ضربة بحجم كف اليد

سبحان الله على يدينهم اخر شي تطلع شاص يقولك لا دقة براس الشاص ولمبة الايرباق تصير برمجة بس 

موتر وكالة من الصدام الى الصدام
مشروط شرط
ومخزن لمدة 3 سنين
منوة المستخدم
الشريطي لايجيني ولا اشوفة
محافظ على الموتر واصينة اول باول
ملاحظة بسيطة الرفرف اليمين قدام
رشيتة رش خارجي من اثر حكة من البوابة
وايضا الصدام الخلفي غيرتة من اثر حكوك
وابد الموتر مشروط
هههههههههه هذولا هم الشريطية
وتروحلة وتفحص تلقاها معجونه عجن
الله يستر منهم

قابلت شريطي موتره جايه صدمه قويه في المقدمه ويقول السافي اعدم وجهية الموتر وهذا رش تجملي
قلت له وش شاص ليه ماتعدله تعديل تجميلي قام يضحك 

عندي موتر .. وكاله بدي نظيف بكل ماتعنية نظيف مخزن استخدام دكتور

مرشوش رفرف يمين لكر
مرشوش باب اثار مخش الله لايوفق من مخشة
راش الكبوت عشان السافي
رش بحجم كف اليد (يد الفيل) الرفرف الخلفي اثار طعجة بسيطة ادت الى سمكرة المكان

ولا الموتر شدبلد : اوسخ ناس الشريطية . يشتري موترك بابخس الاسعار ويبيعه باغلا الاسعار

اجل مكسيماء2016 مستخدمة ماشي 11الف . يبي فيها 83 . والجديده بي 91؟؟؟ وموديل 2017؟
مدري هم يضنون الناس اغبياء ولا مايشوفون الي حولهم

ههههه... والله صادق في خاطري اقولها من زمان
الله يسعدك

الله يهدي البوابة اللي دمرت جوانب السيارات وكلها نفس المقاس (مقدار كف اليد) البوابات هذي مدزوزة علينا

والسافي هذا مايستحي على وجهه دمر علينا التنده والشاصي

لاتنسى الاستبنه مانزلت من وكالتها

لاتنسى بعد اذا بتبيع سيارتك كل الشريطية يصيرون مستخدمين يقل لك انا مستخدم واذا سيارتك يسوا لها 50 الف يسوم 22 الف عشان يعرضها للبيع بـ58

والله حنا بحاجة ماسة الى انشاء ادارة تخص الشريطية و السعاة في المعارض عشان اي بخس او نصب على الخلق ينجلد جلد لين ينهق

المشكلة النصابين عندهم مراكز فحص يتعاملون معاها ،،،،واللي ياكلها اللي بيشتري وبالاخص اللي ماعنده خبرة بشراي السيارات اول مره 

هههههههههههههههه غعلا اكثر شي يضحكني ان الاستبنة ما نزلت ويصور الكاتلوجات حقت السيارة!! وش اسوي بكتلوجاتك خلها لك وخل الاستبنة لك بعد

الاخوة الشريطية زعلانين مني ومعطيني تقييم سلبي على الموضوع ليييييييييييش؟

والاهم ممشا ماتجاوز ٢٦٠ الف كيلو وهالممشى طبيعي بالنسبه للموديل وتعتبر مخزنه هههههههههه