أضف سؤال أو موضوع جديد          

اسفسار بشان شحنه

up 2 down 1
هل تعلم 199
قبل 3 سنه و 10 شهر



السلام عليكم ياشباب انا بطلب شحنه من موقع علي اكسبيرس انوار لد واكسسوارات والخ المهم لازم افتح صندوق بريد في البريد السعودي او سمسا او ارامكس ولا هم يحطونها باي شركه واجي استلمها برقم شحنه ولا كيف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كم مره اطلب من هذا الموقع ابختصرها لك
انا عندي صندوق كل سنه اجدده100ريال
اذا طلبت من الموقع
على حسب البائع اذا حطها مع رقم تتبع بدايته حرفين هذي تجي عند الموظف
ماتجي بصندوقك وتجيك رساله من الفرع ان عندك شحنه ويمديك تتابعها
بالموقع حق البريد (تقفي الاثر) تحط رقم الشحنه وتشوف وين راحت
بهذي الحاله ماتحتاج الصندوق

المصيبه اذا حط رقم التتبع ارقام فقط بدون حروف
هنا اعرف انك ماراح تعرف وين راحت الشحنه الا عن طريق
المواقع الصينيه حقت التتبع
والشحنه راح تجي بصندوقك ماله شغل الموظف
لكن ماراح تعرف انها جت ولا شيء يبيلك كل فتره تشيك وتفتح الصندوق

بالنسبه للوقت تاخذ شهرين عشان توصل الى بريدك بالرياض اذا بجده
اقل من الرياض بخمس ايام لانها تجي عن طريق البحر الاحمر
هذا اذا انت حاط الشحن السنغافوري او الصيني المجاني
لكن قد ماتقدر حاول انك تحط السنغافوري اضمن من الصيني

وقد ضاعت شحنتين او ثلاث كنت طالبهم 2شاحن
يمكن بسبب انه صيني مادخلوه الجمارك او من البائع نفسه
وقطعه الي تشفط الصدمات
ومع ذلك دائما اطلب منه
لكن يبيلك طولت باااااااااااااااااال لاتستعجل وكل شوي تفكر بشحنتك
اطلبها وانساها لانها ماتجيك على طول

اذا بتطلب جمله وسعر غالي ماااااااانصحك تجازف
لانها تعتبر مخاطره
في عندك شركات شحن داخل الموقع
ارمكس والدي اج ال وغيرهم ماجربتهم
لكن اذا بتجربهم كل البائع يرخصلك قيمة الشحن
لانها مبالغ فيها اغلبها من200وفوق اذا كلمته يرخصلك تقريبا نص قيمة الشحن



up 4 down 1
d7ooom777 391
قبل 3 سنه و 10 شهر



لاني طالب قطع ب200 ريال ونصها يقولي الشحن مجاني عن طريق علي اكسبيرس يعني بنتظر شهرين لين توصل


up 0 down 1
هل تعلم 199
قبل 3 سنه و 10 شهر



انا طلبت جلست 20 يوم وجات عالبريد السعودي مدينة جدة


up 2 down 0
kemo0220 43
قبل 3 سنه و 10 شهر



وعليكم السلام ورحمة الله 

يرسلونها على البريد السعودي وتاخذ من اسبوعين الى ثلاثة حتى توصل


up 1 down 0
ابو حسين.......... 1024
قبل 3 سنه و 10 شهر



^
حظك حلو مره وحده صارت لي وجت اقل من شهر اما الباقي شهر ونص الى شهرين
هل تعلم نعم تنتظر شهرين بالكثير
بعدها تقدم اعتراض بالموقع انها ماجتك
بس ملاحظ بعض البياعين اذا باقي كم يوم على مايمر شهر60يوم يقوم يرفع الرقم اكثر عشان ماتعترض
لان في ساعه تحسب عند كل شحنه لمدة60يوم (شهرين) اذا انتهت ومتجاك شيء ترسل اعتراض
ماعرف تفاصيلها لاني ماعمري كلمتهم و200ريال مبلغ حلو وبسيط توقعتك بتطلب من700ريال وفوق لانها مخاطره


up 1 down 0
d7ooom777 391
قبل 3 سنه و 10 شهر



قبل ماتشتري السلعه تقدر تشوف بيانات الشحن
بعض البائعين يشحنو علي اكثر من شركة مثل dhl وارامكس وفيديكس
وبعضهم يشحن فقط علي البريد



up 1 down 0
bmw z4 1500
قبل 3 سنه و 10 شهر



توني دخلت على الموقع اشوف طلباتي طلع كفر جوالي طالبه من زمان والى الان ماجاء توني اتذكره
هذا رقم الشحنه
RB309954189SG

