إستفسار عن سيارة جديدة

75 الف تجيب له سوناتا نص فل بانوراما بس لو تاخذها من الوعلان بيكون مافيها ABS

أخوي مشكور على ردك لكن للأسف من سكان جدة ما عندنا غير الناغي و سعره للنصف فل بـ 81 ألف بعد الخصم

عارف اني بأخذ دس لايك على ردي ...


بس خذلك كامري 2012 سوح حساسات وريموت قير اوتو ب73الف



والله إنها موتر



أو خذلك اكورد 2009 او 2010 مستعمل وبتحصل نظيف بعد ب75الف


بصراحة تامة ما أحد مدح الهونداي وخصوصاً الالنترا والسوناتا

انحش عنها

احلى شي انه فكر ياخذ سياره جديده لان المستعمل عندنا مضروب وامه داعيتله اللي يلقى موتر مستعمل نظيف

بشكل العام السيارات كلها اصبحت غاليه سواء كراتين او حديد   

عشان كذه عندك الالنترا اللي قيمتها 71 فيها اير باقين وفيها ABS  

وال ABS تراه مهم وقت ضرب الفرامل بقوه بشكل مفاجئ وبدون abs بتروح عليك السياره فوادي 

والالنترا مع واحد من الجماعه كارفها خطوط بس مشكلتها ضعيفه مره مره  لدرجة انه اكل مطب وصارت تحذف

الكامري اسئل عنها مستخدمينها فمنتدى تويوتا اذا كانت نفس المشكله القديمه ينقص زيتها هج منها بس تراها سارات خفاف

ودي اقولك خذ سوبارو امبريزا نص فل فيها مواصفات وقوه ماهي فالكراتين  لكن الوكيل  للاسف !!!!   

على فكره  عند المازدا 3    فل اوبشن الظاهر انها ب68   بس مشكلتها مساحتها الداخليه صغيره ولازم تهتم فصيانتها فالوكاله

راضي مشكور على اقتراحك لكن الرجال مثلي مقاطع تويوتا من زمان ههههه

شاقح المازدا 3 كانت مع واحد من الشباب و باعها تشليح صراحة من أفشل السيارات اللي شفتها سواء في الأداء أو العملية أو الأمااااان

بعدين مو مشكلة عطني مواصفات الامبريزا و أسعارها لو تكرمت حبيبي

الامبريزا مكينتها 2.0  ودفع رباعي وهذي بحد ذاتها بتعطيك ثبات ورساوه خصوصا مع اللفات خيالي ومحد يعرفها الا اللي جربها

انا عندي خلفيه عن السوبارو الليجاسي اما الامبريزا ماقد اطلعت عليها كثير

لكن من مواصفاتها اللي افتكرها ايرباقات اماميه وجانبيه ABS  TCS  وهذي صورها

http://www.almstba.com/vb/t56287.html

انصحك تزور وكالة اليمني وتشوفها وتسئل عنها اكثر وانا متاكد انها راح تعجبه 

لكن فيه كم شغله ابيك تحطها فبالك

الوكيل للاسف خدماته فاشله حسب ماسمعت 

انا زمان شريت الليجساي 2002 يوم كان وكيلها بالبيد وورطت فالصيانه وقطع الغيار الاستهلاكيه بعضها غير متوفره وطلبيه

المكينه حقتها تصميمها نفس تصميم محركات البورش  يسمونه ( BOXER ) وهذي ترى صيانته معقده مب اي واحد يصلح فيها

أنا أشوف سيارات الهونداي عملية .

شوف الماليبو او سوناتا و السوناتا احلى من الماليبو بس السوناتا ياتاخذ فل او لا ياخذ 

بيجو 508
نيسان سنترا
فورد فوكس
فولكسواجن جتا
هونداي I40
الفورد و الفولكس و البيجو كلها أوروبية ، ال ABS
النيسان سنترا ممكن 

آسف عملت إضافة بالغلط
الفولكسواجن أمتن سيارة و أحلى سيارة بالمواصفات و الأمان
شكلها أنيق و يوحي بالهدوء ، سواقتها جدا ممتعة ، نظام منع انزلاق الفرامل موجود عليها قياسي
البيجو من فئة أكبر (فئة كامري) كاملة المواصفات
الفورد فوكس مثل الفولكسواجن، السيارة تستاهل تلقي عليها نظرة
الهونداي آي 40 فيها نظام منع انزلاق الفرامل ، و هي جيدة عموما
مازدا 6 : صحيح عليها طابور لكنها و بإجماع الصحافة المتخصصة بالسيارات هي الأفضل في فئتها على الإطلاق...
و اللي يذم في المازدا يردد كلام قديم بدون تأكد