هل لازال شغل اللموزين مربح في المدن الكبيره ..

حقين اليموزين مشتركين بعد زي ايزي تاكسي وعدة برامج ولكن ماعادو زي اول ابد فررق 

لو تركض ركض الوحوش غير رزقك ماتحوش

benz

وش تقصد ما عادو زي اول فرق

يابو علي

يعني الواحد يقعد في البيت ينتظر الرزق يجيه لين حده ؟

مدري التكاسي ارتاح لها اكثر و احس يستاهلون الدعم
بس لا يغلون الاسعار اما اوبر و كريم مدري مرة جربت
لا بأس بهم بس الشعور غير هههههه

يعني يالغالي ماعادو منتشرين زي اول والناس يفضلون اوبر وكريم يجيك لعند البيت لا تتعب نفسك وانت واقف بالحر او البرد وتجلس تفاصله كذا قبل لا تركب يكون عارف كم بكلفه المشوار سلفا ويحس بامان خصوصا الحريم لانهم يعرفون ان السائق مراقب لذلك نصيحة اخ خلك باوبر او كريم لا تتعداهم

عندي سؤالين؟
١/في سيارات تمشي بالشوارع ولوحاتها تكسي
بس انها سياره عاديه مافيها لمبه غوق التنده
ولونها ماهو ابيض وش حقته بالضبط وشروط استخراجها؟

٢/الي عنده ليموزين يقدر يشغله بكريم واوبر ولا لازم سياره خصوصي

والمعذره لصاحب الموضوع لاني لي فتره ابعرف الجواب حتى بقوقل ماحصلت

d7oom

-هذي ( شركات تاجير سيارات) متفقه تشغل سياراتها مع اوبر وكريم باسمها بس السواقين اجانب ( طريقه تحايل على سعودة اوبر وكريم )
وياخذون نسبه على كل سواق .. مثل شغله موسسات الاجره بالظبط ..

- اذا كان موديل سيارتك مناسب مسمح تشتغل في كريم اما اوبر مدري ما سالت عنه

اوبر وكريم خدمة ممتازة لكن تحسهم رسميين بزيادة ( مثل الآليين ) وهذا يناسب ناس وناس لا اما اللموزين ياحبيبي تحسه فله هههههههه 

^^ كلمه بتشوفه فلاوي ويضحك معك ولكن الرسمية بسبب بعض الناس نفسيات مريضة ماودك تكلمها 

اهاا يعطيك العافيه معلومه جديده ليموزين يمديك تشتغله بكريم

بالنسبه لكريم واوبر اتفق مع الشباب فوق شعور غريب هههههه

الى يومكم هذا ماجربتهم متعود على ابو لمبه اشرله بالخط وخلاص
بس اكيد كريم اوبر افضل

الي اسمه ارقام كل كلامه صحيح كأني اشوف نفسي بالرد ههههههه
لكن جاب العيد يوم قال يستاهلون التكاسي الدعم!ههههه
والله ياانهم يخسون اني ادعمهم اصلا مامصبرني على التكاسي الا المكاسر
لان اوبر وكريم مافي مجال تكاسره

لا اللي لوحاته صفراء هذا مطلع السيارة عشان اوبر او كريم لانه لازم لوحة نقل نفس التكاسي

الي لوحات يجي فيها طرف اصفرهذولي نسبة كريم واوبر20% اجانب 80% سعودة وكريم وابريهتمون في النظافه ولهم تقييم وهذا في صالح الزبون

....
من الحي حقي للمطار ب35 ريال
.... سابقا التاكسي حدود 70 بس لان المشوار للمطار ويتلاعبون فالاسعار
....
كريم أوبر تعرف سعرك قبل مشوارك والكيان محسوب سعره ولا تتجادل مع السائق فالسعر
....
خصوصا كريم تقدر تخلي الباقي رصيد إذا ماتبيه وهذي ميزه ماهي في أوبر
......
سائقسن أوبر وكريم فيه إهتمام ونظافه لأنهم مراقبين ويخافون من تقييم العملاء لهم فتجدهم يحرصون على هذي الأمور
....
التكاسي سياراتهم معفنه ريحتها تصك فالناس غير بعضهم ريحة السائق طالعه ولا تقدر تشتكيه وماعجبك قلك شوف غيرى

يكفيك تفتك من بربرة ابو بكس يكلم ع النت من جواله ولا يسكت ولا يركز بالطريق والريحة اعوذ بالله :(