أضف سؤال أو موضوع جديد          

استغرب تفكير البعض بشراء سيارة ثانيه عشان البنزين غالي

up 17 down 8
hmhs1987 185
قبل 4 سنه و 5 شهر



السلام عليكم
استغرب بصراحه تفكير البعض بفكرة شراء سيارة ثانيه صغيره عشان البنزين غالي !
طيب داريين انه غالي بس انت اللحين بتاخد سياةر ثانيه بمبلغ وقدره

او الطامه انه بياخدها اقساط قول 700 اقل شي وهو الفرق الي يمكن تحطه في سيارتك الحالية ادا مشيت عادي او كدا !

ليه تكلف على حالك اقساط والتزامات مالها داعي

والي يفقع الكبد اصحاب المعارض يروجون لهالفكرة والمشكة في مهبل مصدقينهم !







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صحيح لكن فيه بعض الناس عنده سيارة تشرب شرب مهوب صاحي ويتردد يوميا فماله الا يشتري سيارة صغيرة اوفر له لان البنزين بيرتفع اكثر من سعرة الان


up 7 down 1
برق الحيا 88 614
قبل 4 سنه و 5 شهر



هذا التفكير هو سبب المصايب كلها عندنا وانت الصادق مو بس في السيارات حتى باقي السلع والخدمات كله استغلال الى عقول فارغة ولله الحمد


up 3 down 1
chevrolet zr1 610
قبل 4 سنه و 5 شهر



كلامك سليم ماعليه غبار لا وتشوفهم ذحين يشترون سيارة ديزل مع انه احتمال يرتفع اي وقت بـأستثناء الي مشاويرهم بعيدة جدا
وسيارته تكون جيب او جمس


up 3 down 0
xviper 134
قبل 4 سنه و 5 شهر



شف هي تختلف من شخص الى آخر على حسب صرفية البنزين 
فأنا مثلا البنزين بيكلفني شهريا 1600 ريال بحكم ان دوامي بعيد فلما اشتري سيارة صغيرة او فرلي
يعني قسط الصغيرة مع بنزينه مايوصل 1600


up 3 down 0
أبوريان سعيد 108
قبل 4 سنه و 5 شهر



بعض الناس قبل الارتفاع عندهم من سيارتين  صغيرة لمشاوير المدينة ومقاضي السوق والجيب للسفر والرحلات البعيدة 


up 2 down 0
sam7srt 193
قبل 4 سنه و 5 شهر



اللي يفكر يوفر ويشتري سيارة صغيره عشان البنزين
لا تخاف بعضهم حاسبها
خصوصا اهل السيارات الكبيره و اللي تصرف مثل بعض السيارات
اللي فيها تانكيين (عشانها تصرف)

ياخذ له اي سيارة بقيمة 7000 بالكثير 8000
هو مقصده توفير .. لو تحسب سيارته الكبيره كم تاخذ والتي تصل الى
200 ريال في التفليله الوحده يعني بالشهر كم

بينما الصغيره تفليله 50 و اقتصاديه وشف بالشهر كم

هنا يكون حسبها صح. ..
وهذا و السلام ختام


للمعلوميه السياره الصغيره توفيرها ماهو في البنزين فقط
لاتنسى ( الزيت - الكفرات - القماشات - .....)

اجمعها مع بعض وتعرف الفرق
+1 لايك للجميع


up 3 down 1
هاتف1 118
قبل 4 سنه و 5 شهر



غير التأمين ضروري كل سنه و الاسعار متفاوته
و السيارات الكوريه زايدين التأمين عليها



up 2 down 0
مثقف سيارات 1149
قبل 4 سنه و 5 شهر



قبل اسبوع ولد عمي باع الهايلوكس حقته 2016 فل كامل ماشيه 130 الف وشرا كورولا 2016 عشان البنزين بس .. الهايلوكس طفشته تشرب شرب


up 1 down 2
its_o_o 471
قبل 4 سنه و 5 شهر



اللي يبي هايلكس انصحه بالديزل
اللتر الواحد يمشيك تقريبا 15 كيلو

وتانكي الهايلكس كبير
يعني لو تعبيه فل بيمشيك 1100 كيلو تقريبا
ب 35 ريال تقريبا.


