أضف سؤال أو موضوع جديد          

مشكلة ضغط زيت المحرك اسكاليد يوكن تاهو

up 3 down 1



السلام عليكم

يخوان عندي اسكاليد 2008 فيه مشكلة تضهر كتابة تقول ضغط زيت المحرك منخفض
اطفى المحرك وتولع لمبة الزيت بعد التشغيل بي 6 دقائق تقريبا
فكيت الكارتير لقيته مليان رواسب والشخال شبه مسكر من الزيت المتشحم نظفته ونظفت الكارتير
وحطيت فيه زيت غسيل تقريبا دقيقتين وولعة المبة رجعت وفكيتة لقيت فيه رواسب مثل اول
والزيت الجديد غلب اسود ركبت ربلة الشخال شفت كم واحد ينصح بتغيرها وفكيت طرمبة الزيت
مع تنظيف كامل للكارتير والطرمبة وبعد التشغيل استمر اكثر من 6 دقائق وولعت المبة بعد ضغط البانزين

هل احد مرت عليه هاذي المشكلة يشاركنا وبتوفيق للجميع








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شوف حساس الزيت راكب في غطاء البلوف احتمال انه عطلان 
ونفس الحساس اذا فكيته فيه فلتر صغير راكب داخل غطاء البلوف 
هذا اذا انسد الزيت ماعاد مايوصل للحساس ويعطيك الملاحظة اللي انت ذكرتها 



up 2 down 0
hussain4 816
قبل سنه



طرمبة الزيت ضغطها ضعيف


up 2 down 1
العباسي 360 57
قبل سنه



جرب تغير حساس الزيت و شيك على عداد الزيت لايكون فيه شيء .. و نصيحه اذا المكينه مافيها صوت طقطقه ولا شيء لاتتعبث فيها شيك ع اللي ذكرت و فالك التوفيق


up 2 down 1
تصآميم 196
قبل سنه



حياك
لو ينفع تنظيف  طرمبة الزيت او البنزين ليش التغيير
المقصد ان الطرمبة تضعف لزم تغيرها
ماينفع معها التنظيف
وباالتوفيق


up 2 down 0



اما معك الطرمبة نفسها ضعيفة او من حساس ضغط الزيت 

ابدأ بالارخص 


طرنبة الزيت غالبا.  فقبل لاتخسر مكينه شيك عليها وراقبها وخلك حذر
باسرع مايمكن. طرنبة زيت ولامكينه


وعليكم السلام يارجال غير طرمبة زيت وريح راسسسك ماهي خساره
لانها بكل بساطه تجيب اجل المكينة انا قبل قبل 8 اشهر غيرت مكينة تاهو بسبب طرمبة الزيت


up 2 down 2



صوت المكينة كيف معاك لما تولع لمبة الزيت ؟
والضغط اول ما تشغل السيارة اوصفه لنا
هل يبدأ ينزل تدريجي بسرعة ولا يضل ثابت في محل معين بعدين ينزل؟
لمبة المكينة والعة ؟


up 1 down 1
ms3al 1619
قبل سنه



فحصت سيارتي بالكمبيوتر وقال ضغط الطرمبة ضعيف وغيرتها والان الحمدلله السيارة افضل


up 1 down 1
abofarah 1005
قبل سنه



وترا في محلات قطع يلعبون ع الناس يقولك طرمبة السكافيد اقوى من ااتاهو واليوكن وهي نفسهاااااا ماتفرق ابدااا 


up 1 down 0
benz lover -71
قبل سنه



جزاكم الله خير اليوم ياخوان شريت الطرمبة اليوم اصلية بي 360 ريال

وللعلم بعضهم يقولي حقت دينالي ويغليها 100 ريال علما انه الرقم المطبوع على الكرتونه هو نفس الرقم للقطعتين

وفكينا الكراتير لاكن لاحضت برادة حديد واستغربت منه وركبنا الطرمبة والحمالله اختفت لمبة الزيت لاكن المكينة لازالت تعاني من صوت التكيات

وضهرت مشكلة جديدة انه صف الكويلات الي باليسار انطفى بالكامل ولا اعلم السبب اذا احد عنده خلفية عن التكيات او الكويلات

ويفيدنا والله يوفق الجميع


up 0 down 1



لو فحصت كمبيوتر كان اختصرت امور كثيرة . مهم جداً تبدأ اصلاح السيارة بفحص كمبيوتر لانه راح يبين وين المشكلة والقطع اللازمه


up 1 down 1
abofarah 1005
قبل سنه



صباح الخيرات .
وش رايكم نعمل قروب واتساب لملاك السكاليد .
مجرد اقتراح


up 0 down 4