متعثرات للبنك

وعليكم السلام
مافيه الا البنك نفسه تتفاوض معه وتاصلون لحل
ونصيحة ابعد عن شركات التقصيد

فيه واحد عليه ايقاف خدمات بملبغ ١٠٠ الف واعطى البنك مبلغ ٤٠ الف وطلبهم مهله فالباقي خلال شهرين وافقو وفكوا عنه الخدمات خلال هالمده
وانت مامعك الا تتواصل مع البنك 

اذا يبي يسوي مخالصة نهائية يدفع كاش يسوون له خصم ممتاز مايقل عن 30% ويمكن اكثر واعرف اكثر من شخص اعطوه خصم اكثر من 25%
لأنه هي اصلاً ديون معدومة وحصلوها من شركة التأمين من زمان

طيب 
هو امر الايقاف من المحكمه هل لازم اروح المحكمه و الا للبنك نفسه

نصيحتي لك دام اخوك برى المملكه اول شي تفكر فيه خل يسوي لك وكالة من المحكمة في البلد الي هو فيها ويرسلها لك وصدقها من الخارجية
على اساس لما تروح المحكمةو اي مبلغ تدفعه للبنك او مخالصة توقعها انت تكون بإسم اخوك ماتكون بإسمك حتى مايرجع يطالبه البنك مره ثانية
ولا ينصب عليك ولازم التسوية تكون في المحكمة قدام الشيخ عشان يرفعون عنه ايقاف الخدمات
لكن الموضوع غريب شوي الي اعرفه مافيه ايقاف خدمات عشان قرض لازم مطلوب جنائي او صدر فيه حكم غيابي الا اذا كان تقصد بلاك لست في سمة ممكن

طلعت قرض قبل 5 سنوات بمبلغ 35 الف وارجعها للبنك بالفوائد 43 الف سددت لمدة سنه وبعدها الشركة غيرت رواتبنا على بنك ثاني
وسحبت عالراجحي الى ان خلصت ال 5 سنوات وجاني اتصالات منهم وكنت اطنش الى ان وقفو خدماتي ورحت اتفاوض مع البنك رفض وطالبوني بسداد المبلغ كامل وكان المتبقي حوالي 34 الف
واسمي في سمه والبنك اللي انا فيه رفض يطلع لي قرض بسبب سمه ورحت للبنك قسم التحصيل في العليا ولقيت هناك ناس عليهم ايقاف خدامات واحد يقولي علي 200 الف ولا سددت وراتبي ينزل في بنك ثاني ولا اقدر اسحب شي ولا ادري من وين اصرف على عيالي والبنك رافض تماما يتجاوب معه ولما راح للبنك اللي ينزل فيه راتبه قالو له مؤسسة النقد موقفه حسابك لوجود مشكله مع بنك الراجحي جيب مخالصه من البنك ونرفعها لك
وهنا انا خفت لا اصير مثل خوينا ورحت تسلفت المبلغ واودعتها في حسابي والراجحي قام بخصمها تلقائي وبعد اسبوع طلعت قرض جديد من بنك الاستثمار لانه هو من كان اقل فايده من بين البنوك ورجعت الفلوس لصاحبي والحمدلله زانت الامور
لذالك اذا بتسدد روح اودع في حسابه المبلغ اللي تقدر عليه اهم شي حسابه يتحرك مايكون واقف حتى لاتتعرض للمطالبه بالمبلغ كامل

اللي اعرفه ان البنك مقدم شكوى للمحكمة وهي تتولى ايقاف الخدمات ولابد من التسديد للبنك واخذ من مخالصة وخطاب موجهه
للمحكمة علشان تصدر امر بفك الايقاف

بيض الله وجيهكم جميع 
المشكله يوم راح البنك قبل يسافر قالوا له سافر و اذا رجعت سوينا اعادة جدولة