أضف سؤال أو موضوع جديد          

نظام باشرهل وضع لتطوير نظام المرور ام لقيد مخالفة ثم الهرب؟

up 21 down 1
abo9aly7 501
قبل سنه و 9 شهر



السلام عليكم ورحمة الله وبركاته

كلنا نعرف جهاز باشر اللي يستخدمه رجل المرور ليعطي المخالفات مثل الوقوف الخاطئ او التظليل.. وهذا شيء ايجابي ، ولكن في كثير من الأوقات ننظلم من الجهاز هذا.. يا بسبب جهل العسكري ولا تقدر توضح له موقفك بسبب انه سجل المخالفة ومشى،، او انه متعمد وعارف ان النظام ضعيف واهم شي يخلص عدد المخالفات المطلوبه منه يسجل مخالفه ويهرب

هذه بعض المخالفات اللي جتني شخصيا بدون وجه حق:

(تم قيد مخالفة عدم ربط حزام)
(اجراء تعديل على هيكل المركبه بدون اتخاذ الاجراءات النظامية)
(وضع حواجز داخل المركبة تعيق رؤية السائق)

المخالفه الأولى وتكررت كثير: مخالفة عدم ربط حزام ,, انا ماعمري مشيت في السيارة الا ورابطه وهذا شي تلقائي لأني تعودت عليه.. حتى لو رايح للبقالة او بغير موقف السيارة
المخالفة الثانية: السيارة جديدة بتجاليد الوكالة ،،، ثم تجيك مخالفة مثل هذه ولازم حجز للسيارة
المخالفة الثالثة: السيارة من وكالتها تجي فيها ستاير خلفية للقزاز الخلفي والشبابيك الخلفية وماتنفك ابدا

ثم يبدأ مسلسل الاعتراض على المخالفات في المرور، بعد الانتظار الطويل في الزحمة ترفع ورقة اعتراض ثم تراجعهم بعد 10 ايام، واذا ماقبلوه لازم يجيبون العسكري اللي سجل المخالفه عشان تتفاهم معاه،، بالله هذا نظام؟؟

واكيد فيه غيري كثير ظلموا من هالنظام وما اقول الا الله يعيننا بس







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الستائر الخلفيه مايحق لهم يعطوك مخالفه و لو عطاك مخالفه روح للوكاله ويعطوك نسخه مختومة بمواصفات السياره وودها قسم الفصل بالنسبه للحزام مايقدر يعطيك مخالفه حزام وانت مو لابسه لأنه يصورك انت. إذا أنت متأكد برضو اعترض على الحزام ويشوفون الصور


up 1 down 0
صاحب الاوريون 2017 114
قبل سنه و 9 شهر



الله يعيننا ويعينك 
والله بَعضُنَا يعاني من الشيء هذا 
ومراجعات المرور وبعض الدوائر الحكومية تجيب الأمراض 
لكن نصبر ونطلب العون من الله
واللي مظلوم الله ينصره 
ونظام باشر مثل ما ذكرت إيجابي وسلبي 


up 1 down 1
ابومها المالكي 37
قبل سنه و 9 شهر



طيب بشر وش صار على مخالفاتك ألغوها
والعسكري جابوه الي صورك؟
ولا ماستفدت من روحتك لهم


up 1 down 0
d7ooom777 390
قبل سنه و 9 شهر



للاسف تجيني واسددها حتى لو ظلم ...ولا اقعد اتمرمط بممرات مرور الناصرية واضيع وقتي وومكن يشيلوها وومكن لا


up 2 down 0
abo alnoor 05 239
قبل سنه و 9 شهر



ما تعتمد المخالفات من جهاز باشر الا بتثبيت صورة المخالفه




up 2 down 3
ali400ali 228
قبل سنه و 9 شهر



مثلك انا قبل اسبوع رابط الحزام من البيت ما وصلت لمحل العمل
الا جايتني مخالفة عدم ربط حزام الامان !!!!

بتجمع مخالفات تترقى ولا تأخذ اجازه اجمعها بحريقه بس مو من الناس 
اللي متبعه النظام تروح ترقى ع ظهورهم !! 
حسبي الله عليهم 


up 1 down 2
nader21 -7
قبل سنه و 9 شهر



ياراجل انا داق اشاره ومنتظر واحد معشق و لمبات الريوس مولعه يطلع عشان اوقف مكانه وجتني مخالفه وقوف خاطئ
اسأل الله العظيم ان يصيب مسجلها عليه بشلل ولا يبارك له لا في ماله ولاصحته .
ما يخاف الله ويكتب الصح .


up 12 down 1
فيروزي 24
قبل سنه و 9 شهر



أذكر قبل فترة جاني اتصال جنبت على يمين ارد عالجوال لمدة تقريبا 5 دقايق لا أكثر بعد يومين جاتني مخالفة ههههه شفت تاريخ المخالفة وتذكرت الله المستعان


up 3 down 0
business to consumer 1160
قبل سنه و 9 شهر



ورد في الأثر: (( البر لا يبلى، والذنب لا ينسى، والديان لا يموت، اعمل ما شئت، كما تدين تدان )).


up 0 down 0
الشرقية1 265
قبل سنه و 9 شهر



ساهر وباشر هدفهم الأساسي تجميع أموال بطريقة شرعية. و هدفهم الثانوي هو السلامة والنظام الخ, ساهر تكلمنا فيه كثير وهو مايختلف عن أي مشروع تجاري. اما باشر فطريقة سريعة للتسجيل, بدل ما يقعد العسكري يوقف اثنين و يضيع وقت في طلب الاستمارة و الرخصة و بعضهم مو سيارته وهذي يبغالها حجز و و و وفي الاخير نص ساعة ما طلع الا مخالفتين.

الان بطريقة متعمدة يدخل داخل اي حارة وكل 10 دقايق يطلع على الشارع الرئيسي و يسجل ما يقل عن 10 مخالفات في اقل من 5دقايق. وطبعا في شوارع اكثر حسب الضغط, لان عندنا ازمة مواقف, وكل واحد يقول بوقف 10 ثواني يشتري شئ او ينتظر احد يركب معاه, تجيه مخالفة.
انا رحت جوازات جده ولقيت صف سيارات واقفة على الرصيف ومافي مواقف نهائيا الا انك تنتظر احد يخرج, في واحد خرج وانا وقت مكانه, اول ماوصلت مدخل الجوازات,وصلتني رسالة مخالفة, وانا مستغرب ليش!!!

لما خرجت حصلت دورية واقفة بعيد, وكل شوي تاخذ لفة وتسجل المخالفات, اكتفت ان موقفي ممنوع لأنه على جهة الرصيف من اليسار رغم انه داخل حارة!!!! والجوازات مو موفر مواقف ولاحتى بفلوس!!!
وقتها قلت لكل السيارات اللي واقفة ترى بتجيكم مخالفة.

لو المرور يهتم بالنظام كان وقف سيارته هناك وقال للناس ممنوع علشان تحافظ على النظام. مو يخليهم يوقفوا براحتهم وبعدين يصورهم! يعني حط الفلوس فوق النظام
لكن الهدف 100% تجميع اموال وبطريقة غير مشرفة



up 5 down 0
dell2012 902
قبل سنه و 9 شهر



نظام خرب... مافي رحمه لو غلطه بسيطه صوره .بدون رحمه


up 0 down 0
مستر12 876
قبل سنه و 9 شهر