اسفسار بشان شحنه

كم مره اطلب من هذا الموقع ابختصرها لك
انا عندي صندوق كل سنه اجدده100ريال
اذا طلبت من الموقع
على حسب البائع اذا حطها مع رقم تتبع بدايته حرفين هذي تجي عند الموظف
ماتجي بصندوقك وتجيك رساله من الفرع ان عندك شحنه ويمديك تتابعها
بالموقع حق البريد (تقفي الاثر) تحط رقم الشحنه وتشوف وين راحت
بهذي الحاله ماتحتاج الصندوق

المصيبه اذا حط رقم التتبع ارقام فقط بدون حروف
هنا اعرف انك ماراح تعرف وين راحت الشحنه الا عن طريق
المواقع الصينيه حقت التتبع
والشحنه راح تجي بصندوقك ماله شغل الموظف
لكن ماراح تعرف انها جت ولا شيء يبيلك كل فتره تشيك وتفتح الصندوق

بالنسبه للوقت تاخذ شهرين عشان توصل الى بريدك بالرياض اذا بجده
اقل من الرياض بخمس ايام لانها تجي عن طريق البحر الاحمر
هذا اذا انت حاط الشحن السنغافوري او الصيني المجاني
لكن قد ماتقدر حاول انك تحط السنغافوري اضمن من الصيني

وقد ضاعت شحنتين او ثلاث كنت طالبهم 2شاحن
يمكن بسبب انه صيني مادخلوه الجمارك او من البائع نفسه
وقطعه الي تشفط الصدمات
ومع ذلك دائما اطلب منه
لكن يبيلك طولت باااااااااااااااااال لاتستعجل وكل شوي تفكر بشحنتك
اطلبها وانساها لانها ماتجيك على طول

اذا بتطلب جمله وسعر غالي ماااااااانصحك تجازف
لانها تعتبر مخاطره
في عندك شركات شحن داخل الموقع
ارمكس والدي اج ال وغيرهم ماجربتهم
لكن اذا بتجربهم كل البائع يرخصلك قيمة الشحن
لانها مبالغ فيها اغلبها من200وفوق اذا كلمته يرخصلك تقريبا نص قيمة الشحن

لاني طالب قطع ب200 ريال ونصها يقولي الشحن مجاني عن طريق علي اكسبيرس يعني بنتظر شهرين لين توصل

انا طلبت جلست 20 يوم وجات عالبريد السعودي مدينة جدة

وعليكم السلام ورحمة الله 

يرسلونها على البريد السعودي وتاخذ من اسبوعين الى ثلاثة حتى توصل

^
حظك حلو مره وحده صارت لي وجت اقل من شهر اما الباقي شهر ونص الى شهرين
هل تعلم نعم تنتظر شهرين بالكثير
بعدها تقدم اعتراض بالموقع انها ماجتك
بس ملاحظ بعض البياعين اذا باقي كم يوم على مايمر شهر60يوم يقوم يرفع الرقم اكثر عشان ماتعترض
لان في ساعه تحسب عند كل شحنه لمدة60يوم (شهرين) اذا انتهت ومتجاك شيء ترسل اعتراض
ماعرف تفاصيلها لاني ماعمري كلمتهم و200ريال مبلغ حلو وبسيط توقعتك بتطلب من700ريال وفوق لانها مخاطره

قبل ماتشتري السلعه تقدر تشوف بيانات الشحن
بعض البائعين يشحنو علي اكثر من شركة مثل dhl وارامكس وفيديكس
وبعضهم يشحن فقط علي البريد

توني دخلت على الموقع اشوف طلباتي طلع كفر جوالي طالبه من زمان والى الان ماجاء توني اتذكره
هذا رقم الشحنه
RB309954189SG

