محتار ياجماعه الخير أيهم أفضل

الكيا قطعها نار
الا اكس بلور خراب قيرة واجد. وقبلك كنت باخذ واحد وكل ما لقيت واحد لازم القى قيرة موضب مافيهن واحد وكالة
الاكاديا ماعرف عنة شي

بيض الله وجهك يبو مزعل صحيح كثير حصلت إعلانات لسيارات اكسبلور أكثرها موضبه قيورها لكن الكيا صراحه ماعرفت ان قطعها غاليه الا منك الف شكر لك وبنتظار ردود باقي الأعضاء 

الاكاديا بعد مشاكل القير فيه ماتخلص 

والله لو يفيدونك الاخوان في خيارات غير هذي في حدود ميزانيتك يكون احسن لان الاكاديا مشاكله كثيره او الاكسبلولر مثل م قلت القير .. الكارنفال صبور وكويس لكن مدري عن القطع

للاسف اختياراتك لك عليها
حاول تتوسع اكثر بالاختيارات
اسأل عن الباثفندر
اسأل عن البليزر
كل ذول اتوقع افضل من اختياراتك
وسعرهم مثل الي ذكرتهم

مشكورين جمعيا صراحه انا مركز اكثر شي على الكرنفال لاني تهمني المساحه الداخليه اكثر وصراحه كنت حاس ان الكرنفال عملي وجيد وبخصوص دحوم مشكور لكن البليزر والباثفندر ضيق شوي 

شف يالغالي كل سيارة لها مميزات وعيوب ومثل ماذكر الاخوان عشان الخرابات هي تحصل بس في كذا سيارة يمكن بسبب سوء الاستعمال او عيب مصنعي ولكن مو معقولة في كل سيارة وربما عدم  الالتزام بالصيانة هو السبب  ،،،  استخر ربك ودور للنظيف وحافظ عليها وتدوم معك بإذن الله 

الكرنفال ممتاز للعائلة و اوسع و اريح من الانوفا
و بالصرفيه افضل من الاكسبلورر و الاكاديا و اللي مثلها

شف النظيف من الموديلات الحديثه من ٢٠٠٧او ٢٠٠٨ و فوق
و اسعاره مقبولة و قطع الداخلية نفس الهونداي
المكينة مكينة ازيرا 3500 او 3300

الاكاديا السيارة اللي لو بغيت تبيعها يحسسونك أن معك كرسيدا 79 ولو جيت تشتريها قارنوها باليوكن
من تجربه 5 سنوات تقريباً وما زالت معي ما صلحت خراب فيها بإستثناء البخاخات والقطع الإستهلاكيه مع العلم اني شاريها مستخدمه وارد امريكا 2011

السيارة عزم على تحمل على صرفية بنزين فوق الممتازه

والفحص أهم نقطة عند شراء سيارة مستخدمه

شف الله يسلمك قصة الخربات بالسيارات هذي تعتمد وبشكل كبير على سواقة صاحب السياره وصيانته لسيارته
اعطيك مثال اوقات تلاقي سيارات موديل 2005 مثلا ونظيفة ماشاء الله وكل شي فيها وكاله لان استخدام صاحبها رايق
واوقات تلاقي سيارات 2017 ما كمل ممشاها 50 الف وتلاقي القير موضب والمكينه رايحه تشليح
اما السيارات الي ذكرتها جارنا معه كرنفال خذها وكاله اتوقع موديلها 2009 ولليوم ماشيه معه زي الحلاوه
والكسلبور2010 اثنين اعرفهم معهم وماشاء الله عليهم راعين خطوط وسفريات ولا اشتكوا من شي ف الي ابي اوصله لك
دور على السياره الي تناسبك لكن احرص على النظيف

شف دورلك انوفا

شفلك موهافي من 2010 وطالع يكفي انها دفع خلفي صرفيته عاليه شوي اهم شيئ الفحص والممشى مايتعدا 100000 بي واجد واظن 30 الف بتلقى واحد نظيف وموديله فوق 12

غير صحيح ان الكيا قطعها نار
بغض النظر عن سعر شمعات الفل واصطبات الفل في بعض السيارات ( كادينزا - اوبتيما )
قطعها رخيصة ومتوفرة في كل محلات قطع هيونداي وكيا

نصيحة أبعد عن كل الخيارات اللي حطيبها
ودور على سيارة نفس الفيئة مثل سنتافي فورشنر
مقاربة للسعر

الانوفا عليها صبر ممتاز