تقسيط من البنوك

بما اني موظف بنك بجاوبك


ليه الموظف الخاص ما يقدر ياخد قرض ؟!!
_____________________________
معلومة خاطئة موظف القطاع الخاص يقدر ياخذ قرض وسيارة في اي وقت بشروط


لازم تكون الشركة موقعه اتفاقية مع البنك ( بالعادة الشركات الكبيرة )
_____________________________

مو شرط الشركات الكبير حتى الشركات الصغرى لهم اتفاقية
بمعنى اخر تقدر الشركة الصغرى توقع اتفاقية مع البنك بتمويل موظفيها مثل الشركة الكبرى تماما
لأن اغلب الشركات الصغرى ما تنزل راتب للموظفين بالصرافة لكن يعطون الرواتب شيكات او ايداع نقدي وكل شهر الراتب ينقص ويزيد مو ثابت
ولا يوجد كشف حساب للموظفين يوضح الراتب كم بالظبط والبنوك تعطيك تمويل على حسب راتبك كم
لازم شي يثبت راتبك مثل كشف الحساب لأخر 3 أشهر
يعني الخلاصة فيه نوع من المخاطر ان اللي ياخد التمويل يعجز عن السداد لاحقاً

يعني نسبة كبيرة من الموظفين ما يقدر ياخد قرض
_____________________________
القروض لها شروط واهم شرط الإتفاقية بيت جهة العمل وبين البنك اجباري
عشان تقدر تاخذ تمويل وبعدين الباقي سهل

حتى تقسيط سوا يا حكومي او شركة كبيرة ( بغض النظر عن الفائدة الخيالية )
_____________________________
هامش الربح على حسب البنك اللي بتاخد من عندة وكل بنك يختلف عن الأخر وعلى حسب مدة السداد

اخونا كفى ووفى
ويعطيه الف عافية نيابة عن صاحب الموضوع

الصدق اعاني من هذا الشئ بحكم اني موظف بقطاع خاص والشركة غير معتمدة لدى البنك

وحتى التقسيط (سوا) مافي امل

لكن عساها خيره القروض مافيها خيررر

grshp

عفوا اخي

قريت الرد 3 مرات

نفي و بعدها اثبات
........................

*معلومة خاطئة موظف القطاع الخاص يقدر ياخذ قرض وسيارة في اي وقت بشروط

كلام جميل ولكن بشروط هي اللي خربت الجملة

انت اخبر بالشروط انا اعرف شرط واحد وهو توقيع اتفاقية وهو محور حديثنا
........................

*مو شرط الشركات الكبير حتى الشركات الصغرى لهم اتفاقية

انا قلت بالعادة الشركات الكبيرة

ولكن المؤسسات و الشركات الصغيرة كثير منها ما موقعه اتفاقيات مع اي بنك

وهدي الفئة تحتوي على اكثر الموظفين في السعودية

........................

*حتى تقسيط سوا يا حكومي او شركة كبيرة ( بغض النظر عن الفائدة الخيالية )

اقصد بتقسيط سوا مكاتب التقسيط و اللي في النت

ياخدوا ارباح اكثر من البنوك ولا يعطو الا موظفي الحكومه او الشركات الكبيرة


كنت شغال في مؤسسة مقاولات وكان الراتب ينزل على الحساب امر مستديم

ولما رحت البنك اسال عن قرض يقول ما يكفي لازم توقيع اتفاقية

واخر شركة اشتغلت فيها باسكن روبنز

اتفاقهم مع البنك لازم 5 سنوات تشتغل حتى تقدم على القرض

وبعدين صار القرض فقط للموظفين الادارة اما الباقي ما يعطيهم البنك

نرجع للتساؤل المهم

هل سالفة توقيع اتفاقية عندنا في السعودية فقط

هدا الشرط كان ضمان حق للبنك ادا استقال الموظف

علطول باقي حقوقه ينزل على الحساب والبنك يحط يده عليه

لان كان صعب يشوفو المقترض ادا تلاعب في السداد

اما الان احنا في زمن الحكومة الالكترونية و البنك يقدر يضمن حقه بدون هالحركه

وسمه ما تقصر بكل بساطه موقفه جميع خدماتك حتى تحل المشكلة

اخوي سلمان هو قصده طال عمرك ان فيه بعض الشركات تعطي رواتب موظفيها اما شيكات او كاش
ولا توقع اي اتفاقيات مع البنوك لأنها يمكن ما تملك ضمانات بنكية

عشان كذا لما تروح أي بنك يسألك وين شغال .. ويشيك على اللسته عنده ويشوف ان البنك ماهو موقع اتفاقية

هنا المقصد وانا اخوك
والشركات الخاصة عندها مشكلة مع الأجانب خاصة ,, ياخذ قرض ويهج لديرته ورح اسال البنوك وشف المشاكل معهم

تبي أقولك شي

إنشالله إنها خيره. البنوك شياطين ما أدانيهم. غير إن أغلبها ربويه مافيه بركه. أتمنى لك الرزق والتوفيق والله لا يحوجك لهم

salman0hassan

انت اخبر بالشروط انا اعرف شرط واحد وهو توقيع اتفاقية وهو محور حديثنا
____________________________________________
توقيع عقد التمويل اخر إجراء بعد ماتنطبق عليك الشروط وكل بنك وله شروطة
اهم شرط في جميع البنوك ان الشركة او المؤسسة الخاصة يكون بينهم اتفاقية

كنت شغال في مؤسسة مقاولات وكان الراتب ينزل على الحساب امر مستديم
___________________________________
المؤسسة اللي انت فيها ما لها ضمانات بنكية


هل سالفة توقيع اتفاقية عندنا في السعودية فقط
_________________________
الله اعلم

هدا الشرط كان ضمان حق للبنك ادا استقال الموظف
_________________________________
لا

علطول باقي حقوقه ينزل على الحساب والبنك يحط يده عليه
لان كان صعب يشوفو المقترض ادا تلاعب في السداد
____________________________
لا ممكن تستقيل او تنفصل والبنك ما يقدر يسوي شئ بحسابك


اما الان احنا في زمن الحكومة الالكترونية و البنك يقدر يضمن حقه بدون هالحركه
وسمه ما تقصر بكل بساطه موقفه جميع خدماتك حتى تحل المشكلة
___________________________________________
فيه افراد تجار اعرفهم عليهم ايقاف خدمات 5 سنوات وامورهم ماشية بالواسطات
ايقاف الخدمات ليس ضمان بنكي


لكن اللي حاب اوصلة ان كل بنك شروطة الفرعية الراتب والعمر والصحة وغيرها

وبنسبة للشروط الأساسية مثل اتفاق المؤسسة او الشركة مع البنك فيه اجبارية وصادرة من مؤسسة النقد العربي السعودي بأمر حكومي
وتطبق على جميع البنوك بلا استثناء