أضف سؤال أو موضوع جديد          

اقتراحات لإدارة موقع حراج مع الشكر والتقدير

up 25 down 2
الاحترافي 1035
قبل 6 شهر و أسبوع



السلام عليكم ورحمة الله وبركاته
أخواني ,, أصبح موقع حراج ( مرتع ) لأصحاب المعارض الجشعين ولازم إدارة موقع حراج تضع شروط لهذه المعارض او حتى اللي يعلنون عن سيارات جديدة

يعني تبي تدخل تشوف سعر السيارة يجي يحط لك صور وخمسين ألف رقم جوال وخمسين ألف حساب بنكي
وعجزان يحط سعر السيارة التقريبي.

يا أخي يا صاحب المعرض او المخول بكتابة الإعلان
عندك خاصة تعديل الإعلان او صيغة الإعلان
إذا تغير السعر عليك او عمك قال لك ارفعوا سعر السيارة الفلانية تقدر تعدل الإعلان وتغير السعر
انا ماني ملزوم أدق على خمسين مصري او يمني عشان يرد علي ويقعد ربع ساعه يلطعني بالجوال عشان يشوف وش سعر السيارة

كمان ماهو منطق , حتى المواصفات ما يكتبونها كاملة , برررررضو تضطر تكلم الشخص هذا عشان يتحفك بالمواصفات الكاملة
-------------------

اقتراحي لموقع إدارة حراج ويا ليت يا ليت تشوفون لنا حل سواء مع أصحاب المعارض او اللي يعرضون مواترهم

1 - إلزام من يضع الإعلان بكتابة ممشى السيارة ,, الموضوع سهل يا جماعة الخير
حط خيارات إلزامية عليها علامة ( * ) بحيث غصب عن المعلن يحط فيها الممشى والمشاكل والموديل و و و و و الــخ
ما أقعد اطارده عشان ممشى وادق على جواله ما يرد وحتى بالاعلان ما يرد , يعني ما يصير

2 - وضع مراقبين على موقع حراج .. والله تشوف ردود فيها سب وقذف وشتم تشمئز منها , أمس واحد يرد على صاحب إعلان محترم جدا يقوله على كم السوم يا زبالة ؟؟؟؟؟
يعني وصلنا لهذا الأمر!! لازم فيه مراقبين .

3 - الرجاء التأكد من موضوع البحث في خانة البحث عن الموديلات , بحيث لما تحط سيارة فلانية وتحط موديل 2010 ما يطلع لك أبدا ,, الا تضطر تختار 2019 وتختار 2010 فأرجوا منكم التأكد من موضوع البحث

4 - الإصدار الجديد من موقع حراج مع إحترامي لإدارة موقع حراج ( سيء ) ونضطر للإصدار القديم

5 - وضع اقتباسات في منتدى حراج , يعني مثله مثل الوتس أب أسوي رد لأحد الردود ويكون النقاش ممتع ونطلع بفايدة , لأن لاحظت بالردود إنك تكتب كلمة يجيك واحد مطفي نوره ويقوله ( تقصدني أنا ) وخذلك هوشة تقبس

6 - إيجاد حل بمشكلة رفع الصور بمنتدى حراج

7 - حذف الإعلانات المتكررة ,.. خاصة اللي يحط صورة سيارته ويقولك راجع إعلاني ,, تدخل على إسمه وانه حاط عشر اعلانات لسيارته ., كل ما تدخل وانه راجع اعلاني ,, ياخوي فاتح هدية عيد ميلاد انا ؟؟ كل ما افتح كرتون يطلع لي كرتون ثاني
اعلان واحد وفيه ميزة تحديث الإعلان وانتهى .. انا ماني فاضي لك اقعد الاحق اعلانك

والله فيه اشياء ببالي بس بنستفيد من الأعضاء اللي بيردون ان شاء الله

وكل واحد يدلي بدلوه .. خلونا نفضفض لإدارة حراج

كل الشكر والتقدير للجميع
اخوكم
ابو سلطان







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اقتراحات جميله وسبقك الكثير فيها.. لكن لا حياة لمن تنادي

ادارة الموقع نايمه في العسل !!

نتمنى جميعاً التطوير.. مالنا غير الانتظار


up 5 down 2
abo9aly7 418
قبل 6 شهر و أسبوع



و عليكم السلام ورحمة الله وبركاته

تطوير المنتدى أتوقع مافي لأن توجه الإدارة غير هذا إذا ما حذفوه مره وحده


up 1 down 1
الفارس المميز 2617
قبل 6 شهر و أسبوع



فعلا بعض المعارض مايحطون السعر
والمضحك يكتب السعر غير شامل الضريبه
طيب وين السعر اساسا ياابو ضريبه

والي يقهر اكثر بعض المعارض يعرض سياره قير ومكينه
مافيها مواصفات
يجيك ويكتب
المواصفات 5 احزمة امان
دركسون كهرباء!! ههههههه

