أضف سؤال أو موضوع جديد          

أرجو النصيحة استفسار عن السيارات لأهل الذكر وجزاكم الله خيرا

up 4 down 1
aighmm 30
قبل 6 سنه و 6 شهر



السلام عليكم ورحمة الله وبركاته
النصيحة ياأخوان
يا أخوان ارغب فى شراء سيارة فى حدود من 40,000 الى 45,000 ريال
وفى اللى نصحنى اجيب اكورد 2008
أو CRV 2007
أو تويوتا كامري 2008 .
ارجو منكم النصيحة ولو حد عنده اقتراح لسيارة تانيه افضل اتمني يقولى عليه
وعن أفضل مكان اشتري منه سيارة فى الرياض
وايه الخطوات اللى أعملها عشان اتأكد ان السيارة حالتها كويسه وما فيها عيوب
أرجو ممن لديه معلومه الا يبخل بها لانى والله فعلا محتار جدا وفى حاجه ماسه لسيارة فى الوقت الحالى
وجزاكم الله خيرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي تحديد نوعيه السياره ماهومشكله (هذا يعتمد عليك كامستخدم )

بس المشكله النظيف نادر الوجود 

بس االاخوان مايقصرون معك 

بالتوفيق


up 0 down 0
سعد خليل 6151
قبل 6 سنه و 6 شهر



انا اميل للـ CRV أكتر
وعشان قلة النظيف قولت اسأل الاخوان عن الاماكن اللى ممكن الاقي فيها سيارة نضيفه
وما خاب من استشار وجزاك الله خيرا على اهتمامك وردك
تحياتي



up 0 down 0
aighmm 30
قبل 6 سنه و 6 شهر



الدراهم اللي معك لو تفحط ماتجيب لك جيب 2007
لان هل الموديل نفس الهايلكس 2005 طاير على ايش مدري

2007 اذا لقيت اقل من 90 دق علي انا باخذه وبعطيك سعيك ،،

علشان كذا مالك الا الكموره يالبى
موتر يكد معك ويعيش ولا تسئل احد
اطلع الشارع وشف اللموزينات
لاعنين والديه ويمشي ومايقول لا

صحيح ان بعض قطع الغيار نار
لكن افضل من الاكورد بـمراحل الجوده


استخر ربك وشف اللي يناسبك من الاثنين واذا فكرت في غيره لا تبعد عن تويوتا تراني ماني متعصب لكن الحق ينقال
ونص اللي بالموقع متعصبين لـ شششركات ثانيه تحس انه الوكيل خخخ

الحق ينقال تويوتا وبسسس

لا اكورد ولا فورد وغيره
وبتعرف معنى كلامي اذا جاني ديس لايك




up 5 down 5
وحش الرياض 2022
قبل 6 سنه و 6 شهر



وحش الرياض : الرجال المبلغ الي معه زابط بالضبط على الكموره هههههههه

بس ياخوي الله بالنظيف


up 0 down 0
سعد خليل 6151
قبل 6 سنه و 6 شهر



يالبى الكموره كانت معي وحده 2003 فل والله موتر وتكد معك بس 2007 لاشكل وفخامه باختصار موتر مايستأهل قيمته 45 على مكيف ومسجل وقير عادي بعد !؟ 

من رأيي الأكورد أفضل بكثير بس صعب تلاقي نظيف وبعدها التيما 2009 فل كامل بصمه وتشغيل زر ومواصفات أمان ومانع انزلاق ومانع انغلاق ومثبت سرعه ومواصفات كثيره وتراها حلوه وقطعها مناسبه 




up 1 down 1
max_9ms 2356
قبل 6 سنه و 6 شهر



المشكله ماهي فنوع السياره وسعرها المشكله وين تلقى النظيف وركز على النظييييييييييف حتى لو كان غالي استخدام الشعب عندنا محد يضمنه


كل واحد له ذوق بس الكامري لو تعطينياها بلاش مابيها خذ الاكورد صدقني تدعيلي


up 1 down 0
سع ـيد 325
قبل 6 سنه و 6 شهر



هوندا وتوكل على الله بس النظيف


up 1 down 0
البطش 3579
قبل 6 سنه و 6 شهر



ايه هى الكموره يا أخوان ؟؟
وجزاكم الله خيرا على النصيحه
لكن على الموقع موجوده CRV 2007 فى حدود من 45 الى 48
ولو حد يعرف مكان معرض كويس مضمون اتمني انه يقول
وجزاكم الله خيرا مره أخري على نصايحكم


up 2 down 0
aighmm 30
قبل 6 سنه و 6 شهر



ههههههه\منورين
الكموره  هي اسم تدليع للكامري
انا اول شي مافهمت احسبه يقصد يدلع الكومارو
بعدين فهمت
ابعد عن تويوتا
ونصيحتي الشي اللي يعجبك اشتره
لان لو تشاور الناس كل واحد يعطيك راي !!


up 1 down 1
السهل الممتنع 6394
قبل 6 سنه و 6 شهر



السلام عليكم : انا انصحك بل كامري لان شكلها حلو با النسبه لل ٤٥ الف لان الكامري من ٢٠١١ وتحت مارح تحصل مثلها صل صلاة الاستخارة وتوكل على الله 


up 1 down 0
fahad77777 1071
قبل 6 سنه و 6 شهر



لو انا منك اتوكل واخذ الاكورد ماشالله والله من جد سيارة بس النظيف وين تلقاه ؟؟ واذا لقيت حيطلع غالي شويتين لاكن خل الاكورد في بالك واستخير


up 1 down 0
ابو امااني 2068
قبل 6 سنه و 6 شهر



اقول..لا كموره ولا اكوردي ولا هايلكسو
الفورد فكتوريا....كرف....خطوط....كشخه...سعره يللي تبيه...قطعها رخيص
لكن عليك بالنظيف..وخذ مابين 2006-2007 وعلى فكره...
اذا بتاخذها افحصها فحص شامل من والى تشوف خراباته ولا صدماته
اخسر على 400 ريال ولا تخسر على الالآف الريالات
وخذ لون اسود او ابيض او سمني...ومن داخل بيج او هلوووز
او خذ ماركيز....افخم من الفورد لكن قطعها الميكانيكيه مثل الفورد
واهم من ذا كله...الاستخاره


up 0 down 0
ali-911 3067
قبل 6 سنه و 5 شهر



انا معي كامري صحيح تكرف معك لكن فكر بقطع الغيار ناااار اذا كرسي المكينه ب450 ريال 
اهي ممتازه بس 2006 و2005 لكن نادرا تلقي نضيف 
والاكورد الشهاده لله انها سياره فخامه ورسااوه بسس قطع غيار مووت ومو اي واحد يزبطها +كمبيوترها حساس
ف النصيحه خذ لك فورد مناسبه قطع غيار متوفره راحه كششخه قووه ورخيصه كقطع غيار والمكاينيين يعرفوا لها 



up 0 down 0
سياحه 3955 165
قبل 6 سنه و 2 شهر