أضف سؤال أو موضوع جديد          

تلاعب الوكاله ب الموتر و التامين.

up 5 down 0
meshal 2200 17
قبل 6 شهر و 2 أسبوع



السلام عليكم 

ي اخوان قدر وصار علي حادث و الغلط على الطرف الثاني 100‎%‎
الحادث بصيط صدام و شمعه ورفرف المهم مع اجراءات المرور و شيخ الورش لين خلصت الاوراق ورحت للتامين
وعطوني ورقت اصلاح وقالولي ودها للوكاله وخلها عندهم
روحت للوكاله وعطيتهم الموتر و الورقه قالو خلاص نسعر التصليح ونرسل للتامين ويرد تقريبا من 4 ل 7 ايام
والحين اليوم ال5 مردو علي ، دقيت ع المشرف الي ع موتري ف الوكاله اساله وش الي بيتغير وكم التكلفه قالي التكلفه 12 الف صدمني يوم قالها قلت ليه
قال صدام ورفرف وشمعه و باب ورش لل مرايا اليسار وقربت الهوا قلت ليه كل ذا قال هذي الاضرار وذا تصليح الوكاله قلت له يخوي موتري لا ترش فيه مرايا ولا تقربها شوف صورت الحادث وين المرايه ووين الباب مجاها شي
الحين وش الخطه اعلم التامين ولا اخليهم يكعون مع انها ناغزتني ف قلبي بياكلونهم الوكاله؟.

وشي ثاني الصدام يجيبونه مرشوش هو و الرفرف ولا يرشونه عندهم واذا يرشون كيف شغلهم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


والله ياخوك من الصورة ماهي مبينة لا المراية ولا الباب
لو فيه صورة اوضح ممكن نفيدك


up 1 down 0
الاحترافي 1039
قبل 6 شهر و 2 أسبوع



الوكالة ما ترش
الوكالة تستبدل القطعة وترشها
لكن يرش فقط هذا شغل ابو هنود

تأكد من هالشيئ


up 1 down 0
الاحترافي 1039
قبل 6 شهر و 2 أسبوع



النظام لو في خدش حتى بسيط تغيير
يوم صدمت بالكامري المتضرر الرفرف بس
الصدام تخدش من فيلم الحماية ولا هو سليم
فغيروا رفرف وبطانة وصاجة الصدام وصدام وشمعة يسار مع العلم ان ماجاه اي شي
وبعدين دام الغلط على الطرف الثاني انت ماراح تدفع شي
يسوون اللي يشوفون


up 1 down 0
ali-911 3028
قبل 6 شهر و 2 أسبوع



شغل الوكاله من ناحيه الرش ممتاز بطل عمري صار له حادث قوي من بيبان وماتوقعت صراحه انها ترجع لكن يوم جابها وربي ماصدقت حسبته شرا جديده شغل وكاله بطل بس وكيلها عبد لطيف مدري عن وكيل هوندا كيف شغلهم اسأل وشوف


up 1 down 1
مهراس الزهراني 1267
قبل 6 شهر و 2 أسبوع



تصحيح عمي وليس عمري غلطت


up 1 down 0
مهراس الزهراني 1267
قبل 6 شهر و 2 أسبوع



وانا اخوك خابر انها تتغير لو حك بصيط بس انا اقصد القطع الي بيركبونها مثل الصدام يجي مرشوش ولا يرشونها هم


up 1 down 0
meshal 2200 17
قبل 6 شهر و 2 أسبوع



واذا يرشونها ، هل بعدين اذا جيت ابيع الموتر يبين انه مرشوشش


up 0 down 0
meshal 2200 17
قبل 6 شهر و 2 أسبوع



خذ فلوسك من التامين و سويها برا اذا تقدر


up 0 down 1
fowad 120
قبل 6 شهر و 2 أسبوع



قد صارت مع واحد من الشباب وغيروا قطع كثير ما تضررت بالحادث

بس عرف يتصرف معهم واخذ القطع القديمه معه عشان ما يستفيدون منها 


up 0 down 1
abomesal 1020
قبل 6 شهر و 2 أسبوع



نصيحة صلح برى. قل للتامين بصلح برى. ويعطونك شيك بالمبلغ. او يحتول على حسابك. الوكالة شغلهم نصب



up 1 down 0
ابومزعل 338
قبل 6 شهر و 2 أسبوع



فيه واحد كتب تجربته بهالخصوص، يقول رحت بنفسي وشفت وش الي تحتاجه السيارة وقلت لهم لا تغيرون إلا الشي الفلاني والشي الفلاني، واتفق مع شركة التأمين على هالشي.


up 0 down 0
محمد الفاتح الثاني 151
قبل 6 شهر و 2 أسبوع



روح للتأمين وقولهم هالشي بيرشو أشياء ماجاها شي
نصيحتي لاتخليهم يلعبون بسيارتك فقط الي تحتاج تغيير ورش صلحها أفضل لك


up 1 down 0
صاحب الاوريون 2017 111
قبل 6 شهر و 2 أسبوع



أحد أسباب رفع شركات التأمين للأسعار هو وكالات السيارة بالأخير نحن الضحايا
نصيحة لاترضى بالظلم لغيرك بعدها يوصل الظلم لك انت

ثانياً مستحيل شغل الوكالة مثل المصنع 100%
وترى يختلف الشغل من يد إلى يد عامل ثاني

وانا شفت شغلهم بنفسي كمثال ورشة السمكرة والرش التابعة لمركز الصيانة فرع طريق الميناء يعبي البدي معجون
وفرع كيلو 10 يطلعها وردة

فإنت اشرط عليهم ، وترى بوية ولكر بدي الهوندا الموديلات الأخيرة خصوصاً من أجود المواد في السيارات اليابانية
مااتوقع المواد اللي راح يحطونها تكون بنفس جودة المواد الأصلية من المصنع

فحاول قدر المستطاع مايرشون جزء مايحتاج الرش
وجواباً على سؤالك ترى مافيه قطعة في البدي تجي جاهزة مرشوشة من المصنع عدا الجناح الخلفي والسمكة فقط

ومهما كان شغلهم نظيف راح يبان البدي انه مرشوش إن ماكان بالعين المجردة فبجهاز كشف رش
راح يكشف سماكة بوية البدي المرشوش والسليم لأنه راح تختلف السماكة




up 2 down 0
nader2002 1611
قبل 6 شهر و 2 أسبوع



حاول تاخذ فاتورة بقيمة الاصلاح وارجع للتامين قولهم ذي فاتورة بقيمة الاضرار وهم يحاسبوك وانت صلح برا مابتكلفك ٣ الاف كحد اقصى


up 1 down 0
saleh.as 35
قبل 6 شهر و 2 أسبوع



اخوي nader2002 يعطيك العافيه وماقصرت
انا مودي موتري فرع هوندا الي ع طريق مكه جدة السريع كيف شغلهم ؟؟



up 1 down 0
meshal 2200 17
قبل 6 شهر و 2 أسبوع