الاخ صاحب الموضوع
لا تشره على الناس اذا شروا سيارات صغار
والافضل شراء المستعمل باسعار معقوله
ما لا تعلمه ان السيارات الكبار تستهلك بمعدل 15 لتر او اكثر
لكل 100 كيلو.......معدل عالي اذا كان سعر اللتر اخضر 1.37
احسب حساب ان بعد كم سنه سيكون السعر اضعاف هذا ؟؟؟؟؟
فهل من المعقول ان يعتمد في مشاويره اليوميه على السياره
الضخمه ...؟؟؟؟؟؟او يستخدم سياره للمشاوير
باستهلاك 6 او 7 لتر لكل 100 كيلو؟؟؟؟
فكر في المسأله مستقبلا .....وارتفاع الاسعار في الوقود


up 0 down 0
لا للغلاء 829
قبل 4 سنه و 5 شهر



لا تستغرب ولا حاجة الناس احوال و ظروف 
فاللي يشتري سيارة صغيرة علشان يوفر واوضاعه المادية تمام او على الاقل ماشي حاله فهذا نقول نوعاً ما تصرفه صحيح 
لكن اللي ظروفه تعبانه او رايح فيها ويضغط على عمره علشان يوفر وهو ضايع ومضيع عمره وفلوسه ومصلي بنفسه شرق 
فهذا اللي ينطبق عليه وصفك بالموضوع ( اللهم لا شماته ) 


up 0 down 0
nasser1430 873
قبل 4 سنه و 5 شهر



كلامك صحيح وتوجهات بعض المعارض الآن على تصريف السيارات الصغيرة المهلوكة والمصدومة اما النظيفة فيخزنوها وتجي تسأله يقولك مبيوعه بالنسبة لي عندي يوكن 2013 وما اخفيك فكرت بسيارة صغيرة تخدم اليوكن لكن يوم حسبتها صح طلعت خسران مليون في المية واليوكن ما يصرف كثير داخل البلد واكثر مشيه على 4 سلندر ومشاويري قليلة يعني الفل يمشيني حوالي 9 ايام مشاوير عادية دوام ومدارس واغراض البيت يعني تقريبا في الشهر مصروف البنزين ما يزيد عن 500 ريال ما شاء الله تبارك الله


up 2 down 0
ابوخلوودي1 5070
قبل 4 سنه و 5 شهر



السلام عليكم

اللي يشتري سيارة صغيرة اقتصادية علشان يوفر لا يتعدي ال 10 الاف

شخصيا الجيب بهذلني بالأسبوع افلله مرتين والتانكي يمشيني 450 وكل تفليلة ب 100 ريال تقريبا


شريت لي سيارة صغيرة ب 6 لاف حقت الدوام ووسط المدينة مازدا افللها ب 70 ريال ويمشيني التانكي 700 كيلو وخفيفة

الجيب وسط المدينة ثقيل ومتعب

الجيب احلناه للتقاعد المبكر وما يتحرك الى بالويكند مع العائلة فقط وطول الأسبوع واقف


ياخي ارتحت من القساوة اول شي وثاني شي البنزين خف الأستهلاك


لكن اللي بشتري جديد ومبلغ وقدره اقله خلك على مجنونك


بالتوفيق


up 1 down 1
yamani_2002 53
قبل 4 سنه و 5 شهر



اللي نشاهده التاجير المنتهي بالتمليك اكثر العروض تحصلها بالموقع لهذه السيارات

اقساط مهلكه شهرين ثلاثه وبعدها ماحد يقدر يكمل ويعرضها للتقبيل هذا الجنون والناس تحسب الاقساط هينه وهي موت احمر اجل تقبيل اكسبلورر 70 الف دفعه وباقي عليه 60 الف اقساط ودفعه اخيره 30 الف هذا موت ودمار لكل اقتصاد


up 0 down 1
moooon11 17
قبل 4 سنه و 5 شهر



تختلف من شخص لأخر.   لما تكون عندي سياره للسفر.    وماودي اكرفها.   مخليها للزحمه او للسفر
واخرى للمدينه.   خاصه بعد ارتفاع البنزين. لما تحسبها بعقلانيه تجد انك ربحان وتفكيرك منطقي
اما واحد ما عنده اسره كبيره.  لاباس. ياخذ كامري او تورس او سيدان. تكفيه للسفر والمدينه
لكن صاحب الاسره الكبيره.  صعبه يحشرهم في سيدان.     ف كما ذكر بعض الاخوان تختلف باختلاف  الظروف


up 0 down 0
عبدالله الشفيعي 1440
قبل 4 سنه و 5 شهر



حتى هناك الكثير يعتقد بأن هناك فرق كبير في التكلفة بين محركين بنزين 4 و 6 سلندر ...و الحقيقة الفرق بسيط بينهما


up 0 down 0
abb20 53
قبل 4 سنه و 5 شهر



تقول كذا لانك ماجربت تدفع 200 ريال في بنزين ويرجع لك ريالين هالايام حتى وكالة سوزوكي قام عزها


up 0 down 0
بريق الرياض 258
قبل 4 سنه و 5 شهر