أضف سؤال أو موضوع جديد          

تقرير تجربتي النترا بالتفصيل

up 30 down 5
شويخ من أرض مكناس 2807
قبل 3 شهر و 2 أسبوع



السلام عليكم ورحمة الله وبركاته
أسعد مسائكم بكل خير
وجيتكم اليوم أعرض لكم بعد تجربة طويلة وهذي هي الفترة الي تقدر تحكم على السيارة تستاهل أو لا
طبعا آخر الموضوع فيه رابط للصيانة الي عملتها للسيارة
اول شي راح ابدا فالعيوب بكل دقة
1
مشكلة طقطقة الدركسون المعروفة وكانت بسبب صليب عمود الدركسون وتركتها لأنها راح ترجع لو صلحتها
2
المكيف وقت الظهر لازم اعطيه الدرجة الثالثه عشان يبرد
غير كذا أموره تمام
ملاحظة صارت معي
وانا طالع محمل السيارة عفش راجع من محايل عسير إلى أبها فعز الظهرية فيه عقبة والله ناسي اسمها تطلع على أبها
المكيف فصل نهائيا ماعاد فيه تبريد فقط دفع هواء رغم أن ال AC شغال

بعد ماوصلت أبها مريت فنيين تكييف وعلمت بالمشكلة فقلي هذا نظام تأمين يفصله وقت الجهد
طف المكيف وخلها تريح وشغل بعد يوم وراح يرجع يشتغل وبعد يوم فعلا رجع اشتغل
3
الكهرب أخذت فتره ترمش اذا شغلت العالي واختفت نهائيا
4
الفرامل ممتازه جدا بس بعد 120 احس السيارة بتهج رغم أن ال abs شغال
5
القير فيه نتعه إذا جيت توقف ومعروفه عند الكثيرين وظهرت عند زميلي فسوناتا 2017 لكن مطنشها وتختفي وترجع
6
الديكورات واضح تثبيتها عبارة عن كلبسات لذلك عندي أصواتها طالعه
7
الشمعات دايم فيها تنحرق
شمعات اماميه انحرقت وغيرتها
كشافات انحرقت وتركتها
شمعات خلفيةوغيرتها
مع العلم لاحظت هالمشكله فأكثر من سيارة
8
صوت طقطقه فالمكينه مع الصباح خصوصا مع البرد وحاليا مختفيه نهائيا
هذي المشكلة من يوم طلعتها وكاله لذلك اعتقد انها طبيعية
وهذا الي تذكره أن تذكرت شي راح اضيفه
9
وقت الحر مع تشغيل المكيف اشم ريحة بنزين
افتح غطا التانكي اسمع صوت غليان البنزين
نفس المشكلة الي صارت مع أصحاب الجيوب يوم يفتح التانكي ويطلع البنزين يطرطش
اعتقد ان التانكي غير معزول عن الحرارة
10
بالنسبة للبطارية بلدها هانكوك
ماكملت سنه تقريبا والا هي ضربت
غيرتها ببطارية اي سي ديلكو وكملت سنتين وضربت
رجعت ركبت بطارية اي سي ديلكو بحكم انها عمرا معي سنتين قلت خلاص بستمر على أي سي ديلكو ولحد الان ممتازه
نجي عند الإيجابيات
1 صرفية بنزين ممتازه حجم التانكي مناسب للسيارة عكس بعض السيارات الي يجي تانكيها صفير مثل الفورشنر
2تتحمل الكد والمد
خطوط واستخدام يومي يعني مر عليها جميع انواع الاستخدامات ومشاله تبارك الله لازالت بحالة ممتازه
3
قطعها مناسبه على حجمها فالسعر مقبولة واعتبرها رخيصة ومتوفره وعندك ثلاث وكلاء فكل مكان
4
من شريتها ماعمري مرنتها أو حميتها قبل المشي حتى وقت البرد
اعطيها 10 ثواني وامشي
هذا الي فبالي
صيانة الوكاله أخذت منهم المجانية والباقي صرت اغير زيت وفلاتر فقط
أخذت فترة اجيب الزيت من برا وبعدها منعوني
فصرت اغير برا وبالقوة لقيت واحد يقبل يغير زيت من برا
تغييرات الزيت على 10 كيلو موتور كرفت
تغييره 10.30 مع الفلتر
تغيير 5.20 بدون فلتر
صافية بنزين كل 50 الف تقريبا
اما زيت القير
اول تغييره بعد 120 الف وبعدها لاحظت تحسن القير فالتبديلات للأفضل
وصلت تقريبا 200الف ولاحظت تبديلات القير ضعفت بشكل ملحوظ
فغيرت الزيت وتحسن القير للأفضل
لذلك انصح أقصى مدة فيها لزيت القير 100
موية الاديتر كل 100 الف اغيرها
غسيل مكينه وبخاخات كل 100 الف كيلو
سير المكينه لازال بحالة جيدة جدا
بإذن الله اغير بلف الحرارة بعد 300الف كيلو مع غطاء الاديتر والسير
المشكلة الي طلعت لي
صوت فلنجة يمين وشريتها وكاله ب200 وغيرتها وأنحلت المشكلة
حاليا عملت لها صيانة شاملة
نفضت بطن السيارة من عضلات
مساعدات الواحد ب260 كلها مفقعة
مسامير توازن الواحد ب120 الجلد مقطعه
جلد عمود توازن الواحد ب39 كانت ميبسه متهالكة
الركب الواحد تقريبا ب70 ريال والربرات مقطعة والشحم خارج
المقص له جلبتين يمين ويسار وقطعه ماعرف اسمها اعتقد انها حقت السحب المهم كلها اربع جلد غيرتها للمقصين
باقي الأسعار ذكرتها فمقطع الفيديو
جميع القطع وكالة رغم أن الموزعين أرخص لكن ماحب اشتري الا وكاله
بعد التغيير لاحظت تماسك السيارة مشالله تبارك الله
أصوات القربعة اختفت كليا وكانت تلعب من قدام مع الطرق المكسرة والان رجعت وكالة
السيارة ارتفعت تقريبا 1 سنتي متر
ملاحظة..
بالنسبة لكرسي المكينه والقيروجلد الاذرعة والعكوس
جميع جلدها سليمة
العضلات الخلفية باقي فيها شوية عمر بخليها لسنة وانفضها كاملة