حطه بالرابط تحت حق البريد السعودي

https://sp.com.sa/ar/Electronic/Pages/TrackShipment.aspx


up 0 down 0
d7ooom777 391
قبل 3 سنه و 10 شهر



شف تاريخ اليوم وشف متى طالبها
عشان كذا ادخل ذا الموقع ولا تشتري اكثر من400ريال
انت شاري200ريال مبلغ طيب والمخاطره بسيطه اكثر من كذا مخاطره
المهم شف التاريخ حق شحنتي


up 0 down 0
d7ooom777 391
قبل 3 سنه و 10 شهر



توني شيكت على جميع طلباتي القديمه وتواريخها
الاكثريه تاخذ شهر او شهر واسبوع
وقليل الي جت بعد شهر واسبوع
وطلبيه وحده 13يوم وجت
واذا انت يجده اخصم من الايام الي ذكرتها 5 الى7ايام


up 0 down 0
d7ooom777 391
قبل 3 سنه و 10 شهر



على حسب مقاضيك اذا كل سلعة من بايع مختلف راح تجيك ارقام شحنات مختلفة من كل بايع

بالنسبة للتتبع تقدر تشيك من نفس موقع علي اكسبرس فيه خانة لتعقب جميع شحناتك وتعرف متى توصل

من ناحية الصناديق ماتحتاج تفتح ولا اي عنوان لأن البائع غالبا يشحن مباشرة عن طريق البريد الصيني الحكومي والمستقبل عندنا البريد السعودي الحكومي


up 1 down 0
عربة للسيارات 1665
قبل 3 سنه و 10 شهر



ما اقدر افيدك بخصوص الشحن عبر علي اكسبرس لان كل بائع له وسيلة شحن

فرضا لو اخترت سمسا او DHL ما يحتاج بريد في البريد السعودي

اذا تبي بريد مجاني في البريد السعودي

سجل في العنوان الوطني واهم شيء الليت يكون عليه 4 ارقام

اذا موجوده الارقام تقدر تسجل ويعطيك بعدها بيانات عنوانك بالتفصيل ومجانا واي طلب تطلبه وتحط العنوان ذا البريد السعودي يوصل لك مجانا


up 2 down 0
asalami 2180
قبل 3 سنه و 10 شهر



الليت = البيت


up 0 down 0
asalami 2180
قبل 3 سنه و 10 شهر



افتح في واصل مجاني 
وادخل البيانات بالموقع 
اغلب الشحن مجاني وبعضها تدفع دولار او اثنين 
اخر الدفع عشان رقم التتبع ما تضيع عليك الشحنه 
وفيه شحن على ارامبكس وسمسا بس غالي 
لازم تحولها لمكتب بالصين وبعدها المكتب يرسلها لك السعوديهاسعارهم ارخص من الموقع 
والله يوفقك 

احيانا ممكن تحصل الغرض في حراج بنفس سعر علي اكسبرس

والله يوفقك 
لا تثق بالصيني ابدا 


up 2 down 0
ابو فرح مازدا 538
قبل 3 سنه و 10 شهر



والدفع 
احرص يكون عن طريق الموقع عشان ما يسحب عليك الصيني 


up 1 down 0
ابو فرح مازدا 538
قبل 3 سنه و 10 شهر



انا شريت من جولي شيك بدون فتح بريد ولا غيره اول شحنه جات على شركة ناقل واتصل علي وتقابلنا واخذتها منه الثانية على ارامكس وايضا اتصلوا علي وقابلته برا قريب من بيتي والشحنه الثالثة على ارامكس ولسا بجده ما وصلت لموقعي بأبها ما ادري نفس نظام علي اكسبرس او لا


up 2 down 1
ابوخلوودي1 5070
قبل 3 سنه و 10 شهر



الان عندهم اجازة تقريبا شهر انتبه

وتاكد زين


up 1 down 0
coco13 893
قبل 3 سنه و 10 شهر



تقدر تشتري بدون صندوق اذا كان الشحن عن طريق البريد الصيني الجوي المسجل
حاول ما تشتري إلا من إعلان عليه ردود وتقييم عشان تتأكد من جدية البائع وايضا تتعرف على جودة المنتج من صور المشترين
حاول ماتشحن عن طريق ارامكس وفيديكس وdhl والشركات المعروفة لأنهم الآن أصبحوا ياخذون ضريبة ورسوم تخليص جمركي تدفعها لما تروح تستلم طلبك (فوضى)
أفضل طريقة للشحن هي عن طريق ems أو البريد الممتاز أسبوع بالكثير وهو عندك لكن غالي جدا وبعض البائعين يوفره مجاني اذا كان سعر المنتج عالي مثل شاشات السيارات

انا عضو الماسي في الموقع ونقاطي اكثر من 5000 اذا حبيت تسأل أو تستفسر أو صعب عليك شي راسلني على الخاص بحراج وابشر بسعدك بأي وقت
انت أو اي احد من الاخوان الكرام


up 1 down 0
فورد530 1323
قبل 3 سنه و 10 شهر