أضف سؤال أو موضوع جديد          

معاناتي مع نقل ملكية مركبه من الراجحي

up 5 down 7
melody 42
قبل 8 شهر و 2 أسبوع



أخذت سيارة عن طريق بنك الراجحي بنظام التأجير
والحمدلله انتهيت من اقساطها تماما
الآن دخلت في دوامه اسمها نقل ملكية المركبة
دقيت عليهم من المصرفي قلت ارسلوا اوراق السياره ابغى انقل ملكيتها بنفسي قالوا ماعندك مشكلة
أرسلوا لي على الفرع ورقة اسمها (فك الحظر)
رحت المعرض قال لي راعيه وش ذا؟ وين استمارة السيارة ؟ قلت البنك عطاني هالورقه وقالوا هي المطلوبه لنقل ملكية السياره !!!
قال لي ارجع لهم وخلهم يعطونك استمارة السياره الله يصلحك بس
رجعت دقيت عليهم وقبلها مادريت الا مرسلين لي رسالة تهديد ان المهله اللي عطوني اياها بتنتهي اذا ماانقل ملكية السياره
قلت لهم البلا منكم ... كيف مرسلين لي ورقة مامنها فايده ؟ وين استمارة السياره ؟ قالوا معليش ونعتذر ونرفع لك اعتراض للادارة وبيردون عليك خلال 3 ايام عمل
انتظرت اسبوع كامل الا وتجيني رساله ان عندي مخالفات مروريه عشان كذا ماسوو اي شي !! مع العلم اني مسدد المخالفات المروريه كامله قبلها بفتره
رجعت اتصل عليهم قالوا انتهينا من مشكلة المخالفات لكن باقي تصديق الاوراق من الغرفة التجاريه واسأل الموظف في الهاتف المصرفي وش الاوراق اللي يتكلمون عنها ؟ أنا مااستلمت ولا ورقه من عندكم قال مدري بس مكتوب قدامي (على العميل تصديق الاوراق المطلوبه من الغرفة التجاريه) طيب وش الحل؟ قال برفع ل شكوى اعتراض وبيجيك رد خلال 3 ايام عمل !!!!
أقسم بالله على هالحال من نهاية 2017 بشهرين والى الآن ... كل ماخلصت من شئ طلعوا لي بعذر جديد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ارفع شكوى عند مؤسسة النقد .. رقمهم 8001256666


up 5 down 2
a.r.f 235
قبل 8 شهر و 2 أسبوع



الله يعينك 

بلغ عليهم مؤسسة النقد و حقك ماخذه ان شاء الله 


up 3 down 2
بدر الباثفايندري 998
قبل 8 شهر و 2 أسبوع



الله يعينك عليهم
لنا تجربة مماثلة معهم
شهرين وحنا وراهم من فرع لفرع
كل واحد يعطيك معلومة تختلف عن معلومة اللي قبله
يرفعون الضغط لأقصى درجة


up 1 down 2
فورد530 1289
قبل 8 شهر و 2 أسبوع



ياخي الكريم ليس التعب
قدم شكوى عليهم بمؤسسة النقد بتشوف التفاعل كيف وبينهون موضوعك


up 1 down 2
m3ned 215
قبل 8 شهر و 2 أسبوع



موظفين البنوك ضايعين كل واحد يعطيك شي من راسه 


up 2 down 2
كنحبك بالزاف 137
قبل 8 شهر و 2 أسبوع



الله يعينك عليهم
يازين بنك الإمارات


up 1 down 3
شويخ من أرض مكناس 2812
قبل 8 شهر و أسبوع



الله يعينك
معاملة البنوك الأخرى ماتطول اذكر الأهلي بظرف أسبوعين الى ثلاثة وانت خالص منهم .


up 0 down 1
بوحمد4445 76
قبل 8 شهر و أسبوع



يا اخي النقل من الفرع الي انت طلعت السيارة منة. رح لهم. ويعطونك المفتاح الاحتياط الي عندهم.


up 1 down 0
ابومزعل 338
قبل 8 شهر و أسبوع



ياحبيبي المفتاح والاستماره في مبنى العقاريه بالرياض وانا في الطايف
لازم مراسلة الاداره هناك وتسوي طلب
لان قبل سنتين ضاع المفتاح ورحت لهم العقاريه واخذته


up 2 down 5
melody 42
قبل 8 شهر و أسبوع



دق على البنك قول لهم انك تبي تقفل حسابك في البنك وتسحب كل فلوسك اذ معك فلوس حتى لو الفين ترى يخافون.


up 1 down 1
abdulelah.al -7
قبل 8 شهر و أسبوع



نفس معاناتنا أنا وزوجتي مع البنك الأهلي وقبله شركة تأجير مرمطة في مرمطة لأجل نقل الملكية بعد انتهاء السداد. لذلك عدت للحل الأفضل اللي كنت هارب منه وخلاني أتجه نحو التأجير أصلاً: القرمبعات. نعم، قرمبعة باسمك ولا رولز رويس باسم البنك! والآن عندي مرسيدس تعتبر قرمبعة في الوساط الشرائطية لكنها باسمي ملكي والملك لله.


up 0 down 0
sjanzeir 274
قبل 8 شهر و أسبوع



انا دفعت من جيبي 3000 ريال لمعقب وسويت له وكالة شريعة بأنهاء اجرات الراجحي 
واخذ يوم وخلصها 
لكن حسبي الله ونعم الوكيل 
وكنت في صالة خريص ورفعوا ضغطي وحسيت بدوخة ورجعك للسيارتي وانا تعبان واغمئ علي الظهر ومافقت الا اخر الليل ومن بعد ذلك اليوم جتني ضيقة في نفسي وثقل لساني ولا اقدر انطق الكلام بسهولة انفجعت وراجعت معظم المستشفيات قالوا مافيك شي احتمال مرض نفسي 
وقريت عن المشايخ 
والان كل مااجي اتكلم مع واحد يضحك او يستغرب من طريقة كلام 
كرهت زوجتي وعيال صغار يقولون وشفيك ماتتكلم زين 
في الاخير اعتزلت المجتمع 


up 0 down 0