بإذن الله باقي لي سنه واخلص قسطها وراح ابحث عن موتر ثاني أكبر بخليه حق الخطوط
وبخلي الألنترا للمدينه
وفي الاخير لم اندم على قراري تجاه الألنترا ولازالت تحت التجربة هههه
كل يوم دوام وبعده شغل في كريم ومشالله تبارك على الموتر
وتفكيري بدأ يدور حول الإزيرا الجديدة لكن مجرد تفكير وليس قرار وبعد سنه بشوف باقي الخيارات أمامي من منافسين للازيرا
اخليكم مع رابط اليوتيوب للصيانه

https://youtu.be/s9CIcnZFZQI

تحياتي للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته

تقرير 5 نجوم


up 4 down 1
الأطلســـي 43
قبل 3 شهر و 2 أسبوع



ماشاءالله تبارك الله
تقرير مفصل وكامل مايلحقة كلام
يعطيك خيرها ويكفيك شرها


up 2 down 1
الرفاعي33 13762
قبل 3 شهر و 2 أسبوع



حياكم الله جميعا
يالرفاعي نويت بإذن الله احلل الألنترا مثل ماحللت الكامري هههههه



up 4 down 4
شويخ من أرض مكناس 2807
قبل 3 شهر و 2 أسبوع



حيا الله شويخ تقرير اكثر من رائع 
مداخلتي هي انني قبل اشتري كورلا.  نويت على النترا.   سألت واحد معه ٢٠١٦.  قال المكيف زفت
سالت زميلي سارته ماشيه. ١٦٠ الف موديل ١٥. قال ثلج
اخوي معه. ٢٠١٤ ماشيه ١٣٥٠٠٠ مكيفها ثلج.   فتوصلت انها حظوظ
وقلت اخاف حظي يطيحني.  واخذت كورلا.  لان المكيف مهم.  بالنسبه لأجوائنا.    وكذا واحد معه سوناتا يشكي


up 7 down 5
عبدالله الشفيعي 1433
قبل 3 شهر و 2 أسبوع



تقرير ممتاز ، وضحت فيه السلبيات والايجابيات


up 3 down 2
عمده33 1615
قبل 3 شهر و 2 أسبوع



ايوالله لاتفكها حللها
الكامري مكلفتني قبل 4 سنوات حوالي 58 الف
لاكن لك الله اول ماطلعتها ماتفرق عن الجديد
وموتر كد ومد ماقصر معي ابو الجمايل ولسى جديد
ويقول اوامرك


up 1 down 1
الرفاعي33 13762
قبل 3 شهر و 2 أسبوع



ما شاءالله كفيت ووفيت
يا شويخ من أرض مكناس


up 1 down 0
جبل ثور 100 79
قبل 3 شهر و 2 أسبوع



تقرير حلو ومفصل ومرتب

الله يعطيكـ العافية ++


up 0 down 0
أبو يارآ 483
قبل 3 شهر و 2 أسبوع



تقرير حلو ومرتب

الله يعطيكـ العافية ++


up 1 down 0
احمد ال الشيخ 2014
قبل 3 شهر و 2 أسبوع



تقرير ممتاز المهم في الكوري بعد الكرف والاستخدام هل يصبر او لا يعني اللي يجيك فاكه اصفار ويذكر تجربته هذا خطأ


up 1 down 2
benz lover -122
قبل 3 شهر و 2 أسبوع



الله يعطيك خيرها ويكفيك شرها
انا ابشرك شريت اسوزو ديماكس للخط لان الاهل يبعدون عني ٧٠٠
كيلو والظروف ماتسمح نهائي اني اجيبهم معي فأروح لهم كل اسبوع
والحمد لله الامور طيبه والله يديم رخص الديزل


up 0 down 0
االخاالدي 3891
قبل 3 شهر و 2 أسبوع