أضف سؤال أو موضوع جديد          

هل انا غلطان؟؟؟

up 21 down 3
اودي666 167
قبل سنه و 2 شهر



يا اخوان والله شي مو معقول ويقهر وخساير فلوس ومشاوير على الفاضي

الاخوان الي يعلنون عن سياراتهم ارجوووووا منكم ايضاح كل شي كامل بالسياره

مو معقول تقولي رش صدام بس واذا رحت افحص الموتر يطلع كبوت ورفر ثم تقولي عادي لكر مايضر!!

احد الاخوان ومازال اعلانه موجود ضربني مشواااااار عشان افحص الموتر وبالمكالمه يقولي نظيف ويوم رحت قبل الفحص واشوف الاسطب مكسور يقولي عادي مايضر!! اذا شمعة الاسطب ب5000 ماتضر وش الي يضر

البدي وكالة وشرط

وبالاخير جنب يمين كامل مرشوش وباب مفكوك يقولك رش نظافة!!

صح بعضهم اشرط عليه يرجع فلوس فحصي بس برضوا المشكلة مو بالفلوس المشكلة بالمصداقية والتعب

ابد بدي وكالة والوجهيه مرملة

ومايغبني الا اذا قال عادي مايضر امرها بسيط

ياعزيزي المعلن الله يجزاك خير

شبك مكسور تراه عيب شمعه مرمله تراه عيب كسر بالصدام تراه عيب

موتر بيكلف تصليحه فوق عشرة الاف تجي تقولي بسيطة لاياخي مو بسيطة وانت تزعل لو احد قالك فيها شي

ادري انها تتصلح بس مو تقولي ماتعيب بالموتر

اجل ببيع موتر تشيلح وبقول بدي وكالة بس ناقصه قير ومكينة ومايعبه هذا الشي

تكفون خلوكم واضحييييييين بكل شي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام صحيح ولا يختلف علية اثنين
ياكثرهم بحراج انعدام المصداقية


up 13 down 3
الرفاعي33 13823
قبل سنه و 2 شهر



بكل بساطة يقلك والله ماكنت ادري والدمعة الكذابة بعينه هههه عشان يتادب ودك كارتك يكع ٦٠٠ وهو يضحك


up 7 down 9
benz lover -62
قبل سنه و 2 شهر



^^
المشكله قبل الفحص ياخي اي شخص مايفهم ولا يعرف يدري ان الاسطب المكسور او الشبك او المراية او شطب القزاز يعتبر عيب لاتقولي مو عيب

فيه سيارات القزازه الامامية تكلف الاف مولفه ويجيك بكل بساطة يقول امرها سهل

طيب دامه سهل ليه ماصلحتها لانك تدري انها مكلفه ماديا

طبعاً كالعادة يقولك ماني فاضي

على اساس جالس تدير البلد يالمشغول وانت متبطح عند اعلانك 24 ساعه


up 5 down 2
اودي666 167
قبل سنه و 2 شهر



^^ لو هي بيشتري طلع الف عيب بموترك ولكن موتره عداه العيب وكل شي سهل وبسيط عنده 


up 2 down 0
benz lover -62
قبل سنه و 2 شهر



ناس ذمتهم في التراب ويشوف انه ذيب اذا باعها ولعب على اللي اشتراها ونسى ان كل شي يسويه بيحاسب عليه




up 4 down 0
x-bariq 176
قبل سنه و 2 شهر



حياك
فعلا كلامك وحدث معي نفس الشي 
تجي السيارة بوادي وكلامه بوادي
واذا قلت له شي قال مايضر



up 3 down 0
باترول 2020 2448
قبل سنه و 2 شهر



وتحصله يوم يجي يشتري يدور على ضربات الحصا علشان يقولك نزل من السعر..


up 4 down 0
qefari2 41
قبل سنه و 2 شهر



يارجال عالم مريضه لو تسوم و تنقص عن سعر السوق الف ريال جاء يدعي وخاف الله وتبخس حلال المسلمين وووووالخ

واذا سألته وش بالموتر قبل افحص قال مافيه واذا فحصت طلعت بلاوي مثل اللي يقولك كل شيء شغال بس المكيف يبي فريون
طيب عبيه 150 ريال


up 4 down 1
المنطق يقول 676
قبل سنه و 2 شهر



المفروض النظام يسمح للمشري إعادة السلعة المعيوبة إذا ثبت التدليس وكان هناك شهود أو دليل
هذي مسألة كفلها الشرع لما لا نطبقها


up 1 down 0
m50kasper 30
قبل سنه و 2 شهر



يا اخي الكريم الدنيا كدا فيها الصالح والطالح اللي عنده دمه وضمير بيعلمك واللي متردد وفيها شي يقولك افحص احسلك واللي مضروب بيقولك مافيها شي واللي ضامن سيارته بعد الله بيقولك تعال افحص وادا فيها خلل على حسابي وشكرا


up 0 down 0
عاش بو علي 497
قبل سنه و 2 شهر



انا أعلنت عن سيارتي لها معي اكثر من 7 سنين
وضحت كل صغيرة وكبيرة بالكتابة وبالصور وماتركت مجال لأي شي كله موضح
ويجيك واحد يتصل عليك آخر الليل يسأل عن أشياء موضحة ، واللي يشيب الرأس انه فاتح الإعلان قدامه و جالس يكلمني
ناس بس تبغى تسولف
والا واحد ثاني يقولك انا ما بشتري بس بجي اشوف السيارة واجربها
ناس فاضية قسم بالله

ابغى اوضح لك انه مثل ما فيه معلنين داجين فيه مشترين داجين أكثر منهم بمراحل



up 0 down 0
فورد530 1292
قبل سنه و 2 شهر



كلامك صحيح قل الصدق  في بعض الناس وفي ناس ذمتها واسعه ما يقدر عليهم الا ربك والله انا عن نفسي ممكن قد شريت اربع سيارات اقل وحده سعرها ٨٦ الف ويعلم الله اني ما قد طبيت فحص اجرب لو ان خبرتي ضعيفه واخذ كله من المالك مع مسالته بالله ان كان يعرف فيها شي يقولي ان قال ما فيها شي توكلة علي الله والحمد لله كلهم تمام ما عدا سياره طلعت فيها المكينه ما بدة اعراضها الا من اليوم الثاني ولكن الله كريم 


up 0 down 0
khaled daghriri
قبل سنه و شهر