عندي 80 الف ريال

خلي فلوسك بمخباك واصبر كم شهر لين تتوضح الامور اكيد تعبت لين جمعتهم

لا انصحك باي مشروع حاليا 

ممكن مطعم برجر مشوي او مغسلة ملابس
الناس تاكل و تغسل برا علطول
بس الموقع المناسب و العمالة اهم حاجتين
و العمالة غثى الحين عليهم ضرايب و رسوم شي مبالغ فيه

احفظ فلوسك فالوقت الحالي الاوضاع مب مثل قبل ضرايب ورسوم العمال والخ كل شيء تغير لحد مانركد ونعرف وش الاوضاع بتكون والله يسهل امرك

انتبه !!!!
على على وشك الاقدام على خطوة خاطئة جدا جدا
وخطيرة جدا على مبلغك اللي أكيد ماجمعته الا بشقى وتعب
التجارة يا إستاذي ماتجي على سبيل التجربة

اذا عزمت على التجارة لازم تعطيها كل وقتك وجهدك لكن اذا تبي تجرب هي تنجح معاك او لا غالبا راح تفشل وتخسر راس مالك والعلم عند الله

لكن طالما أنك مجمع مبلغ كويس فيه خيارات جيدة غير التجارة

ممكن تشتري فيها سيارة وتسجل بكريم واوبر وتترزق الله وتركب سيارة جديدة بنفس الوقت وتغنيك عن شراء سيارة بعد الوظيفة

وحط في بالك موعد قيادة المرأة لان النساء هم اكثر زبائن كريم واوبر

وممكن تحتفظ برأس مالك وتشتغل تجارة حرة بدون رأس مال مثل  بسطة شاي او خضار او ماشابه

وترى شاي الجمر اللي بعض الناس يعتبره عيب فيه فلوووس ماهي قليلة واللي بمكان مزدحم وسوقه ماشي تتراوح مبيعاته مابين ٤٠٠ الى ١٠٠٠ ريال يوميا

وكلمة مبيعات يعني داخل فيها كل شي مصاريف وارباح لكن اذا قلنا مبيعاته كمتوسط ٣٠٠ ريال رأس ماله ماراح يزيد عن ٧٠ ريال حسب توقعي

واخيرا نصيحة محب لاتدخل بمشروع بحاجة عمالة واجار  وتراخيص ومصاريف ثابتة طالما أن هدفك مؤقت

اتمنى لك التوفيق

من رأيي دور وظيفه واترك المشاريع بعدين
اذا ضمنت الوظيفه تقدر تضمن المشروع من خلال اكسابك للخبره بوظيفتك
بس عندي سؤال والمعذره على التدخل
وش تخصصك بالتعليم وكم لك عاطل
لاني اسمع التعليم مافي وظايف والجامعات تقبل بالتخصصات الي فيها اكتفاء!!

ابدأ ب10 الاف او 5 الاف انتبه لا تخاطر بمبلغ كبير

افضل تفتح لك محل اتصالات 10 الاف تعبي لك المحل

ما انصحك ابد بأي مشروع ابد الأوضاع حاليا غير واضحه اصبر وترقب الوضع وفكر ف المشروع المستقبلي 

روح الصين واشتر بظاعة الي تمشي في الموسم مثل الحين الشتاء  جاكيتات وملابس البرد والكشتات وبين فتزة وفترة ترجع وتشوف ايش الي يحتاحها السوق

.



انت داخل تجربة تجارية
ادخلها بمبلغ بسيط ..
اذا خسرت ؛ 
- راح تكسب خبرة وتعلم من فشلك
- لن تخاف لان المبلغ بسيط 

ماعندي علم عن التجارة لكن بنصحك انتبه تحط فلوسك في سياره وتقول بتشتغل في كريم البنزين الحين غالى مايستاهل تكرف عشانها

شوف انت ايش تحب تشتغل و ابداء كل شي فيه فلوس الحمدلله  اهم شي لا يحطموك الناس و يثبطوك  بس تحتاج شخص عنده خبره تاخذ بنصيحته  و قدامك شوف كل شي شغال لو ما فيه مكسب مشتغلو 

و اذا كان تحتاج نصايح اكثر ارسلي خاص و ابشر بسعدك 

نصيحة لا تبدأ مشروعك الآن .
لكن حط في بالك 3 مشاريع من اللي تميل لها وتحبها وإبدأ بالدراسة حولها ، من خلال النت وزيارة المشاريع المماثلة وسؤال العمال عن كل تفاصيل المشروع .
حتى لو دفعت لبعض العاملين مبلغ بسيط من اجل ان يعطيك كامل التفاصيل فلا مانع .

المهم لاتبدأ الا وأنت لديك إلمام كامل بكل مايتعلق بالمشروع من الألف الى الياء ، وهذا شبيه بدراسة الجدوى للمشاريع .

وفقك الله .

حياك
سالت تاجر عن الوضع اللي صاير
قالي راح يبقون التجار الكبار ع وضعهم لنهم مسجلين بكل شي 
يخص الحكومه وامورهم باالسليم
والثاني التاجر المبتدي اللي بيشتغل بنفسه 
مثال سوبر ماركت تجلس فيها ليل نهار وانت بنفسك
تجيب البضاعة وتجيب عامل باالراتب يودي طلبات يرتب 
المهم اي مشروع صغير لزم انت بنفسك تاقف عليه
وناجح ان شاالله 
وباالتوفيق

من تجربة في الاستيراد وفتح المحلات
كلامي عن الاسباب ولاكن اولا واخيرا الرزق بيد الله
المحل اذا فقط بتفتح محل على شارع وتنتظر الزباين محد جايك
1لازم تقدم شي يبغاه المستهلك وتقدمه في موقع يتواجد فيه المستهلك المستهدف
2 لازم اللي تقدمه تكون عارف عنه من تكاليف وجوده وموردين الخ مو تخلي كل من هب ودب ينزل عندك بضاعه وتجرب
3 اخلاق العمال اهم شي والا الزبون ماراح يرجع
4 اللوحه خلها واضحه
الصعوبات والمشاكل كثير لاكن الله ييسر الامور

شف اخوي نصيحة لوجه الله اصبرثم اصبر ثم اصبر على الاقل 6 شهور الاوضاع ذحين غير
حتى المطاعم لمن ادخل اسألهم كيف الشغل يقولون مهو مثل اول و80 الف ذحين معد تسوى شيء مع ان الواحد
يتعب على بال مايجمعها اذا كنت ناوي على مشروع ادخل بنصف المبلغ والنصف الثاني احتفظ فيه واهم شيء الزكاة
اهم قاعدة اذا عملت مشروع لازم تشرف عليه بنفسك يعني لو جبت عامل لازم تقعد جنبه وتحسب كم يدخل باليوم وكم يستهلك كيس دقيق وهكذا
ولا انسى تنجح ولاتغامر بكامل المبلغ

اذا فلوسك جاهزه لا تنتظر و خلك من دراسة المشروع في النت اذا بتدرس الموضوع ما في زي ارض الواقع   انا اعتبر دراسة المشروع في النت خيااااااال  توكل على الله و ابداء الارزاق بيد الله 

احفظ فلوسك لين توصل 120 الف وبعدين سو اللي تبي طال عمرك