ايهم افضل الاوبتما او المازدا6 ..

ماجربت ولا وحده منهم
لكن اذا تبي من ناحية الامان من بعد الله اكيد المازدا ايرباقات اماميه وجانبيه
اما الاوبتيما ايرباقين فقط
لكن الاوبتيما الزين فيها مهما خربت عليك تحصل تركب عليها قطع السوناتا ومتوفره بكل مكان قطع السوناتا
اما المازدا اذا خربت عليك ماتحصل قطع الا بالمدن الكبيره مثل الرياض
يعني اذا وقفت عليك بخط انسى تصلحها باقرب محافظه ولا قريه

المازدا صرفيه افضل بشوي ومكينة اقوى
ولكن غير مريحه نهائيا مقاعدها صغيره وقاسيه شوي عكس الاوبتيما والسوناتا مريحه جدا في الخطوط

+
قطع غيار الاوبتيما ارخص من المازدا

المازدا 6 وسائل السلامة فيها أعلى + صرفيتها أفضل

القساوة بسبب أن المازدا 6 نظام تعليقها فيه لمسة رياضية يعني ثبات ورساوة أعلى لكن راحة أقل

^^^^ اتفق مع الجميع 
شوف كل سيارة لها مميزات وعيوب، المهم انت تعرف النقاط المهمة لك
الاوبتما: صيانة+ قطع+ بيع+ مكينة معروفة+ وسع داخلي+ مساحة شنطة. 
المازدا: ثبات أقوى+ مكيف أفضل نوعا ما+ امان افضل من اقل فئة+ تشغيل بدون مفتاح+ جنوط. لكن الخزان اصغر، مساحة اصغر، واهم شئ إسأل عن نوع البنزين في الوكالة، وشوف الكاتلوج، او ارسل ايميل للمصنع، لأنه ٩٥ رغم اعتراض البعض، يعني اول لما كان ب ٥٥. وقتها تعتبر موفرة لكن الان!!! 

بس انبه ان التانكي واحد بالفئة هذي لأي سيارة
٧٠ لتر لكن بعضها مثل تويوتا تشتغل اللمبة و اذا عبيت
يطلع لك الفل ٥٠ او ٥٥ لتر يعطي تنبيه و عدد كيلوات
و هي باقي بالتانكي ١٥ لتر او اكثر

كل سيارة لها كتلوج يذكر كم سعة خزان الوقود وكل سيارة لها تصميم مختلف وسعة مختلفة

مازدا 6 وارفع
يدك
واستمتع ...
سياره اثبتت وجودها بكل اقتدار

وان بغيت تعرف اكثر
تعال خاص اعطيك رقمي
معي 2016
الان على وشك اقفل 200 ألف كم

المازدا تتفوق في المحرك و القير و المكيف و الثبات
وانظمة الامان و صرفية الوقود
العيب في المازدا6 الفحمات تستهلك بسرعة
و الحل تركيب فحمات سيراميك
الاوبتيما اوسع و قطع ارخص
الكوري بصفة عامة مشكلته المكيف

الخيار الثالث الكامري الجديده راح تنزل في الاسواق خلال
20 يوم

ولكن كا رأي شخصي افضل المازدا6 وخاصة النص فل
سعرها شامل الضريبة و التامين حدود 71 الف لان المازدا
تحسنت و بشكل كبير
وقبل كل شئ سعر قطع الغيار للسيارتين
و استأجرها

خذ لفه عالالتيما تشغيل عن بعد ومثبت وبصمه وجنوط ومريحه ومصروف بنزينها ممتاز جدا وعزلها رائع تحصلها ببحر الستينات .. عالعموم لو محتار بين اللي فوق ارشح الاوبتيما من كل النواحي .

المازدا أفضل من ناحية .. الرساوة العزل الأمان الصرفية
التانكي 62 لتر .. بالكاتلوج مكتوب تعبي 90 وفوق
عموماً فيها عيب واحد فقط المقاعد قاسية ومب مريحة كإستخدام سفر
إذا ماعندك مشكلة توكل على الله
وممكن تنتظر نزول كامري 2018
وتشوف الاسعار وممكن تناسبك .. اللتر يمشيك بالكامري الجديدة 18 كيلو

الله يعطيكم العافيه جميعاً 
تم اتخاذ القرار وان شاء الله الموضوع يفيدني ويفيد الجميع