أضف سؤال أو موضوع جديد          

زيارتي الآخيرة للمعارض وآخر المستجدات بخصوص الأسعار

up 9 down 4
الاحترافي 1039
قبل 5 شهر و 2 أسبوع



السلام عليكم ورحمة الله وبركاته

اسعد الله اوقاتكم يا قوم

قبل أمس اتصل بي شخص عزيز علي وحاب إنه يشتري سيارة جديدة ( لكزس اي اس 350 موديل السنة )

طبعا مريته بحكم إن هالشخص عزيز واحب اخدمه , ورحنا إلى معارض النسيم ( الجشعة )

واخذنا فرة على معرض معرض , طبعا لا اخفيكم بأن معارض النسيم ما صارت معارض وانما صالات فقط .. اكثر المعروض جديد واصفار

وصار المستعمل قليل تجد , وان حصلته بتحصله صارله فترة طويلة معروض وما انسام ولو بس سألت عنه بيتمسك فيك عشان تشتري وتخلصه من هالكابوس

طبعا قبل مروري لصديقي العزيز , اتصلت على صديق آخر في وكالة ابو جميل وسألته عن سعر السيارة وقال لي السعر شامل الضريبة و و ألخ ,, بمبلغ فلاني

واخذت المبلغ هذا بالحسبان واتجهنا للمعارض

المفاجئ بالموضوع أن سعر معارض النسيم ( سيارة جديدة ) أغلى من سعر الوكالة !!!

يعني الوكالة مثلا قيمة السيارة لكزس 168 الف ريال , ,, تطلع عليك ب ب 176400 الف ريال ( 179000 تقريبا قيمة السيارة مع الضريبة والبقية نقل ملكية وتأمين )

المعارض سعر السيارة لكزس 174 ألف , مع الضريبة ونقل الملكية واستمارة والخ .. 185 الف ريال ,, ( ويكرمك ويشيل منك فلوس المعقب طال عمره )

المصيبة مو هنا

المصيبة أن المعارض طالعة بسالفة جديدة , وسالفة وبكل اسف ضحك على معظم الشعب

مثلا

عارض سيارة مستعملة للبيع ( لنفرض هوندا اكورد )

وممشاها كذا وسعرها مثلا 65 الف ريال ,, طبعا ما تدفع 65 الف ريال وتمشي ,, لا

راح تدفع 65 الف ريال ,, وقيمة المكاتبة والاستمارة والتامين وفلوس المعقب ,, طيب ليش مكاتبة يا باشا السيارة بمعرضكم ,, لا ياباشا السيارة دي لصاحبها مش للمعرض !!!

خصوصا طايحين بسيارات دبي ,, في معرض بالنسيم جايب سيارات من دبي والمعرض بإسمه ,, يوم جيت باخذ سيارة من عنده يقول تدفع قيمة الجمارك ومدري ايش ومواصفات ومقاييس وضريبة

وقيمة السيارة 70 الف صارت علي ب 75 الف !!!

طيب تاخذ مني مكاتبة وانت عارضها بمعرضك ليه ؟

معرض آل جميح ,, عارضين لكزس LS 350 ( 2018 الشكل الجديد اللي نازل السوق والسيارة مستعملة ماشي 3000 كيلو فقط .. وحاطها بسعر 305 الاف ,, ومعرض آخر نفس السيارة ونفس اللون ونفس المواصفات وفئتها جديد ب 291 الف !!!

هنا السؤال اللي يدور في بالي ,,

هل لما اشتري سيارة جديدة مع الضريبة ومشيت بها 2000 او 3000 كيلو وابي ابيعها ! كيف ببيعها واقنع المشتري ان السيارة كلفتني مع ضريبة !!!

يعني شريت جيب ب 200 الف وكلفني مع الضريبة 210 آلاف ,, ومشيت به 1000 كيلو مثلا ,, كيف أقنع المشتري انك تشتريه مني ب 200 الف لانه ماشي بس 1000 كيلو ؟؟ بيقولك وبأبسط شي ان السيارات المستعملة لا تشملها الضريبة

مع العلم ان المعارض حاطين لك الضريبة بس بدون ما تحس


هذا اللي حبيت أوصله للجميع وهي مجرد سوالف ,, ويسعدني مشاركة الأعضاء الكرام

واذا كلامي فيه خطا أو نظرتي خاطئة أتمنى احد يوضح لي هالشيء

وبالتوفيق للجميع

اخوكم أبو سلطان









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


معارض النسيم خلاص راح سوقها
باقي لهم شهر واحد وينقلون الى معارض القادسيه
حتى في لوحه قبل لاتوصل المعارض حاطينها البلديه
ان بعد شهر بتتقفل المعارض وتنقل الي معارض القادسيه
الغريب انه الى الان ماتقفلت
واللوحه لها شهر وشوي
شف معارض القادسيه في معارض فاتحه بهناك ممكن تحصل طلبك
بسعر طيب


up 1 down 2
d7ooom777 460
قبل 5 شهر و 2 أسبوع



يحلمووووون خلها عندهم بس معروفين بالمبالغة معارض النسيم ماهو جديد عليهم


up 2 down 1
benz lover -65
قبل 5 شهر و 2 أسبوع



بالنسبة للمكاتبة واللي يطلب جمارك وضريبة ورسوم وكلام فاضي

المسألة سهلة وبسيطة ( من يسمح للغير يستغله ويضحك عليه يستاهل)

