سؤال يهم البائع والمشتري

كمشتري لمستخدم الاشياء الاستهلاكيه ماتهمني ولاادقق فيها لاني بشتري مستخدم
وبغير الاشياء الاستهلاكيه طبعا هي تفرق بين القطع واسعارها وجودتها
كبائع اوضح للمشتري ان السيارة فيها كذا وكذا واريح راسي من اي ازعاج بعدين
وطبعا كأمانه قبلها

طيب كمشتري لو ذكرلك البايع ان السيارة فيها مشكلة في طرمبة الباور او كومبريسسور المكيف كمثال
وقالك انا بغيرهم
وانت تعلم ان هناك صيني وتشليح واصلي
وعادة البايع يختار ارخص الاثمان لانه لن يستعمل السيارة
هل ستوافق على ذلك ؟؟

ان كان يعلم البائع بردائة الجودة ومدى خطورة تلف القطعة فهذا غش والافضل بيعها على حالتها او إصلاحها بما يرضي الضمير واي شخص فاهم ماراح يقبل

كمبروسر المكيف
مستحيل اخليه يصلحها من نفسه
يحطلي تجاري ولا مستعمل وفريون صيني
كذا بيخرب علي دائرة التبريد كلها
ويمكن مايغير رديتر المكيف وهذا مهم تغييره
اذا خرب الكمبروسر
اذا انا كبائع ابوزنها بعقلي
كم تسوى اذا بعتها بخرابها
وكم تسوى اذا بعتها بعد مااصلحها
واشوف الفرق يسوى اني اصلحها او لا
هذا اذا قطع اصليه
اما تجاري ماني مركب الا بحاله وحده
اعلم صاحبها واعطيه الفواتير
بيوافق يشتريها اهلا وسهلا مايبي الله يستر عليه

شي طبيعي كل سياره معرضه هالامور للتغيير وكونها مستعمله يعني يدري انها مستهكله وفيها نص عمر
اما الاشياء الاخرى المهمه مثل مساعد او كراسي المكينه اللي تاثر على توازن السياره 
طبيعي بصلحها كما لو هي معي وبستخدمها ، 
فالنهايه الامانه اهم شي ، وكم بتفرق يعني ٥٠٠ لو بالكثير فرق
ماتسوى تبيع ذمتك على مبلغ صغير في بيعه السياره ، 

بس تدري وش اللي يغبن ، لمن تعرض سيارتك وتقول اني مغير فيها ومجدد كذا حاجه
ودافع مبلغ وقدره ، ويجيك الشاري ويقول مثلها بالموقع واقل منها بمبلغ ٣٠٠٠ او ٤٠٠٠
طيب انا مغير كفرات انا مغير كل شي فيها ، انا مجددها ومنجد بعض الاشياء المستهلكه ، 
يعني بتخدم معك اكثر من غيرها ، 

ولو بشتري وقال بغيرها بقوله اخصم قيمه التغيير شغل اليد. وقطع الغيار اللي بتدفعهم
وانا اصلحها برا ،