ما هو افضل خيار بين سيارة تورس 2017 او سوناتا 2018

البنزين بيرتفع.  توريس.  بيفلسك البنزين.     شفت سياره مريحه وموفره للطاقه

سوناتا افضل اقتصادية وعملية وقطع ارخص

التورس اصبحت مستهلكة نفس الشكل السوناتا اجمل وقطعها ارخص وصرفيتها حلوة

التورس: افضل في الخطوط على سرعات عالية+ عزل افضل+ثبات و ايرباق
لكنها ضيقة من الداخل وشكلها بيتغير و وقطعها الخارجية غالية و تصرف بنزين داخل المدينة. 
السوناتا عاد كل شئ معروف عنها وفي منها تيربو ٧ سرعات اذا يهمك العزم. 
هذه مميزات وعيوب وانت شوف ايش اولوياتك.  

اذا عقليتك بتفكر مسألة البنزين غالي وبيرتفع ,, احسن شي لا تشتري سيارة وقضها اوبر لان انا بالنسبة اختلف كثير بهذا الموضوع

ماهو عقل ومنطق احرم نفسي من سيارة حبيت شكلها ومواصفاتها عشان ارتفاع بنزين واروح اخذ سيارة منظرها بشع وما تخدمني عشان رخص البنزين

----------------

اما بالنسبة لخياراتك من شخص مجرب السيارتين

السوناتا / جميلة كشكل وكمواصفات لكن كمكينة وعزم وخدمة لا تخدمك للمدى الطويل بسبب رداءة الجودة داخليا وخارجيا

التوريس / شكل عادي جميل نوعا ما ,, لكن مكينة قوية وراحة وعزل صوت جميل واتساع من الداخل وجودة ممتازة من الديكور وتعيش معك فترة طويلة

---------------------------------

نقطة أخيرة /

بعض الإخوان يذكر نقطة ان الكوري دخل السوق بقوة و و و و
كلامهم سليم وفي محله ولكن

ما تقارن أبدا الجودة الأمريكية على مدى قرون بجودة الكوري والياباني اللي مهما كان يبقى فيبر وجودة السلامة فيه ماهي مثل الأمريكي
الأمريكي يخدم للمدى الطويل والدليل لحتى الآن نشاهد سيارات أمريكية في شوارعنا موديلاتها 1980 فما فوق ,, بالمقابل ما تشوف سيارات يابانية وكورية تخدم لفترة طويلة

ترشيحي للتوريس ( قوة , ماكينة , خدمة , امان , سعر بعد البيع )

استخر واعقلها وتوكل والله يوفقك
واعذرني على الاطالة
اخوك ابو سلطان

البعض صار عندهم فوبيا من البنزين  اذا شاورت بسيارة معينة يجاوبوك البنزين بيرتفع والفقر بيجيك 
خفوا علينا شوي حتى لو ارتفع البنزين الناس راح تشتري مواتر 

التورس:
- أفضل بالخطوط لأنه سته سلندر.
- عزل صوت أفضل.
- الشكل قريباً يبي يتغير.

السوناتا:
- اقتصادية مناسبة أكثر داخل المدينة.
- مواصفات أكثر من التورس SEL ولمتد.
- شكل جديد يبي يبقى بالقليل ثلاث سنين قدام إن شاء الله.

بالنسبه للاخ الاحترافي مع كامل احترامي لك بس من وين جبت ان الياباني موديلات ال80 مانشوفها فالشوارع
والكرسيدات والهايلكسات والدداسن الي في الشوارع وين راحت

الكريسيدا نادر جدا تشوفها ,,
الهايلكس والددسن كلها موديلاتها 95 وفوق .. ونادر حتى تحصلها

اشكركم  على تعليقاتكم الراقية والمفيدة .

بالنسبة لمسألة البنزين انا ما اهتم فيها لان ابي السيارة استخدام شخصي ومشاويري قليلة.

ابي اللي مجرب اي من السيارتين خصوصا العيوب الرئيسية اللي لاحظها سواءا عيوب كهربائية او ميكانيكية  مثل مشاكل بالكهرباء او المكينة و القير او المكيف 

اما ناحية الشكل والديكور هذي اذواق تختلف بين كل شخص.

مع العلم اني ابي استخدام السيارة لمدة ماتقل عن ٦ سنوات ان الله اعطانا وياكم طولة العمر. 

والله يالاحترافي.  شريت كورلا موفره للبنزين ٢٠١٧ وحلوه للمدينه. والاسكاليد للسفر والتكشخ
البنزين.    لاتهون منه الكرلا بعبيها الان ب ٨٠     يعني للمشاوير العاديه الشهر ب ٣٢٠
الاسكاليد يمشيني ٤٠٠ واعبيه  مع الزياده ب ١٥٠ يعني ٦٠٠ في الشهر
الكورلا تمشيني ٥٥٠ كيلو
يعني الفرق  حول  ٣٥٠.    علاوه.        ومع ذلك.    انا قلت خيار.  يريحك ويوفر.    يجمع الحسنيين.  راحه وتوفير.  فيه خيارات كثيره
اذا مشاويره قليله وعنده قدره.     ياخذ تورس.   لكن.     البنزين. بيغير خيارات ناس كثيره.    واولهم انا.  شريت كورلا ٢٠١٧.  
وبصراحه ارتحت.    صغيره تمغط فيها مشاويرك.  ولاعليك منها تنخدش ماتنخدش.   ومكيف عسل.    وبصراحه  تمام
علما باني بغيت اخذت ليمتد توريس.       مع ان الراتب.  جيد لكنه كله قروض.  كهرب بنزين ضرايب.   الخ.       اخ اخ بخ يخ

