شقتين بعداد كهرب واحد وش الحل

نفس مشكلتي مع جاري راعي الشقة قال تفاهم انت وجارك مالي دخل متوهق والله موب عارف وش ازين !!

حياك
فيه طريقة سهله تحصل عداد بمحلات الكهرباء يحسب استهلاكك
التركيب كهربائي وكيبل وخلصنا
وفيه طريقة بس صعبه لزم تروح للشركة وتجهز لهم كيبل وتدفع سعر 
العداد وهم يركبونه وتتفق مع صاحب العمارة تخصم سعر التركيب 
من الاايجار

الان الشقق على قفى من يشيل اذا راعي العمارة كثر كلام وماشفت منه سنع اترك له الشقة ودور غيرها وغالب الظن راح تاخذ افضل وارخص منها خل تجار العقار يبلشون فيه يوم كان السوق حامي لعبوا بالناس بالاسعار وكثير بجدة ما يأجرون الا اجانب!!!
 لأن السعودي كان بنظره قليل حيا ولا يدفع الاجار لكن بعد هجرة الاجانب التزم السعودي وصار عسل صافي سبحان الله

الحل تركيب عداد داخلي للشقتين ، يكون عند الطبلون يقرأ كمية الإستهلاك ، وكل واحد يحاسب كمية الكهرباء الي عليه

نصيحه اترك الشقه وشوف شقه اخري لان تكلفه الكهرباء اعلي بكثير من تكلفه النقل
ولو مافي حل اخر
اشتري عداد بقيمه 150 ريال من محلات الكهرباء ولوحه كهرباء خاصه بشقتك اذا كانت اللوحه مشتركه
ويتم حساب الكهرباء كالاتي
تقسم قراءه العداد علي عدد الكيلوات في الفاتوره والناتج تضربه في قيمه الفاتوره
انا عملت كده في شقتي وراسلني علي الخاص لاي استفسار

في طريقه نظاميه مفروض يسويها راعي العماره
يفصل الدورين او الشقق يصير كل واحد له عداد مستقل

وهذي موجوده نظاميا من شركة الكهرباء

مفروض من الاول ماتوافق يوم شفت العداد مشترك

الي عليك تسوي مثل ماقال باترول تروح للشركه

تطلب يركبون لك عداد مستقل يكون بنفس طبلون العماره
او بطبلون مستقل مدري كيف طريقتهم

بس على حسب علمي اذا انت بالرياض
بتطول الشغله الى٥شهور على مايركبونه

اي شي مشترك ما ينفع سواء كهرباء او موية او مواقف
نصيحة لو انك مقتدر تغير الشقة يكون افضل مجرد رأي

الله يكثر من امثالكم وجزاكم الله خير اذا بغيت شي بسالكم على الخاص 

وراعي الشقة مع الاسف معيي ينزل الايجار لازم اقل شي يطرح ٣ الاف والله مشكلة

يابنز صدقني اذا راع الشقة راح يطرح ٣ الاف تأكد ان راح تحصل بنقص ٥ الاف لأن راح الشقة يعرف أن المستأجر اذا كان الفرق بين عرضه وبين الاجار من الصفر بسيط ان في هذه الحالة المستأجر راح يبقى ويقول ابقى بشقتي حتى لو بزود بسيط ولا اتقروش بالنقل وادفع تكاليف عقد جديد ونقل عفش وووو الخ

طيب يا جماعة اذا كان عداد الماي مشترك كيف الطريقة اقدر اركب عداد مستقل مع العلم أن خزان الماي مشترك وكذلك (الوحدة ) كاملة للبيت مشتركة

زي ما قال دكتوراه في الحب
لو راعي العمارة او المكتب كثر كلام ارميله المفتاح بوجهه وقله دورلك مستاجر ويا ليل ما اطولك

حل مشكلة عداد الكهرب بين شقتين
https://www.youtube.com/watch?v=hiE0-n5HRLc

انا طلعت من شقه عداده مشترك
تخيل قبل الغلاء كانت تجي الفاتورة
من ٣٥٠ ريال الى ٤٨٧ ريال
وطلعت من الشقه عشان كذا
والحمدلله بعد ماطلعت اعلى فاتورة
جتني ١٠٥ ريال

بالعربي اطلع من الشقه ولا تشاور احد

الحين الشقق فاضية ليش حاشر نفسك انت؟
روح دور لك على شيء احسن وانظف ومستقل واذا ما يمديك روح لحقين الكهرباء عندهم قطعة تحسب الاستهلاك

العداد المشترك في الماضي كان مشكله لاه هناك عدد من الشرائح وهي
5 هلله لاول 2000 كيلووات
10هلله من 2001 الى 4000
20 هلله من 4001 الى 6000

لو كنت على عداد مشترك كان في ضرر كبير لان استهلاكك انت وجارك راح يدخلكم في شريحه غاليه .

لكن الان صارت شريحيتن فقط وهي
18 هلله لاةل 6000 كيلوات
30 هلله بعد 6000 كيلوات

يعني لو صرفت 4000 كيلو ات الان بتطلع نفس الاستهلاك لو كنت لوحدك . على افتراض ان الجميع يستهلكون نفس الاستهلاك فتقسم الفاتوره على 2
لو طلعت بعداد مستقل بيكون استهلاكك 2000 كيلوات وسعر الكيلو بيكون 18 هلله . يعني نفس الشي لو مشترك . لكن يبقى الموضوع تحت ذمه جارك في استهلاكه للكهربا وعدد المكيفات .

يعني مافي ضرر مثل اول ولافي داعي تطلع من الشقه . لان الفارق بيكون بسيط .