وغيرت كفرات والخ .... خسرت عليه حول 10000 عشان اصير اعتمد عليه


فهذي النقطة اللي بوصلها له انه ب 13 ماراح يلقى شي نظيف ولو الله وفقه ولقى شي حليو لازم يصلح ويعدل عشان يامنه بعد الله انه يروح عليه ويجي ما يخلفه


ترى مواتر البر مهيب بسيطة الواحد يحسبها رخاص وما تكلف شي بينما هي تاكلك اكل لو هو قديم لانك لازم تكمله من الى ويكون ما فيه خلل يقطعك لاقدر الله


موفق