استشاره وسؤال

عندك الريو طيب ارخص من الاكسنت ونفس جودتها واستخدامها اذكر ذيك الايام يوم ندور لخوينا نحصل ب 13 الى 15 موديل 2013 وعليها فيها رفرف رش طرف باب ماتضر ترى للمستخدم


بالنسبة للكامري ما انصحك صراحة مهما بلغت نظافتها لأن الموتر ان ماكلاه الممشى كلاه الزمن وانا اشوف الزمن يأثر اكثر من الممشى من وجهة نظري الشخصية



لأن المشكلة القطع اللي فيه كلها قديمة وكلى عليها الزمن وشرب يعني انا شفت تجارب قدام عيني ولقريبين لنا شروا سيارات ممتازة ومشهود لها بالعملية ونظيفة ومامشت شي بس موديلات قديمة وكل فترة للأمانة يطلع تهريب يطلب ورشة ويطلع خرابات في مكان غبي لأن هالقطعة خربت من الزمن مهب من الممشى تقطعت وتنتفت


يعني فيه مواتر مقبوله له 5 الى 7 اذا هي نظيفة مرررة لكن فوق 10 سنوات ماحد الله


موفق

حياك
النقل سعرة من 500الئ450ريال
اما التامين علئ حسب اذا ماعليك حوادث وتامين السيارات الكوريه
اغلا تسال شركات التامين يقولون لك ماندري ليه
يعني خذ حساب الفين الئ الف وخمس مية نقل وتامين
وبخصوص سوالك عن استخدام السيارات انا اشور عليك
باالكامري اذا هي فعلا خاليه من السمكرة ومحركاته طيبه
عندي وحدة موديل 2004 لها ثلاث سنوات ممتازة 
زيت وقماشات يعني حاجات استهلاكيه 
وباالتوفيق

بيض الله وجيهكم ماقصرتوا

بالنسبه للريو ماعندي مشكلة بس ماحصلت بمنطقتي والاكسنت تحصل مدموره ومغير مكينة وماشيه فوق250الف
ورفرفين وتسومها ب10 وب12 وب14 ويقولك نطلب من الله الزود والعالم اللي تخرب تسوم سومات عاليه ولاراعي الموتر
باع ولا حنا شرينا