مدام  البنزين مايهمك.   لاتقارن التورس بالسوناتا.    التورس خاصه الليمتد. شي خطير
واذا تبي ٢٠١٦ و٢٠١٥.  ليمتد ورده.    موجودات.       ممشى قليل
وانتظر.  بترخص اكثر

الاحترافي
انا ما اتفق معك. السوناتا عزمها مو قوي, اوكي مكينتها قديمة و وزنها ثقيل. اما انها ماتخدم و ديكوراتها الداخلية والخارجية رديئة. أعتقد انك ملخبط
كيف ماتخدم وهي توصل 400 الف و 500 الف وشوفها هنا في المستعمل وعن تجربه. وحتى اللي اصغر منها تكرف كرف ما يتقارن مع فورد. انا سافرت الهند و مصر وشفت سيارات طبلونها فوق ال400 و مفصول ويقول على مكينة وحدة.
لو نتكلم عن التورس صح مكينة اقوى لكن كفائتها اقل من المطلوب يعني ما تتقارن مع ماكسيما او كادينزا القديمة. ( في مقاطع تشرح الفرق بين حجم المحرك و الكفاءة) وعلى فكرة معروف انها ضيقة من الداخل عكس ماقلت, ايش رأيك ان السوناتا 2016 أكبر منها من الداخل. بالارقام و بوحدات القياس, شوف اي قناة متخصصة في السيارات خصوصا الاجنبية واسمع ايش يقولوا اول المقطع عن مساحتها الداخلية لايغرك الحجم الخارجي. الذكاء هو انك تستغل المساحات. كل انش واحد تخليه مفيد

بالنسبة للمقارنه بين الامريكي والكوري
الكوري حاليا متفوق على الامريكي و المبيعات والارباح تشهد غير تفوقها في اختبارات السلامة وتحطيمها ارقام قياسية.
ايش تستفيد من تاريخ بدون حاضر. على فكرة مافي شركة لها انتشار قوي في امريكا الشمالية والجنوبية واروبا وافريقا واستراليا واسيا مثل تايوتا وهيونداي حتى في الولايات الامريكية نفسها هيونداي من اعلى 5 سيارات مبيعا رغم تعصبهم ودعمهم للمنتجات الوطنية.
مثال 2 موظفين في شركة واحد ما صارله 5 سنوات لكن متعلم في المانيا ورجع وطور الشركة وصار يغطي كورسات واثبت نفسه و اخذ 3 ترقيات في 3 سنين و حقق ارباح عالية للشركة و رضا العملاء. والموظف الثاني قاعد يشرب شاي ويقرأ جريدة ويوقلك انا صارلي في الشركة 25 سنة ولي الافضلية!!!! مين الافضل منهم؟

بالنسبة لموديلات ال80... مين كانوا المنافسين في السوق؟ الاختيارات محدودة عندك فلوس خذ الماني ماعندك خذ فورد او شفروليه أما الياباني فكان نظرة الناس له مثل الصيني قبل كم سنة.

طيب وين فورد فايف هاندرد 500 ولا مونديو قريبي طلع وحدة وبعد 3 سنوات صارت بس واقفة زينة عند البيت.
او فورد فوكس؟؟؟

في 2012 خويي طلع سوناتا وقتها قيمة الماليبو و فيوجن اقل و من الوكالة وطبعا فيهم كل مواصفات السلامة عكس السوناتا اللي حتى مافيها مانع انغلاق وهذه قيمتها من المعارض ليش فرق السعر؟

نصيحة لوجه الله

اي سيارة منتشرة وعند كل إشارة تحصل 3-5 خذها ولو كان صناعتها صومالي

انا مجرب السوناتا الحين 3 سنوات صحيح يمكن التورس افضل منها واقوى وارسى
لكن ميزة السوناتا انك مابتعرف الخراب كذا سنة استخدام وماعتقد ان التورس بتطول معك في الكرف زي السوناتا بدون ماتدفع صيانة

وهذه النظرية معروفه في السيارات كلما زادت الفخامة والقوة كلما طلبت منك فلوس اكثر

اخوي عبدالله الشفيعي

انا أقصد كسيارة أولية وليست سيارة ثانية

وانا معك بالمقياس هذا لكن بعضهم قدرته المالية ما تتسع انه يشتري سيارتين

ولو حسبتها صح انت قاعد تدفع بنزين على سيارتين يعني صبها واحقنها

موفق

اخوي dell2012

انا ما أقارن بالمبيعات
لو أقارن بالمبيعات كان قلت لك تويوتا أفضل من مرسيدس وبي ام دبليو لأن مبيعاتها أكثر

هنا عندك ناس بالنسبة له تويوتا مايباخ ,, يا ولد اهم شي تمسك سعرها واهم شي لون لؤلؤي !!!!!!!!!!!!!!!!!

الموضوع ماهو كذا

الموضوع عن تقنية السيارة وقوتها وجودة صناعتها

^^^ اخوي الاحترافي انا اتكلمت بصفة عامة عن الأداء و الجودة والاعتمادية و العمر لهذا السبب ذكرت السيارات في بعض البلدان موديل 2003 و مازلت عايشة بعكس موديلات فورد اللي ذكرتها. مع كامل احترامي