حطه بالرابط تحت حق البريد السعودي

https://sp.com.sa/ar/Electronic/Pages/TrackShipment.aspx

شف تاريخ اليوم وشف متى طالبها
عشان كذا ادخل ذا الموقع ولا تشتري اكثر من400ريال
انت شاري200ريال مبلغ طيب والمخاطره بسيطه اكثر من كذا مخاطره
المهم شف التاريخ حق شحنتي

توني شيكت على جميع طلباتي القديمه وتواريخها
الاكثريه تاخذ شهر او شهر واسبوع
وقليل الي جت بعد شهر واسبوع
وطلبيه وحده 13يوم وجت
واذا انت يجده اخصم من الايام الي ذكرتها 5 الى7ايام

على حسب مقاضيك اذا كل سلعة من بايع مختلف راح تجيك ارقام شحنات مختلفة من كل بايع

بالنسبة للتتبع تقدر تشيك من نفس موقع علي اكسبرس فيه خانة لتعقب جميع شحناتك وتعرف متى توصل

من ناحية الصناديق ماتحتاج تفتح ولا اي عنوان لأن البائع غالبا يشحن مباشرة عن طريق البريد الصيني الحكومي والمستقبل عندنا البريد السعودي الحكومي

ما اقدر افيدك بخصوص الشحن عبر علي اكسبرس لان كل بائع له وسيلة شحن

فرضا لو اخترت سمسا او DHL ما يحتاج بريد في البريد السعودي

اذا تبي بريد مجاني في البريد السعودي

سجل في العنوان الوطني واهم شيء الليت يكون عليه 4 ارقام

اذا موجوده الارقام تقدر تسجل ويعطيك بعدها بيانات عنوانك بالتفصيل ومجانا واي طلب تطلبه وتحط العنوان ذا البريد السعودي يوصل لك مجانا

الليت = البيت

افتح في واصل مجاني 
وادخل البيانات بالموقع 
اغلب الشحن مجاني وبعضها تدفع دولار او اثنين 
اخر الدفع عشان رقم التتبع ما تضيع عليك الشحنه 
وفيه شحن على ارامبكس وسمسا بس غالي 
لازم تحولها لمكتب بالصين وبعدها المكتب يرسلها لك السعوديهاسعارهم ارخص من الموقع 
والله يوفقك 

احيانا ممكن تحصل الغرض في حراج بنفس سعر علي اكسبرس

والله يوفقك 
لا تثق بالصيني ابدا 

والدفع 
احرص يكون عن طريق الموقع عشان ما يسحب عليك الصيني 

انا شريت من جولي شيك بدون فتح بريد ولا غيره اول شحنه جات على شركة ناقل واتصل علي وتقابلنا واخذتها منه الثانية على ارامكس وايضا اتصلوا علي وقابلته برا قريب من بيتي والشحنه الثالثة على ارامكس ولسا بجده ما وصلت لموقعي بأبها ما ادري نفس نظام علي اكسبرس او لا

الان عندهم اجازة تقريبا شهر انتبه

وتاكد زين

تقدر تشتري بدون صندوق اذا كان الشحن عن طريق البريد الصيني الجوي المسجل
حاول ما تشتري إلا من إعلان عليه ردود وتقييم عشان تتأكد من جدية البائع وايضا تتعرف على جودة المنتج من صور المشترين
حاول ماتشحن عن طريق ارامكس وفيديكس وdhl والشركات المعروفة لأنهم الآن أصبحوا ياخذون ضريبة ورسوم تخليص جمركي تدفعها لما تروح تستلم طلبك (فوضى)
أفضل طريقة للشحن هي عن طريق ems أو البريد الممتاز أسبوع بالكثير وهو عندك لكن غالي جدا وبعض البائعين يوفره مجاني اذا كان سعر المنتج عالي مثل شاشات السيارات

انا عضو الماسي في الموقع ونقاطي اكثر من 5000 اذا حبيت تسأل أو تستفسر أو صعب عليك شي راسلني على الخاص بحراج وابشر بسعدك بأي وقت
انت أو اي احد من الاخوان الكرام