مخالفه مروريه للاكياس الوكاله

على حسب تسليم الدفتر
ممكن اقل من يوم وممكن اسبوع الى 10 ايام
واطن مخالفتها 3000
الله يعينك وانا اخوك

بس اللزقه من الوكاله !!!!!

متاكد من كلامك؟

شوف الفقرة رقم 10 الاخيرة
اذا انزلت 3000 اعترض لاتسكتلهم
جدول المخالفات رقم ( 6 )

غرامة مالية لا تقل عن (3000 ريال) ولا تزيد عن (6000 ريال)

1.


سير المركبة بدون لوحات (مع حجز المركبة حتى إزالة المخالفة)

2.


استخدام لوحة غير عائدة للمركبة (مع حجز المركبة حتى إزالة المخالفة)

3.


استخدام لوحات غير نظامية (مع حجز المركبة حتى إزالة المخالفة)

4.

تركيب تجهيزات في المركبة كتلك الخاصة بالمركبات الرسمية ومركبات الطوارئ (مع حجز المركبة حتى إزالة المخالفة)

5.


تجاوز إشارة المرور الضوئية أثناء الضوء الأحمر

6.


تجاوز حافلات النقل المدرسي عند توقفها للتحميل أو للتنزيل

7.

تسيير مركبات الأشغال العامة على الطرق قبل اتخاذ الإجراءات اللازمة لتلافي أضرارها بما في ذلك عدم وضع الشرائح العاكسة على جانبي مؤخرة المركبة (مع حجز المركبة حتى إزالة المخالفة)

8.


العبث بعلامات الطريق أو العاكسات أو الشاخصات المنظمة لحركة السير

9.

عدم الوقوف عند نقاط التفتيش أو الدوريات الأمنية عند وجود توجيه أو علامة توجب الوقوف

10.

استخدام أجهزة غير مصرح بها في المركبة أو وضع شعارات أو ملصقات تتنافى مع الآداب العامة

مااعتقد يااخوي .. لان ذا الشي ضد المنطق اساسا !!
اذا ٣٠٠٠ المخالفه فكيف يسمح المرور بااستيراد سيارات وفيها اشياء منافيه للاداب العامه !!! (اكياس الوكاله)

انا الي قاهرني انها اكياس الوكاله !!!!

الاعتراض وين يكون بالمرور؟ ولا ابشر؟

الإعتراض يكون في قسم هيئة الفصل في المخالفات المرورية .. تقدم لرئيس القسم معروض وترفق معاه صورة ممشى السيارة إذا كان قليل فعلا وتطلب في المعروض أن يتم التأكد من ممشى السيارة من قبلهم وتاريخ نقل ملكيه السيارة أيضاً

الاعتراض يكون بالهيئة المرورية بادارة المرور بالمنطقة
الي الي ااخذت المخالفة فيها هاذا للمخالفات الورقية
اما مخالفات ساهر تكون عن طريق نضام ابشر
وبيقولك بعد ماتعترض روح سدد
عشان ماتنتقل للحد الاعلى 6000
انا ياغالي بحثت في جميع جداول المرور اخر تحديث
ولم اجد مخالفة ملصقات الا هاذي 3000
ابد مافية غيرها
روحلهم وتفاهم معهم
حرام والله تاخذها والتجاليد من الوكالة

نعم صحيح الملصقات مخالفة ب ٣٠٠٠
وخصوصا اللي تجي على القزاز 
متأكد من المعلومة هذي

وش كاتب في ورقة المخالفه بالضبط ؟
اعتقد المخالفه من 300 الى 500
وهي المخالفه الي تندرج على على هذي الفقرة من جدول المخالفات 1- جراء أي تعديل أو إضافة على هيكل أو جسم المركبة بدون اتخاذ الإجراءات النظامية (مع حجز المركبة حتى إزالة المخالفة)

اما المخالفه ام 3000 الي فيها كتابات سواء عربيه او انجليزيه اما الي في موضوع الاخ فهي تدخل في فقره المخالفات الشبيه بمخالفة تظليل القزاز

عموما الله يعينك ياخوي
بس ترا مافي شركة سيارات تقولك اترك اللصقات ولاتشيلها
بالعكس كل الشركات المصنعه تذكر انه لابد نزع الملصقات من المستخدم ( يعني اول مايستلمها ) وليس منافذ البيع اللي هي الوكالات

صراحه ماودي احطمك لكن مالك حجه عليهم في حالة الإعتراض لكن جرب المبلغ مو بسيط

pro rare : كاتب في المخالفه (تركيب المصقات) .. وحجز المركبه لين شلت الملصقات حق الوكاله !
المخالفه ماعليها سعر ولا شي .. بس الاسم ونوع المخالفه.

حسب متابعتي للسناب الامني و موجوده مقاطعهم باليوتيوب

اشوف المرور بالرياض يوقف اي واحد تارك تجاليد الوكالة باقي عليها يوقفونه و يخلونه يفكها

لكن ما اشوفهم يعطونه مخالفة ولا ذكروا ان فيها حجز

يااخوان المخالفه الورقيه يفترض انه يكتب قيمه المخالفه ولا لا؟

انا ذا الشي الي محيرني انا ماادري وش نوع المخالفه الي علي بالضبط .. هل ملصقات منافيه للاداب ولا اضافه على هيكل السياره ؟!!!

حبيبي اخذ رقم المخالفة واستعلم عنها في ابشر 
اكتب بالبحث (استعلام عن المخالفة) ويجيك

ابعد عن الشر وغنيله
التجاليد صارت مشبوهه
وشبه ممنوع قياده السياره وهي عليها
لذلك فكها الله لايهينك

الحمدلله على كل حال .. المخالفه ٣٠٠٠ ريال نزلت !

انا اركبها ويفكونها المرور ويطوني تعديل مركبه ٣٠٠ ريال شيء عجيب