شفت السالفة فيها ضحك واستغلال اترك المعرض وغير السيارة الف سيارة

مشكلة عامة الناس يرضخون للأمر الواقع الى درجة حتى الاشياء الاستهلاكية ياخذونها بأي سعر 

وأنا وأعوذ بالله من كلمة أنا عندي قاعدة الشي اللي فيه زيادة بسعره يكفي عنه غيره

حتى لو على سبيل المثال سعر البرتقال ارتفع ريال بالكيلو اتركه ولا أسمح لأحد أنه يستغلني وبدل البرتقال فيه ١٠٠ نوع من الفواكه والله يديم النعمه علينا

البرتقال مثال فقط للإحاطة


up 1 down 2
دكتوراه في الحب 175
قبل 5 شهر و 2 أسبوع



والله سعر الوكاله افضل

وما انصح احـد يشتري من المعارض حتى لو موديل السنه

البعض منها مايدخل ضمان الوكاله

والبعض وارد وكيل برى المملكه ومواصفات سيئه

خلك على الوكاله سعرهم طيب وغير كذا ضمان ساري




up 1 down 1
aboahmed2014 576
قبل 5 شهر و 2 أسبوع



لا وياخذ دلالة 1000ريال. للمعرض


up 0 down 0
ابومزعل 338
قبل 5 شهر و 2 أسبوع



نصب واحتيال
لكن العلاج هو تركهم ...والذهاب لغيرهم الاقل تكاليف
وضع الرسوم والعماله والضريبه بيطلعها وزياده من
ظهر المستهلك الضعيف


up 0 down 0
لا للغلاء 522
قبل 5 شهر و 2 أسبوع



الحل طال عمركم خلوها تصدي

لازم يرجع الوسم هذا عشان فعلا تصدي

لأن الوضع أصبح لا يطاق


up 0 down 0
الاحترافي 1039
قبل 5 شهر و 2 أسبوع



افضل حل طال عمرك اذا بتشتري سياره تاخذ لك يومين اجازه من الدوام وتنزل تفر بكل روقان كل المعارض مع الوكالات وتاخذ سعر السياره الي بتشتريها
وموصفاتها وتكتبها بورقه كل معرض وكم سعره شامل الضريبه والاستماره وبالاخير تقارن وتشوف الارخص وتشتري منه


up 0 down 0
كنحبك بالزاف 137
قبل 5 شهر و 2 أسبوع



ودي تصير مقاطعة للسيارات المبالغ في سعرها
الآن أصبحت الوكالة أضمن من المعرض لأن المعرض ممكن يجيب لك جديد ماتدري من وين!
سبب رفع الأسعار إنه فيه ناس ماتعرف ولا تسأل عن السيارة واش وضعها ومنهو وكيلها.. بس يجي يدفع فلوسه ويروح وهذا أشوفه سبب من الأسباب اللي خلت أصحاب المعارض يرفعون أسعار السيارات.
إذا جيت بتشتري اسأل خوياك أقاربك عن الوضع تلقى أمور ماكنت تتوقعها..

لابد أن تسأل وتشاور أهل الخبرة الصادقين لأن هذا مبلغ وقدره بتدفعه بسيارة وعشان ماتندم بعدين

ألاحظ فيه ناس ماتدري ولا تبغى تسأل وفوق ذا كله ينضحك عليها وعادي عندها....


up 2 down 0
مجرد مشاركة 104
قبل 5 شهر و 2 أسبوع



ما رفعوا الاسعار وما خلوا المكاتبة والمعقب وكل الشغلات هذي الا المدرعمين اللي يجيك سعر السيارة بالمبلغ الخورافي ويقبل على شراءها بدون مشاكل
احنا لو يكون عندنا فترة رقود بالسوق والاقبال على الشراء يتوقف شوي بتشوف الاسعار المناسبة والعروض القوية..اذكر عام 2011 شركة جنرال موتورز خسروا بالمصنع حقهم خسائر لدرجة ان ما في احد جاء يشتري ووصل العرض عندهم انك تشتري سيارة وجميع تكاليف الاصلاح والصيانة علينا لمدة 5 سنوات


up 0 down 0
m3ned 215
قبل 5 شهر و 2 أسبوع



الوضع مدحدر بالمعارض ومع ذلك مازالو متمسكين بالاسعار الخرافية ويجيك الزبون يشوف اسعارهم ويجيك هنا مدرعم يعلن مثلهم

وبالاخير مصيرها توقف بالمعرض شهوووووووووور ما انباعات وفيه كم اعلان هنا يثبت صحة كلامي الموتر كمل 8 شهور واقف وراح يضل واقف لين المعرض يعدل اسعاره


up 1 down 0
audi008 8
قبل 5 شهر و 2 أسبوع



الشريطية او من يبيعوا سيارات يستغلوا اللي جاهل بالسيارات و الانظمة بصفة عامة
و لكن الله اعطاك عقل و اذا ما عندك خبره ماهو عيب تستشير
و ايضا في سيارات سعرها مبالغ و يوجد شبيه لها لحد كبير خاصة
اذا مكينة و قير نفس بعض
مثلا القراندي الجديدة و الافالون فرق بينهم لأعلى فئة
قرابة 20 الف ! و المكينة و القير مثل بعض مجرد مواصفات بسيطة
و ايضا اللكزس es اقل فئة بينها و بين الافالون حدود 30 الف او أكثر ..
و كلا شخص يشوف وضع ميزانيته ...


up 1 down 0
alhkami 230
قبل 5 شهر و 2 أسبوع