يعني في سياره تدخل السعوديه بدون حزام لااخنقك فيه
والدركسون العادي انقطع من عام الفيل وصار يجي هواء


up 2 down 2
d7ooom777 461
قبل 6 شهر و أسبوع



يعطيك العافية اقتراحات جميلة واتمنى ان تطبق
واضف عليها ربط العضويات بأرقام الهوية والاسم
لان ملاحظ فيه مواضيع او ردود بالموقع
لاتليق ولا لها علاقه بالبيع والشراء
وماخذين راحتهم كل ماتقفل حساب فتح حساب جديد


up 1 down 0
abdullah1976 -1
قبل 6 شهر و أسبوع



المعارض اللي متابعها انا كلهم يحطون الاسعار .. وبالنسبة للمواصفات تلاقي بعضهم تخفى عليه اغلبها
فيحط لك البديهيات وشوي من المزايا اذا تذكرها ، لان العميل اللي منشّن على سيارة معينة اكيد ماراح
يدخل الا مستفسر عنها وعارف مواصفاتها واقيامها ف السوق وهكذا ف صاحب المعرض مريح راسه
من هالنقطة .. اما بالنسبة للتطوير والتحسين ما حولك احد ؛ الاعضاء هنا هرموا وهم يطالبون بالتجديد
والتحديث .. اما الموقع نفسه انا مثلك ما استخدم الا الاصدار القديم ، احسه اسهل واوضح .


up 0 down 0
alsamer3600 204
قبل 6 شهر و أسبوع



ضيفوا حاجة جديدة

يجيك واحد يعرض سيارة وحالته حاله وبالاخير يقولك 
(( هوندا اكورد فل كامل )) تم البيع

طيب ماهي من شروط الموقع هو عند بيع السيارة يتم حذف الاعلان ؟؟




up 0 down 1
الاحترافي 1035
قبل 6 شهر و أسبوع



مايقهرك الا راجع اعلاني السابق وتدخل 
صفحته كلها اعلانات توكل انت واعلانك 
عاجز لايسوي تحديث كل ٣ ايام وخلاص 


up 0 down 1
w.asa 2048
قبل 6 شهر و أسبوع



ما يعجبي في الاعلانات غير معرض عماد الدين يحط السعر واضح وجميع المواصفات ، وما شاء الله أسعار منافسة بدون طمع
الله يبارك لهم .


up 2 down 2
النهراني 267
قبل 6 شهر و أسبوع



موضوع جميل من شخص جميل

هذي المواضيع اللي ما تمل تقرأها
سلمت يداك يا كاتب الموضوع

وبكل امانه نحتاج الى التطوير والتغيير في هذا الصرح الشامخ لأننا ملينا من الحركات اللي تحصل
من بعض الأعضاء هداهم الله

وأتمنى من الاداره المنوطه بالاشخاص الثقات ان شاء الله ان يضعوا الموضوع بعين الاعتبار


تحياتي لهكذا مواضيع ولمن كتبه




up 1 down 0
حكيم المعاني 10338
قبل 6 شهر و أسبوع



سلمت يا حكيم المعاني
والله هي فضفضة وتنفيس اكثر من هو موضوع
لان الوضع زاد عن حده


up 0 down 0
الاحترافي 1035
قبل 6 شهر و أسبوع



بالعكس ياليت كل اللي يفضفضون زيك

انا عضويتي قديمه ولي أصدقاء من العضويات القديمه قد غادروا والسبب هو بعض التصرفات الهوجاء من بعض العضويات الغريب تصرفها
هدانا الله وأياهم
الاداره لعلها مشغوله عن المنتدى بشي اخر ولكن لا يمنع طرح اكثر من موضوع بها الشأن

لكي يتسنى للاداره معرفه ان الكلب من الجميع وليس شخصي

بارك الله فيك اخي الاحترافي انت اصبت الحقيقه كتبها الله في ميزان حسناتك
وانا مؤيد جدا لموضوعك واطالب الاداره رجاءا باخذ موضوعك بعير الاعتبار حتى وان احتاج منهم التف


up 0 down 0
حكيم المعاني 10338
قبل 6 شهر و أسبوع



تكمله ***

حتى وان احتاج منهم التفكير ودراسه جوانب الموضوع لا يمنع ولكن نتمنى تطبيقه عاجلا او اجلا


up 0 down 0
حكيم المعاني 10338
قبل 6 شهر و أسبوع




(((لكي يتسنى للاداره معرفه ان الكلب من الجميع وليس شخصي))))))

عفوا المشطله بالكيبورد


** التعديل

لكي يتسنى للاداره معرفه انه الطلب من الجميع وليس شخصي



up 1 down 1
حكيم المعاني 10338
قبل 6 شهر و أسبوع



ههههههههه ذبحني هالكيبورد

المشطله __ المشكله


up 1 down 1
حكيم المعاني 10338
قبل 6 شهر و أسبوع