هل اسعار السيارات في موقع حراج حقيقيه؟

عن نفسي
شفت اعلان سيارة شفرولية سبارك 23500 في
معرض الحميدي للسيارات
المهم سافرت الى الرياض رحت للمعرض لقيت نفس السعر
الحمد لله شريتها

لا والله ماتعكس سعر السوق
الموقع هذا اسعاره فلكيث الا ماندر
تصدق فيه واحد ملحوس عارض فيكتوريا مخزن ب ١٥٠ الف
اللي يبي موتر بسعر معقول ينزل السوق ويترك الموقع

سيارات جديدة نفس الاسعار المستخدم نصابين اغلبهم شريطية او واحد يبي يستخدم ويبيع براس المال

سند 
الفكتوريا على ايامه وكاله ماوصل هذا السعر

الأسعار في موقع حراج تزيد عن سعر السوق حوالي 20% وهذا بالنسبة للمستخدم

وفي مشاكل ثانية مثل عدم جدية البائع وسومات غير منطقية والبعض غشيم يشوف الناس يسومون سومات مرتفعة ويعتقد أنهم صاملين ويتمسك بالسعر وهذا سبب وجود اعلانات لسيارات لها أكثر من 3 أشهر وما لقى مشتري صامل

وفي النهاية السيارات توافيق في البيع والشراء والاستخدام

ف الموقع اول ما تشوف اللي يجوز لك ، شوف طريقة التواصل مع صاحب السلعة وكلمه على طول
لاتنتظر سومات ولا شي .. افحص ، جرب واصنع قرارك . اذا اتفقت انت وياه كان بها ما اتفقتوا معوضين
خير كلكم؛ اعرف ناس باعوا مواترهم براس مالها خارج الموقع وذلك لرغبة المشتري فيها ولو نزلوا فيها للسوق
ماجابت لهم نص القيمة ، لكن ارزاق .

ههههههههههههههههههه المضحك حصلت كامري 2013 بالموقع ماشي 67 الف ويقول مخزن ولا طالب 75 الف صحيح حلاله وبكيفه والله يرزقه بس سعره مبالغ مقارنه بالسوق

^* قيمة اصفار خليجي ب ٧٥ هههه

مبالغ في اسعارها وفيه تلاعب بالسومات وعشان كذا الاعلان يجلس شهور ما انباع

زيارة سريعه لبعض الاعلانات وتشوف بعيونك المصداقية من عدمها

فيه شريطي عارض مكسيما 2016 بي 83الف ماشيه 11 الف
وانا شاري سيارتي مكسيماء 2017 بي 92700الف اصفار منقوله جاهزه

اعلانات المعارض الجديده حول الدعوه اذا جيتهم ينزلون لك الف الفين حسب الكاش اما المستخدم غالي هنا اكثر من السوق

بعض اعلانات ناس صادقية
بعض اعلانات خداع

مبالغ فيها لدرجه الصبح اليوم بغى يجيني سكته قلبيه

اجل جمس بهباني مكينه 350 عارضه بخمسين الف وموديله 78

غسيل اموال وربك ههههههههههههههه

وقال ايش تحفه فنيه

لايجيني واحد ويقول اللي مايعرف الصقر يشويه وماتعرف بالسيارات

كان عندنا واحد 79 مكينه 454 اقلق عافيتنا كل ماوضبنا خبط ثلاث مرات وبالاخير بعناه ب2000 ريال

هذا لو معي ما اضمنه يوصلني من العليا للنسيم بالرياض

مدري اضحك ولا ابكي من اللي مصدقين ويرفعون اسعار مثل كذا

يعني زبدة الكلام ان الواحد ينزل المعارض يتشوف هناك احسن له من فرفرة موقع حراج؟؟؟؟؟؟؟

اسعار المستعمل فيه غش وخداع وضحك على الناس ... اما الجديد كل معرض يبيع على كيفه