ماهو حل قطع الاشارات المبالغ فيه ؟ شاركونا آرائكم
29
6
إضغط هنا للإخفاء
السلام عليكم ورحمة الله وبركاته
اسعد الله اوقات الجميع بكل خير
يا أخوان ودي افضفض لكم بموضوع وأرجوا من الجميع المشاركة
موضوعي هو قطع الاشارة المبالغ فيه الاشهر الأخيرة بشكل مبالغ ومخيف جدا
قبل فترة جاي على الساعة 2 من الاستراحة , وكانت الاشارات فيها سيارات ولكن بشكل قليل , ولما قربت عند الاشارة ولعت خضرا وكانت اشارتي فاضية
سبحان الله كيف ربي هداني وقلت خلني اهدي , اعرف بعضهم بيقطع الاشارات تالي الليل , والله يا جماعة سيارة هايلكس عاكس الشارع على يساري وبغى يصدمني من جهة بابي , اقسم بالله يمكن بيني وبينه مسافة متر
يعني والله هالموقف تكرر اكثر من مره , يعني معقولة مافي عالم واعية وتحترم هالناس واشارات المرور , والله عوايل راحت بسبب اشارة المرور . وبالأخير بعضهم يزعل لا قلنا نبي ساهر عند الاشارة.
شي صار منرفز جدا , وصار الواحد ان صارت خضرا يمشي على أعصابه ,, اخرتها اليوم الصبح والله خلال اقل من 30 ثانية قطعت 5 سيارات ومن اشارات متفرقة , كل واحد يقطع الاشارة
الاسبوع الماضي كنت في دبي , والله تستحي تقول على اللي يقطعون الاشارات انهم بني آدم او إنسان , والله ولا تزعلون من كلمتي أن البهائم تفهم اكثر منهم
دبي لما توقف عند الاشارة وفيه اشارة ثانية قريبة قدامك وصار فيها ازدحام ,, تخيل تولع الاشارة خضرا ومحد يمشي عشان ما يسببون ازدحام ويتقفل الشارع
وحنا هنا كلن يتهاوش ويدق بواري عشان اللي قدامه يقطع الاشارة ويدخل مع الزحمه واذا وقف سب وشتم وحالته حاله
وعقوبة قطع الإشارة في دبي 30 الف درهم وسجن شهر
طيب لمتى هذا التخلف ؟؟ لمتى بعض أصحاب الكادينزا والاوبتيما والهايلكس السواقة السيئة وقطع الاشارات وشكلها المشبوه وتضر خلق الله
لمتى بعض أصحاب الاكسنت والسيارات الصغيرة هذه السرعة الجنونية بالطرق السريعة وانت عارف وتمام اليقين ان الأمان في السيارات هذي سيء جدا وممكن تسبب لك الوفاة
طيب أسال نفسك ايش استفدت ؟ تقطع الاشارة وأقوى ما عطاك ربي على بنزين السيارة وبالأخير بتوقف بالزحمه زي الألف عند الاشارة الثانية؟ ايش استفدت ؟
طيب تقطع اشارة وانا احلف وبذمتي ليوم الدين ان محد منهم مستعجل او وراه شغل او شي ؟ هذي الحبوب لعبت بالعالم , المبزرة قاموا يبلعون حبوب وحشيش يحسبونها مرجلة وانها ترفع من مرجلتهم
وانها ترفع من قيمتك عند الناس اللي من جيلك , وهذا يدل على ضعف شخصيتك
توقف عند الأشارة أول واحد , وبقدرة قادر تصير وسط معمعة سيارات , واحد يدخل عليك يمين والثاني يسار وواحد يدق بوري يبيك تتقدم عشان يخش من بينك وبين واحد عشان يصير الأول
طيب ليش ما تصير الأول بحياتك ,, الأول باخلاقك وبتربيتك
نبي حل لهالشيء
عطونا حل لازم هالظاهرة توقف
ما يصير كذا أرواح الناس لعبة والشوارع لكل الناس ماهي للهمج والمبزرة هذي
انا اقعد يوم كامل اقسم بالله سيارة مرور او شرطة ما أشوفها بالحي ورب البيت
لا تلوموني ياجماعة قسم بالله شي يرفع الضغط وينرفز وانا كتبت هالموضوع لأن اكثر من مره بغت تروح حياتي بسبب قطع الاشارة والسرعات الجنونية
الله يوفقكم ويستر عليكم ويحميكم
اخوكم
أبو سلطان
إبلاغ
الردود
0
0
والله اول اني اطق مشوار برجولي لأكثر من 5 كيلو لمدرستي ,, وبدون سيارة ,, وتخرجت من الثانوية بدون سيارة ,, ودخلت جامعة وبدون سيارة
ما امتلكت سيارة الا بثالث جامعة واخذت سيارة اخوي حتى مرسيدس 1987 sel وين راسي كان هههههههههههه
الآن بثالث متوسط وبزر تقل قرد ومعه سوناتا 2018 ومشغل خلق الله
قبل 6 سنه و 11 شهر