راح زمان الحديد وجانا زمن القواطي والكراتين صارت اغلى منها

شاقح بن مشقوح الشقيحاني 22707
قبل 12 سنه و شهر

اول شي الله يعوض على أصحاب السيارات
ثاني اصحاب السيارات ناشرين قصصهم فالمنتديات برضاهم وتكلمو عن اسباب الحادث

أزيرا 2012 فل اوبشن انقلبت على سرعة فحدود ال100 لانها دخلت على التراب فقط وهذه كلام راعيها
....... سبب الحادث مسافر على خط الشمال واعترضني دينا السواق هندي قطع الطريق علي فجاة الا هو قدامي لفيت عنه يسار وشطفته على الرفرف اليمين وبعده زحفت على جنب وبعده قلبت على السقف

والحمدلله جت سلامات رضوض و جروح سطحيه من القزاز والحمد لله ما كنت مسرع ))

صاحب السياره يقول انه ماكان مسرع الله يعوضه

هل من المعقول سياره جديده قيمتها فوق ال110 تنقلب على سرعه بسيطه وتزحف

وين انظمة السلامه والامان وين وزن السياره اللي المفروض ياسعدها على ثباتها وهذا دليل انها بوزن الريشه

سيارات صار لها 20 سنه نادرا مانشوفها مقلوبه مثل المرسدسات القديمه

سيارات صار لها 20 سنه نشوفها وقت الحوادث متماسكه والبدي ماتاثر مثل الازيرا
سيارات لها 20 سنه بعض الاوقات نشوفها مقلوبه لكن ماصار لها مثل الازيرا ( الجنوط تكسرت والبدي انسلخ من مكانه وكئنه جلد انسلخ من على لحم )

قبل ما افكر ادفع فوق ال 100 الف على سياره واقسطها 5 سنوات وقبل ماابحث عن الشكل والقوه !!!

ليه ماابحث عن صلابة البدي ومتانته ليه ما اسئل عن انظمة الامان والسلامه ليه مااعرف كم وزنها وهل الوزن متناسق مع قوة المحرك وحجم السياره ولا لا

ابسط مثال :::

روحو شوفو السوبارو الليجاسي الاستاندر وش فيها من مواصفات الامانه والسلامه وقارنوها بالازيرا الفل اوبشن او الافلون او السوناتا او الكامري او الكادينزا وغيره من سيارات الخمبقه

احد يدري انه السوبارو فيها اعمده فولاذيه من البدي ومتصله في الابواب لضمان حماية الركاب ولضمان عدم دخول البدي داخل السياره وهذي موجوده في جميع فئات السوبارو !!!

قد سمعتو عن الستروين C5

تدرون انه هذي السياره تمشي على ثلاث كفرات اذا ضرب عليك كفر وتوزن نفسنا من نفسها !!!! ( فيه ناس مجربينها ولي حاب يتاكد اعطيه رابط الموقع ويشوف بعينه )

واذا انقلب او صار حادث القزاز ينزل واقفال الابواب تفتح تلقائيه يعني فقط عليك تدف الباب ويفتح معاك !!

ماراح اتطرق لمواصفات الامان فهذي السيارات وغيرها لاني ماراح اخلص

بس لاني لاحظة انه اغلب الناس صارت تبحث عن الشكل خارجيا وداخليا وقوة المحرك ولو تسئل احد فيهم كم اير باق فيها وايش الانظمه يقولك والله مدري ؟

بس يدري عن انوار الزنون والشاشه الجي بي اس وسقف البانوراما ومواصفات الرفاهيه

وللعلم سقف البانوراما وقت الانقلاب او الحوادث يتكسر سقف كله قزاز مقوى وليس حديد صلب

حتى الالنترا 2012 ب55 واختها مافيها ABS والله يعلم كم اير باق فيها الظاهر انه واحد

اما الكورولا بعد فتره من الخطوط تلقى الفايبر بلاستك اللي تحت المكينه من فك من مكانه

مقطع عن نظام الامان في فولفو فيه صوت موسيقى

http://www.youtube.com/watch?v=yEdvvVT7718&NR=1&feature=endscreen