رايكم بجنوط 18

ما انصحك فيها خلها على جنطها 16 افضل
جنط 18 مزعج مع عيون القطط تحس برجعه
واذا ضربت في مطب او رصيف يحبل على طول
ويثقل على موتر
سعر كفر 18 اغلى من كفر 16

بيض الله وجهك حبيبي محمد

بالعكس كويس لاهو كبير ولا صغير حجمه وسط
وكويس مع الحفر والمطبات
المطبات بتقسى شوي لكن بتكون ارسى بشكل ملحوظ
انصحه يتوكل على الله

هو كشكل جمالي اكيد بيفرق وبيطلع حلو
لكن كل شي له ضريبة
كل ما كبر الجنط كل ما قلّت راحة السيارة وتسمع صوت الشارع وعيون القطط تسمعها
ممكن الكفر له دور خصوصا إن كان لين - هانكوك او غيره
انا جنط سيارتي 20 وكنت مركب بريجستون وكان فعلا قاسي ومزعج جدا وحاولت انقص الهواء وما فاد
رحت ركبت كفرات هانكوك وعملت فارق كبير جدا جدا

الله يسخر لكم بما فيه الخير
موفقين

الله يعطيك العافية اخوي احمد

و اخوي الاحترافي بسالك

يعني تنصح انه يغيير ولا يضل على 16 ؟

وهو تاثرت معاك سالفة التحبيل بشكل متكرر

لان ازعاج صوت الشارع مشششكلة مررة
والله يبيض وجيهكم

شوف انا معاي النترا جنط 17 في لفات اقصها على سرعتي وانا احس اني متمكن في السيارة
واحد من الشباب معاه نفس سيارتي بس جنط سوح مقاس 16 جربتها
والله في الرساوة سيئة وتحس انها اقل لفه راح تحوص معاك السيارة


مميزات الجنط الكبير
الرساوة وثبات السيارة

مميزات الجنط الصغير
ازعاج الشارع يكون اخف واذا كان الكفر مرتفع يمكن يختفي صوت الشارع
كفراته ارخص
السيارة تكون معاك لينه
صرفية البنزين اقل
تسارع السيارة يكون افضل


50 كيلو ما تعتبر مسافة طويلة
فانصحه بجنوط السوح

يارجال اشوف كادينزات حقيت خطىط يركبون جنوط حديد ١٦ 

اريح للسيارة وانعم واهدأ 

ال ١٨ ولا بريال تحبيل وقساوة وصوت الازفلت في اذنك وكفراته غالية ماله الا ميزة الشكل ولا هو كله سلبيات

^
يركبونها شله شطر بطر لاتحط ببالك انهم ركبوها 
عشان سالفه المطبات او سعر الكفر

أخي الكريم خذ الأضياح
جنط 16
أولا أريح
ثانيا للكفر أفضل ما يحبل
ثالثا صوت المشي مايطلع بشكل قوي
جند 18
أولا أرسى شكلا أفضل وعيوبه
صوات المشي عدم الراحه في الطبات أي مطب قوي ممكن يضرب الفكر فيه

انا معاي سوناتا جنط 18 و غيرته لجنط 16 والسبب التحبيل و الازعاج تحس الحفره براسك
اذا سواقتك هاديه خذها ماعليها خلاف اما اذا مشاويرك كثييره مثلي ف ما أنصحك لانخا بتعبك

لا وألف لا! أنا عانيت كثير من الجنوط الكبيرة والكفرات الواطية (17 و18 على كفرات 205 و215 و225 على 45) لغاية ما شريت جنوط أصغر من نفس الوكالة وركبت كفرات 225 على 60 على 16 وريحت راسي. الشوارع عندنا على حفرها ومطباتها وأغطية المناهل ما تتحملها الجنوط الكبيرة والكفرات الصغيرة. روح شوف البلاوي اللي عند المخارط الجنوط
المكسرة والمطعجة.

ومن فترة كنت عارض جنوط 16 للبيع وشراها مني واحد جنوطه 18 علشان يخلص من نفس المشكلة. قول لصاحبك إنسى.

انا معي سوناتا

مغير الجنوط من 18 الى 16 بسبب الازعاج والقروشة بالحفر والمطبات وارتحت كثيرررررررررررررر

الله يجزاكم الف خير ويرفع قدركم

فعلا معلومات مفيدة وشكله راح يبطل من التغيير

في النهاية الراحة و التوفير اهم من شكل السيارة